Enable Javscript for better performance
வனப்பகுதியிலுள்ள ஆக்கிரமிப்பை விரைந்து அகற்ற அரசுக்கு உயா்நீதிமன்றம் உத்தரவு- Dinamani

சுடச்சுட

    வனப்பகுதியிலுள்ள ஆக்கிரமிப்பை விரைந்து அகற்ற அரசுக்கு உயா்நீதிமன்றம் உத்தரவு

    By DIN  |   Published on : 22nd September 2021 01:33 AM  |   அ+அ அ-   |    |  

    மனித குலத்திற்குப் பயனளிக்கும் வனத்தை பாதுகாப்பது அவசியம் என அறிவுறுத்திய உயா் நீதிமன்றம், வனப்பகுதியிலுள்ள ஆக்கிரமிப்பை விரைந்து அகற்றும் நடவடிக்கையைத் தொடரவும் உத்தரவிட்டுள்ளது.

    சென்னை உயா் நீதிமன்றத்தில் கடலூரைச் சோ்ந்த பிரபாகரன் என்பவா் தாக்கல் செய்த மனுவில், தமிழ்நாடு மலைப்பகுதி கட்டடங்கள் சட்ட விதிகளை மீறி, நீலகிரி மாவட்டம், நடுவட்டம் கிராமத்தில் மருத்துவா் கவிதா செண்பகம் என்பவா் விடுதி (ரிசாா்ட்) கட்டி வருகிறாா்.

    அதற்காக வனப்பகுதி நிலங்களை ஆக்கிரமித்து கட்டுமான பொருட்களை குவித்துள்ளதோடு, வனப்பாதையையும் விரிவுப்படுத்தியுள்ளாா். சட்ட விதிகளை மீறி செயல்படும் அவா் மீது தகுந்த நடவடிக்கை எடுக்க உத்தரவிட வேண்டுமென கோரியிருந்தாா்.

    இவ்வழக்கு கடந்த முறை தலைமை நீதிபதி தலைமையிலான அமா்வு முன்பு விசாரணைக்கு வந்தபோது, இதுகுறித்து உடனடியாக ஆய்வு செய்து ஆக்கிரமிக்கப்பட்ட வனப்பகுதி நிலத்தை மீட்க வேண்டுமெனவும், வனப்பகுதி ஆக்கிரமிப்பு குறித்து அறிக்கை தாக்கல் செய்யவும் உத்தரவிட்டிருந்தது.

    இந்த நிலையில், இவ்வழக்கு தலைமை நீதிபதி சஞ்சீவ் பானா்ஜி, நீதிபதி ஆதிகேசவலு ஆகியோா் அடங்கிய அமா்வு முன்பு செவ்வாய்க்கிழமை விசாரணைக்கு வந்தது.

    அப்போது அரசு தரப்பில் தாக்கல் செய்யப்பட்ட அறிக்கையில், தமிழகம் முழுவதும் 16,250 ஹெக்டோ் அளவிற்கு வன நிலம் ஆக்கிரமிக்கப்பட்டுள்ளன.ஆக்கிரமிப்பை அகற்றி நிலத்தை மீட்பதற்கு நடவடிக்கை எடுக்கப்பட்டு வருகிறது. மனுதாரா் குறிப்பிட்ட நடுவட்டம் பகுதியில் இருந்த ஆக்கிரமிப்பும் அகற்றப்பட்டதாகத் தெரிவிக்கப்பட்டது.

    இதைப்பதிவு செய்த நீதிபதிகள், உச்ச நீதிமன்றம் பல உத்தரவுகளை பிறப்பித்த பிறகும் தமிழகத்தில்16 ஆயிரம் ஹெக்டோ் அளவிற்கு ஆக்கிரமிப்பு ஏற்பட்டுள்ளதை ஏற்றுக்கொள்ள முடியாது.

    மனித குலத்திற்கு பயனளிக்கும் வனத்தைப் பாதுகாப்பது அவசியம் என வலியுறுத்தியதோடு, வனப்பகுதி ஆக்கிரமிப்பை விரைந்து அகற்றும் நடவடிக்கையைத் தொடரலாம் என அரசுக்கு அறிவுறுத்தி, இவ்வழக்கை முடித்து வைத்து உத்தரவிட்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp