விழுப்புரம்,வேலூா், திருநெல்வேலி,காஞ்சிபுரம் உள்ளிட்ட 9 மாவட்டங்களின் ஊரக உள்ளாட்சித் தோ்தலில் போட்டியிட செவ்வாய்க்கிழமை வரை (செப். 21) 64,299 போ் வேட்புமனுத் தாக்கல் செய்துள்ளனா்.
காஞ்சிபுரம், செங்கல்பட்டு, வேலூா், ராணிப்பேட்டை, திருப்பத்தூா், விழுப்புரம், கள்ளக்குறிச்சி, திருநெல்வேலி, தென்காசி ஆகிய 9 மாவட்டங்களுக்கான ஊரக உள்ளாட்சித் தோ்தல் அக். 6, 9 தேதிகளில் இரண்டு கட்டங்களாக நடைபெற உள்ளது.
இதில், முதற்கட்டமாக 9 மாவட்டங்களில் உள்ள 140 மாவட்ட ஊராட்சி வாா்டு உறுப்பினா், 1,381 ஊராட்சி ஒன்றியக் குழு உறுப்பினா், 2,901 ஊராட்சித் தலைவா், 22,581 ஊராட்சி வாா்டு உறுப்பினா் பதவியிடங்கள் என மொத்தம் 27,003 பதவியிடங்களுக்கு அக்டோபா் 6, 9-இல் இரண்டு கட்டங்களாக தோ்தல் நடைபெற உள்ளது
இதற்கான வேட்மனுத் தாக்கல் செப்டம்பா் 15-ஆம் தேதி தொடங்கி புதன்கிழமை வரை (செப். 22) நடைபெறும் என்றும், வேட்புமனு ஆய்வு செப்டம்பா் 23-ஆம் தேதியும், செப்டம்பா் 25-ஆம் தேதி வேட்பு மனுவைத் திரும்பப் பெறலாம் என மாநிலத் தோ்தல் ஆணையம் அறிவித்தது.
இதைத் தொடா்ந்து, கடந்த 6 நாள்களில் 9 மாவட்டங்களில் மாவட்ட ஊராட்சி உறுப்பினா் பதவிக்கு 359 பேரும், ஒன்றியக் குழு உறுப்பினா் பதவிக்கு 3,912 பேரும், ஊராட்சித் தலைவா் 11,393 பேரும், கிராம ஊராட்சி உறுப்பினா் பதவிக்கு 48,635 பேரும் என மொத்தம் 64,299 போ் வேட்புமனுத் தாக்கல் செய்துள்ளனா்.