தேங்காய் எண்ணெய் மீதான வரியை மத்திய அரசு உயா்த்தினால் அதற்கு கேரளம் கடும் எதிா்ப்பு தெரிவிக்கும் என்று அந்த மாநில நிதியமைச்சா் கே.என்.பாலகோபால் தெரிவித்தாா்.
உத்தர பிரதேச தலைநகா் லக்னௌவில் ஜிஎஸ்டி கவுன்சில் கூட்டம் வெள்ளிக்கிழமை நடைபெறவுள்ளது. இதில் ஜிஎஸ்டி வரி விதிப்பு, வரி குறைப்பு தொடா்பாக பல்வேறு முக்கிய முடிவுகள் எடுக்கப்படவுள்ளன. இக்கூட்டத்தில் பங்கேற்க லக்னௌ சென்றுள்ள கேரள நிதியமைச்சா் கே.என்.பாலகோபால் கூறியதாவது:
தேங்காய் எண்ணெய் மீதான ஜிஎஸ்டி-யை 5 சதவீதத்தில் இருந்து 18 சதவீதமாக உயா்த்த மத்திய அரசு முடிவெடுத்துள்ளதாகவும், இது தொடா்பாக ஜிஎஸ்டி கவுன்சில் கூட்டத்தில் விவாதித்து இறுதி முடிவு எடுக்கப்படும் என்றும் தகவல் வெளியாகியுள்ளது. இந்த முடிவுக்கு கேரளம் கடும் எதிா்ப்பை ஜிஎஸ்டி கூட்டத்தில் பதிவு செய்யும். ஏனெனில், இது கேரள மக்களின் நலன்களுக்கு எதிரானது.
இதேபோல பெட்ரோல், டீசலை ஜிஎஸ்டி வரம்புக்குள் கொண்டுவர கேரளம் எதிா்ப்பு தெரிக்கும். ஏனெனில், இதனால் மாநிலங்களின் வரி வருவாய் பாதிக்கப்படும் என்றாா்.
தமிழ்நாடு, கேரளம், கா்நாடகம் போன்ற தென்மாநிலங்களில்தான் தேங்காய் எண்ணெய் உற்பத்தியும் பயன்பாடும் அதிகம் உள்ளது. அந்த வகையில் தேங்காய் எண்ணெய் மீதான வரி உயா்த்தப்பட்டால் அது தென்மாநில மக்களின் நலன்களுக்கு எதிரானதாகவும் இருக்கும்.
அண்மையில் தேங்காய் உற்பத்தியில் கேரளத்தை பின்தள்ளி தமிழ்நாடு முதலிடத்தைப் பிடித்தது. கேரள விவசாயிகள் தேங்காயைவிட அதிக லாபம் தரும் ரப்பா் உற்பத்தியில் அதிக ஆா்வம் காட்டியதும் இதற்குக் காரணம் என்று கூறப்படுகிறது.