Enable Javscript for better performance
அரசு ஊழியரின் மகனுக்கு கருணை அடிப்படையில் 30 ஆண்டுகளுக்குப் பிறகு பணி வழங்க உத்தரவு- Dinamani

சுடச்சுட

    அரசு ஊழியரின் மகனுக்கு கருணை அடிப்படையில் 30 ஆண்டுகளுக்குப் பிறகு பணி வழங்க உத்தரவு

    By DIN  |   Published on : 28th September 2021 06:31 AM  |   அ+அ அ-   |    |  

    HighCourt

    சென்னை உயர்நீதிமன்றம்

    சுமாா் முப்பது ஆண்டுகளுக்கு முன்னா் சாலை விபத்தில் மரணமடைந்த அரசு ஊழியரின் மகனுக்கு கருணை அடிப்படையில் வேலை வழங்குமாறு தமிழக அரசுக்கு சென்னை உயா் நீதிமன்றம் உத்தரவிட்டுள்ளது.

    வருவாய்த்துறையில் பணியாற்றி வந்த கணவா், 1988-ஆம் ஆண்டு சாலை விபத்தில் பலியானதால் தனக்கு கருணை அடிப்படையில் அரசு வேலை வழங்கக் கோரி, ஜெயங்கொண்டத்தைச் சோ்ந்த ரோசா என்பவா் தமிழக அரசுக்கு விண்ணப்பித்தாா். அதே நேரத்தில் மற்றொரு பெண்ணும், இறந்த அரசு ஊழியரின் மனைவி எனக்கூறி வேலை வழங்கக் கோரியதால், சட்டப்பூா்வ மனைவி யாா் என நீதிமன்றத்தில் உத்தரவு பெற்று வர அரசு அறிவுறுத்தியது.

    இதையடுத்து கடந்த 2011-இல் ஜெயங்கொண்டம் மாவட்ட முன்சீப் நீதிமன்றத்தில் தொடா்ந்த வழக்கில், ரோசா தான் இறந்தவரின் மனைவி என்று 2013-இல் தீா்ப்பானது

    இந்நிலையில், தன் மகன் பிரபாகரனுக்கு கருணை அடிப்படையில் வேலை வழங்கக் கோரி சென்னை உயா் நீதிமன்றத்தில் ரோசா வழக்குத் தொடா்ந்தாா். ஆனால், 30 ஆண்டுகளுக்குப் பின் விண்ணப்பித்துள்ளதாகக்கூறி, வழக்கை தள்ளுபடி செய்து உயா் நீதிமன்றம் உத்தரவிட்டது.

    இதை எதிா்த்து ரோசா மற்றும் பிரபாகரன்ஆகியோா் தாக்கல் செய்த வழக்கை விசாரித்த நீதிபதிகள் எஸ்.வைத்தியநாதன், நக்கீரன் ஆகியோா் அடங்கிய அமா்வு, இவ்வளவு ஆண்டுகள் தாமதத்திற்கு மனுதாரரையோ அல்லது அரசையோ குறைகூற முடியாது. வழக்கு உரிமையியல் நீதிமன்றத்தில் நிலுவையில் இருந்ததே இந்தத் தாமதத்திற்கு காரணம். பிரபாகரனுக்கு கருணை அடிப்படையில் பணி வழங்க அரசு பரிசீலிக்க வேண்டும். தனி நீதிபதியின் உத்தரவு ரத்து செய்யப்படுகிறது. பிரபாகரனுக்கு தகுதிக்கேற்ப மூன்று மாதத்தில் அரசு வேலை வழங்க வேண்டும்.

    பெரும்பாலான கிரிமினல் வழக்குகளில், ‘சத்தியம் ஒருபோதும் வெற்றிபெறாது’ சந்தேகத்தின் பலன் குற்றம் சாட்டப்பட்டவருக்கு ஆதரவாக மாறும்; வழக்கறிஞா்கள் குற்றம் சாட்டப்பட்டவா் குற்றவாளி என்று அறிந்திருந்தாலும், சங்கிலி இணைப்பு இல்லாத நிலையில், குற்றம் சாட்டப்பட்டவா் குற்றச்சாட்டுகளிலிருந்து வெளியே வருவாா்.

    எல்லா வழக்குகளிலும், தீா்ப்பை வழங்குவதை விட நீதியை வழங்க விரும்புகிறோம் எனக்கூறிய நீதிபதிகள், இந்த உத்தரவு என்பது ஒரு முன்மாதிரியாகக் கருதக்கூடாது; ஏனெனில் இந்த உத்தரவு இவருக்கு மட்டும் தான் பொருந்தும் என்றனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp