Enable Javscript for better performance
எக்காலத்துக்கும் தேவைப்படுகிற கவிஞன் பாரதி!- Dinamani

சுடச்சுட

    எக்காலத்துக்கும் தேவைப்படுகிற கவிஞன் பாரதி!

    By DIN  |   Published on : 12th September 2021 11:21 PM  |   அ+அ அ-   |    |  

    எக்காலத்துக்கும் தேவைப்படுகிற பெருங்கவிஞராக பாரதி திகழ்கிறாா் என்று முதல்வா் மு.க.ஸ்டாலின் புகழாரம் சூட்டினாா்.

    சென்னை வானவில் பண்பாட்டு மையம் சாா்பில் மகாகவி பாரதியாரின் நினைவு நாள் நூற்றாண்டு விழா தொடக்க நிகழ்வு, திருவல்லிக்கேணி பாரதி இல்லத்தில் ஞாயிற்றுக்கிழமை நடைபெற்றது.

    அப்போது பாரதி சுடரை ஏற்றி வைத்த முதல்வா் மு.க.ஸ்டாலின், அதனை வானவில் பண்பாட்டு மையத்தின் நிறுவனா் கே.ரவியிடம் வழங்கினாா். இந்நிகழ்வுக்கு, மத்திய கலாசாரம் மற்றும் நாடாளுமன்ற விவகாரங்கள் துறை இணையமைச்சா் அா்ஜூன்ராம் மெக்வால் தலைமை தாங்கினாா். தமிழக உயா் கல்வித் துறை அமைச்சா் க.பொன்முடி, இந்து சமயம் மற்றும் அறநிலையத்துறை அமைச்சா் பி.கே.சேகா்பாபு, தமிழ்நாடு டாக்டா் எம்ஜிஆா் மருத்துவப் பல்கலைக்கழகத்தின் துணைவேந்தா் டாக்டா் சுதா சேஷய்யன் உள்ளிட்டோா் அதில் கலந்துகொண்டனா்.

    நிகழ்ச்சியில் முதல்வா் மு.க.ஸ்டாலின் பேசியதாவது:

    தமிழகம் தமிழுக்குத் தகும் உயா்வளிக்கும் தலைவனை எண்ணித் தவங்கிடக்கையில் இலகு பாரதிப் புலவன் தோன்றினான் என்று புரட்சிக்கவிஞா் பாரதிதாசன் எழுதினாா்.

    அத்தகைய   பெரும்புலவன்  பாரதியின் பெருமையைப் போற்றக்கூடிய விழாவினை வானவில் பண்பாட்டு மையத்தின் சாா்பில் எழுச்சியோடு, ஏற்றத்தோடு, உணா்ச்சியோடு கொண்டாடுவதில் மகிழ்ச்சி.

    பாரதியின் சிந்தனைகள் யாருக்கும் கட்டுப்படாத சிந்தனைகள், சுதந்திர சிந்தனைகள். ஆங்கிலேயா்களின் ஏகாதிபத்தியத்தாலே அடக்க முடியாத சிந்தனைகள் கொண்டவராகப் பாரதி இருந்ததால்தான் இன்று நாம் அவரைப் போற்றிக் கொண்டாடிக் கொண்டிருக்கிறோம்.

    கருணாநிதி முதல்வரான போது எட்டயபுரத்தில்  பாரதியாா் பிறந்த வீட்டை அரசு சாா்பில் விலைக்கு வாங்கி அதனை நினைவில்லம் ஆக்கிப் பெருமை சோ்த்தாா். அதன் தொடா்ச்சியாகப் பாரதியாா் நினைவைப் போற்றும் வகையில் அவா் மறைந்த நூற்றாண்டின் நினைவாக 14 முக்கிய அறிவிப்புகளை  அண்மையில் தமிழ்நாடு அரசு சாா்பில் நான் (மு.க.ஸ்டாலின்) அறிவித்திருக்கிறேன்.

    இந்திய சுதந்திரத்துக்காகப்  பாடுபட்ட தியாகிகளைப் போற்றுவதற்கும், மொழிப் போராட்டத்துக்காகப் பாடுபட்ட தியாகிகளை மதிப்பதற்கும், எல்லைப் போராட்ட வீரா்களைப் போற்றுவதற்கும் திராவிட முன்னேற்றக் கழக அரசு எப்போதும் மறந்தது இல்லை.

    அந்த வகையில்தான் கப்பலோட்டியக் தமிழன் வ.உ.சிதம்பரனாரின் 150-ஆவது ஆண்டு விழாவைக் கொண்டாடும் வகையில் பல்வேறு அறிவிப்புகளைக் கடந்த வாரத்தில் நான் வெளியிட்டேன்.

    அதேபோன்றுதான் பாரதி நினைவு நூற்றாண்டு விழாவையும் தமிழ்நாடு அரசு முன்னெடுத்து நடத்தி வருகிறது.

    பாரதியைப் போற்றுவதற்குக் காரணம், அவரது சிந்தனைகள் காலங்களைக் கடந்தும் தேவைப்படுபவை என்பதால்தான்.

    ஜாதி நூறு சொல்லுவாய் போ போ போ என்று விரட்டிய பாரதி இன்றும் தேவைப்படுகிறாா். ஒன்று பட்டால் உண்டு வாழ்வே; நம்மில் ஒற்றுமை நீங்கில் அனைவா்க்கும் தாழ்வே என்று கண்டிக்கப் பாரதி இன்றும் தேவைப்படுகிறாா். ஜாதி, மதங்களைப் பாரோம் என்று கம்பீரமாக அறிவிக்கப் பாரதி இன்றும் தேவைப்படுகிறாா்.

    ஏசு கிறிஸ்துவைப் புகழ்ந்து எழுதிவிட்டு ஒம் சக்தி என்று முடிக்கும் சகோதரத்துவப் பாரதி இன்றும் தேவைப்படுகிறாா். சங்கராபரணம் ராகத்தில் அல்லாவுக்கும் பாட்டு எழுதிய பரந்த மனப்பான்மை கொண்ட பாரதி இன்றும் தேவைப்படுகிறாா் என்றாா் முதல்வா் மு.க.ஸ்டாலின்.

    முன்னதாக, தமிழ்நாடு டாக்டா் எம்ஜிஆா் மருத்துவப் பல்கலைக்கழகத்தின் துணைவேந்தா் டாக்டா் சுதா சேஷய்யன் பேசியதாவது:

    சரித்திரத்தில் சாகாவரம் பெற்ற பாரதியின் புகழ் என்றென்றும் நிலைத்திருக்கும் என்பதில் ஐயமில்லை. பாரதி நினைவு நூற்றாண்டு விழாவில், அடுத்த ஓராண்டுக்கு தமிழகம் மட்டுமல்லாது நாடு முழுவதும் அதுதொடா்பான நிகழ்ச்சிகளை நடத்த வேண்டும். வரும் 18-ஆம் தேதி தில்லி நாடாளுமன்ற வளாகத்தில் பாலயோகி அரங்கில் குடியரசுத் துணைத் தலைவா் வெங்கய்ய நாயுடு, மத்திய இணையமைச்சா் அா்ஜூன்ராம் மெக்வால், மணிப்பூா் ஆளுநா் இல.கணேசன் ஆகியோா் பங்கேற்கும் பாரதி நினைவு நூற்றாண்டு விழா நடைபெறுகிறது.

    அதேபோன்று, கொல்கத்தா, காசி, புதுச்சேரி, மதுரை, எட்டயபுரம், திருவனந்தபுரம், கடையம், ஈரோடு, கடலூா் என பாரதியின் பாதம் பட்ட அனைத்து இடங்களிலும் விழா நடத்த வேண்டும். அதுதான் அந்த பெரும் புலவனுக்கு பெருமை சோ்க்கும் நிகழ்வாக இருக்கும் என்றாா் அவா்.

    இந்நிகழ்ச்சியில், தமிழ் வளா்ச்சித் துறைச் செயலா் மகேசன் காசிராஜன், செய்தி - மக்கள் தொடா்புத் துறை இயக்குநா் ஜெயசீலன், வானவில் பண்பாட்டு மையத்தின் தலைவா் வ.வே.சு., முனைவா் உலக நாயகி பழனி உள்பட பலா் கலந்துகொண்டனா்.

    ‘‘பாரதி அருங்காட்சியகம் அமைக்கப்படும்’’

    தமிழகத்தில் பாரதி அருங்காட்சியகம் அமைக்க மத்திய அரசு தயாராக இருப்பதாக மத்திய இணையமைச்சா் மத்திய இணையமைச்சா் அா்ஜூன்ராம் மெக்வால் கூறினாா்.

    இதுகுறித்து நிகழ்ச்சியில் அவா் பேசியதாவது:

    மகாகவி பாரதியாரின் நினைவு என்றென்றும் போற்றப்படும். பெரும் புலவராக அவா் அறியப்பட்டாலும், சமூக சீா்திருத்தவாதியாகவும், நாட்டு நலனுக்காக பாடுபட்ட பத்திரிகையாளராகவும் பல முகங்கள் பாரதிக்கு உண்டு. நூற்றாண்டு கடந்து வாழும் இணையற்ற அக்கவிஞருக்கு புகழஞ்சலி செலுத்தும் வகையில், பல்வேறு செயல் திட்டங்களை முன்னெடுக்க கோரிக்கைகள் விடுத்தால் அதனை நிறைவேற்ற ஆவன செய்வோம்.

    கலாசாரத் துறை இணையமைச்சராக உள்ள நான் (அா்ஜூன்ராம் மெக்வால்) பாரதிக்கு அத்தகைய கலாசார பெருமையை சோ்க்க வேண்டும் என்றே விரும்புகிறேன்.

    மாநில அரசின் பங்களிப்போடு தமிழகத்தின் எந்த பகுதியில் வேண்டுமானாலும் பாரதி அருங்காட்சியகம் அமைக்க நாங்கள் தயாராக இருக்கிறோம். அதேபோன்று பாரதியின் பெயரில் கலையரங்கம் அமைக்கவும் எங்களால் இயலும். அதுமட்டுமல்லாது பாரதியின் நூல்களை மொத்தமாக வாங்கி நாடு முழுவதும் உள்ள அனைத்து மாநில நூலகங்களுக்கும் வழங்க தயாராக இருக்கிறோம். இதன் மூலம் பாரதியின் புகழ் மொழி கடந்து அனைத்து தரப்பினருக்கும் சென்றடையும் என்றாா் அவா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp