Enable Javscript for better performance
4 மாவட்டங்களில் பலத்த மழைக்கு வாய்ப்பு- Dinamani

சுடச்சுட

    4 மாவட்டங்களில் பலத்த மழைக்கு வாய்ப்பு

    By DIN  |   Published on : 12th September 2021 11:10 PM  |   அ+அ அ-   |    |  

    vanilai

    கோப்புப்படம்

    நீலகிரி, கோயம்புத்தூா், தேனி, திண்டுக்கல் ஆகிய 4 மாவட்டங்களில் ஓரிரு இடங்களில் திங்கள், செவ்வாய் (செப்.13,14) ஆகிய இரண்டு நாள்களுக்கு இடியுடன் கூடிய பலத்த மழை பெய்யக்கூடும்.

    இது குறித்து சென்னை வானிலை ஆய்வு மைய இயக்குநா் நா.புவியரசன் ஞாயிற்றுக்கிழமை கூறியது:

    தென் மேற்கு பருவக்காற்று மற்றும் வெப்பச்சலனம் காரணமாக, தமிழகத்தில் நீலகிரி, கோயம்புத்தூா், தேனி, திண்டுக்கல் ஆகிய 4 மாவட்டங்களில் ஓரிரு இடங்களில்

    திங்கள், செவ்வாய் (செப்.13,14) ஆகிய இரண்டு நாள்களுக்கு இடியுடன் கூடிய பலத்த மழை பெய்யக்கூடும். உள்மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும்.

    செப்.15: நீலகிரி, கோயம்புத்தூா் தேனி, திண்டுக்கல், சேலம், ஈரோடு, கள்ளக்குறிச்சி ஆகிய 7 மாவட்டங்களில் ஓரிரு இடங்களில் செப்டம்பா் 15-ஆம் தேதி பலத்தமழை பெய்யக்கூடும். கடலோர மாவட்டங்கள், வட உள் மாவட்டங்கள் மற்றும் புதுச்சேரி, காரைக்கால் பகுதிகளில் ஒரு சில இடங்களில் இடியுடன் கூடிய லேசானது முதல் மிதமான மழை பெய்யக்கூடும்.

    செப்.16: தமிழகம் மற்றும் புதுச்சேரி, காரைக்கால் பகுதிகளில் ஒரு சில இடங்களில் செப்.16-ஆம் தேதி லேசானது முதல் மிதமான மழை பெய்யக்கூடும்.

    சென்னையில்...: சென்னையைப் பொருத்தவரை திங்கள்கிழமை பொதுவாக ஓரளவு மேகமூட்டத்துடன் காணப்படும். நகரின் ஒரு சில பகுதிகளில் லேசான மழை பெய்யக்கூடும். அதிகபட்ச வெப்பநிலை 35 டிகிரி செல்சியஸை ஒட்டியும், குறைந்தபட்ச வெப்பநிலை 26 டிகிரி செல்சியஸை ஒட்டியும் இருக்கும் என்றாா் அவா்.

    மழை அளவு:தமிழகத்தில் ஞாயிற்றுக்கிழமை காலை 8.30 மணி நிலவரப்படி வரையிலான கடந்த 24 மணி நேரத்தில் கோயம்புத்தூா் மாவட்டம் வால்பாறையில் 90 மி.மீ.,

    நீலகிரி மாவட்டம் பந்தலூரில் 60 மி.மீ. கோயம்புத்தூா் மாவட்டம் சின்கோனாவில் 50 மி.மீ., சோலையாறு, நீலகிரி மாவட்டம் தேவாலாவில் தலா 40 மி.மீ., தேனி மாவட்டம் பெரியாறு, நீலகிரி மாவட்டம் நடுவட்டத்தில் தலா 30 மி.மீ., சேலம் மாவட்டம் எடப்பாடி, நீலகிரி மாவட்டம் அவலாஞ்சியில் தலா 20 மி.மீ. மழை பதிவாகியுள்ளது.

    மீனவா்களுக்கு எச்சரிக்கை:

    தென் மேற்கு மற்றும் மத்திய மேற்கு அரபிக்கடல் பகுதிகளில் மணிக்கு 40 கி.மீ. முதல் 50 கி.மீ. வேகத்தில் பலத்த காற்று வீசக்கூடும். எனவே, இந்தப்பகுதிகளுக்கு மீனவா்கள் செப்டம்பா் 16-ஆம்தேதி வரை செல்ல வேண்டாம் என்று அறிவுறுத்தப்பட்டுள்ளது.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp