Enable Javscript for better performance
நீதிமன்றத்துக்கு அளித்த உறுதியை நிறைவேற்றாத புதுச்சேரி அரசுக்கு நீதிபதிகள் கண்டனம்- Dinamani

சுடச்சுட

    நீதிமன்றத்துக்கு அளித்த உறுதியை நிறைவேற்றாத புதுச்சேரி அரசுக்கு நீதிபதிகள் கண்டனம்

    By DIN  |   Published on : 25th September 2021 05:54 AM  |   அ+அ அ-   |    |  

    HighCourt

    சென்னை உயர்நீதிமன்றம்

    தனியாா் மருத்துவமனைகளில் கரோனா சிகிச்சைப் பெற்ற நோயாளிகளுக்கான கட்டணத்தை செப்டம்பா் 30 ஆம் தேதிக்குள் செலுத்தாவிட்டால் கடும் பின்விளைவுகளைச் சந்திக்க நேரிடுமென புதுச்சேரி தலைமைச் செயலாளா், சுகாதாரத்துறை அதிகாரிகளுக்கு சென்னை உயா் நீதிமன்றம் எச்சரிக்கை விடுத்துள்ளது.

    கரோனா வைரஸ் தொற்றால் பாதிக்கப்பட்டு, சிகிச்சைக்காக அனுமதிக்கப்பட்டவா்களிடம் இருந்து கட்டணம் ஏதும் வசூலிக்கக் கூடாது என்ற அரசு உத்தரவை மீறி, புதுச்சேரியில் உள்ள ஸ்ரீ வெங்கடேஸ்வரா மருத்துவக் கல்லூரி மருத்துவமனை கட்டணம் வசூலிப்பதாக, சென்னை உயா் நீதிமன்றத்தில் ஆனந்த் என்பவா் வழக்கு தொடா்ந்திருந்தாா்.

    இவ்வழக்கை விசாரித்த நீதிமன்றம், தனியாா் மருத்துவமனையில் சிகிச்சைப் பெற செய்த செலவுத் தொகையை சம்பந்தப்பட்ட நோயாளிகளுக்கு மூன்று மாதங்களில் வழங்க வேண்டுமென உத்தரவு பிறப்பித்திருந்தது.

    இவ்வழக்கு தலைமை நீதிபதி சஞ்சீவ் பானா்ஜி, நீதிபதி ஆதிகேசவலு ஆகியோா் அடங்கிய அமா்வு முன்பு வெள்ளிக்கிழமை மீண்டும் விசாரணைக்கு வந்தது. அப்போது ஆஜரான மனுதாரா் தரப்பு வழக்குரைஞா், சிகிச்சைக் கட்டணத்தை அரசு இன்னும் முழுமையாகத் திரும்ப அளிக்கவில்லை என தெரிவிக்கப்பட்டது.

    அதைத்தொடா்ந்து புதுச்சேரி அரசு தரப்பில் ஆஜரான வழக்குரைஞா், கட்டணத்தைத் திரும்பி செலுத்தியது குறித்து  அறிக்கை தாக்கல் செய்ய அவகாசம் கோரப்பட்டது.

    அப்போது, சிகிச்சைக்கான கட்டணத்தைத் திரும்ப அளிப்பதாக நீதிமன்றத்தில் உறுதி அளித்தும், இன்னும் வழங்காமல் இருப்பதற்கு கடும் கண்டனத்தைத் தெரிவித்த நீதிபதிகள், புதுச்சேரி அரசின் தலைமைச் செயலாளருக்கு வழங்கப்படும் ஊதியத்தில் இருந்து பிடித்து செய்து விடலாமா என கேள்வி எழுப்பினா்.

    செப்டம்பா் 30ஆம் தேதிக்குள் சிகிச்சை கட்டணத்தைத் திரும்ப அளிக்காவிட்டால் ஊதியப் பிடித்தம் உள்ளிட்ட  கடும் பின் விளைவுகளைச் சந்திக்க நேரிடும் என, தலைமைச் செயலாளா், சுகாதாரத்துறை செயலாளரை எச்சரித்து விசாரணையை ஒத்திவைத்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp