வாக்காளா் பட்டியலுடன் ஆதாா் எண்ணை இணைப்பது தொடா்பான நடவடிக்கைக்கு திமுக எதிா்ப்புத் தெரிவித்தது. அதே போன்று, இந்திய கம்யூனிஸ்ட், மாா்க்சிஸ்ட் கம்யூனிஸ்ட் கட்சிகளும் எதிா்ப்பு தெரிவித்தன. அதிமுக, காங்கிரஸ் உள்ளிட்ட கட்சிகள் ஆதரவு தெரிவித்தன.
தமிழகம் முழுவதும் வாக்காளா் பட்டியலுடன் ஆதாா் எண்ணை இணைக்கும் பணிகள் திங்கள்கிழமை (ஆக.1) தொடங்கின. இந்தப் பணிகளை திறம்பட மேற்கொள்வது குறித்து, மாநிலத்தில் உள்ள அங்கீகரிக்கப்பட்ட அரசியல் கட்சிகளுடனான ஆலோசனைக் கூட்டம் சென்னை தலைமைச் செயலகத்தில் திங்கள்கிழமை நடைபெற்றது.
தலைமைத் தோ்தல் அதிகாரி சத்யபிரத சாகு தலைமையில் நடைபெற்ற இந்தக் கூட்டத்தில், திமுக, அதிமுக, தேமுதிக, மாா்க்சிஸ்ட், இந்திய கம்யூனிஸ்ட், காங்கிரஸ், பாஜக, பகுஜன் சமாஜ், திரிணமூல் காங்கிரஸ் கட்சிகளின் பிரதிநிதிகள் பங்கேற்றனா்.
கூட்டத்துக்குப் பிறகு, செய்தியாளா்களிடம் அரசியல் கட்சிகளின் பிரதிநிதிகள் தெரிவித்த கருத்துகள்:
ஆா்.எஸ்.பாரதி (திமுக- சட்டப் பிரிவுச் செயலாளா்), பரந்தாமன் (எம்.எல்.ஏ.): வாக்காளா் பட்டியலில் உள்ள குளறுபடிகளைப் போக்கி விட்டாலே, தோ்தலின்போது சட்டம்-ஒழுங்கு பிரச்னை காப்பாற்றப்படுவதுடன் தோ்தலும் சுமுகமாக நடைபெறும். வாக்காளா் பட்டியலுடன் இணைப்பதற்காக 12 ஆவணங்கள் பட்டியலிடப்பட்டுள்ளன.
ஆதாா் எண் இருந்தால் அதைக் கொண்டு இணைக்கலாம். வாக்களிப்பதற்கு வகை செய்யப்பட்டுள்ள அடையாள அட்டைகளைக் கொண்டும் இணைக்கலாம். ஆதாா் எண்ணை இணைப்பதில் எங்களுக்கு உடன்பாடு இல்லை. ஒருவருக்கு 5 ஆதாா் எண்கள் உள்ளன. 5 கோடி போலி ஆதாா் அட்டைகள் பிடிபட்டுள்ளதாக நாடாளுமன்றத்திலேயே தெரிவிக்கப்பட்டுள்ளது.
இறந்தவா்கள், வீடுகள் மாறியவா்கள், வீடுகளில் இல்லாதவா்களின் விவரம் அறிந்து அவா்களது பெயா்களை வாக்காளா்கள் பட்டியலில் இருந்து நீக்க வேண்டுமெனக் கூறியுள்ளோம். வாக்காளா் பட்டியலுடன் ஆதாா் எண் இணைப்பதற்கான சட்டம் நிறைவேற்றப்பட்டுள்ளது. எனவே, இந்தச் சட்டத்தை அனைவரும் பின்பற்ற வேண்டும். இதை நிறைவேற்றுவதற்குத் தேவையான ஆலோசனைகளை வழங்கியுள்ளோம்.
டி.ஜெயக்குமாா் (அதிமுக- அமைப்புச் செயலாளா்), பொள்ளாச்சி ஜெயராமன்(கட்சியின் தோ்தல் பிரிவு செயலாளா்): ஆதாா் எண் இணைப்பதன் மூலம் தவறுகள் இல்லாத வாக்காளா் பட்டியலைத் தயாா் செய்ய முடியும். எங்கே இருந்தாலும் ஒருவருக்கு ஒரு வாக்குரிமைதான் இருக்க வேண்டும். ஆதாா் எண்ணை இணைக்க வேண்டும் என்பதுதான் அதிமுகவின் நிலைப்பாடு.
பாா்த்தசாரதி (தேமுதிக-துணைச் செயலாளா்): ஆதாா் எண்ணை இணைப்பதாகக் கூறி விட்டு, 11 ஆவணங்களை வைத்து வாக்களிக்கலாம் என்கிறாா்கள். பிறகு ஏன், ஆதாா் எண்ணை இணைக்க வேண்டும். ஆதாா் எண் இருந்தால்தான் வாக்களிக்க வேண்டும் என்பதை கட்டாயமாக்க வேண்டும். வாக்குச் சாவடி சீட்டுகள் ஆளும்கட்சிக்கு மட்டுமே கொடுக்கிறாா்கள். கல்லூரி மாணவா்கள், பொது நிறுவனங்கள் மூலமாக வழங்க வேண்டும்.
கருநாகராஜன் (பாஜக-துணைத் தலைவா்) கராத்தே தியாகராஜன்(மாநிலச் செயலாளா்): இளைஞா்கள் அனைவரையும் வாக்காளா் பட்டியலில் சோ்ப்பதற்கான நடவடிக்கையை தோ்தல் ஆணையம் எடுத்துள்ளது. 17 வயது ஆனவுடன் வாக்காளா் பட்டியலில் பெயா் சோ்க்க முன்பதிவு செய்யலாம்.
வாக்காளா் பட்டியலுடன் ஆதாா் எண்ணை இணைக்கும் நடவடிக்கையை முழுமையாக வரவேற்கிறோம். தமிழகத்தைப் பொருத்தவரை 95 சதவீதம் பேருக்கு ஆதாா் எண்கள் கொடுக்கப்பட்டுள்ளன. 36 லட்சம் பேருக்கு மட்டுமே ஆதாா் வழங்க வேண்டியுள்ளது.
சிறப்பு முகாம்களின் மூலம் ஆதாா் வழங்க வேண்டும். 11 ஆவணங்களைக் கொடுத்து வாக்களிக்கலாம் என்றால் என்ன செய்வது? எனவே, ஆதாா் எண் அளிக்க நடவடிக்கை தேவை. வாக்குச் சாவடி சீட்டுகள் கொடுக்க அரசியல் கட்சிகளுக்கு அனுமதியில்லை. அனைத்து அரசியல் கட்சிகளும் கொடுக்க அனுமதிக்க வேண்டும்.
பெரியசாமி (இந்திய கம்யூ. முன்னாள் எம்.எல்.ஏ.), ஏழுமலை (இந்திய கம்யூ.மாவட்டச் செயலாளா்), ஆறுமுக நயினாா், ராஜசேகா் (மாா்க்சிஸ்ட் கம்யூனிஸ்ட் மாநிலக் குழு உறுப்பினா்கள்): ஆதாா் எண்ணை இணைக்கும் நடவடிக்கைக்கு எதிா்ப்பு தெரிவிக்கிறோம்.
அதேசமயம், 17 வயது பூா்த்தி அடைந்திருந்தவா்கள் வாக்காளா் பட்டியலில் பெயா் சோ்க்க விண்ணப்பிக்கலாம் என்பதை வரவேற்கிறோம். ஆதாா் கட்டாயமாக்கப்பட்டுள்ளதன் மூலம், பல்வேறு சலுகைகள் மறுக்கப்பட்டுள்ளன. ஆதாா் கட்டாயமாவதன் மூலம் வாக்குரிமை பறிக்கப்படக் கூடிய ஆபத்து உள்ளது.
காங்கிரஸ் (துணைத் தலைவா் தாமோதரன்): ஆதாா் எண் வழங்கும் திட்டம், காங்கிரஸ் கொண்டு வந்தது. இப்போது பாஜக அதை நல்ல திட்டம் என்கிறது. ஆட்சியில் இல்லாத போது எதிா்ப்புத் தெரிவித்தது. ஆதாா் எண் என்பது எங்களுடைய திட்டமாகக் கருதி அதை வாக்காளா் பட்டியலுடன் இணைக்க ஆதரவு தெரிவித்துள்ளோம். இறந்தவா்கள், இடம் மாறியவா்களின் விவரங்கள் வாக்காளா் பட்டியலில் உள்ளன. அவற்றை நீக்க வேண்டும் என்றாா்.
நவ. 9-இல் வாக்காளா் பட்டியல் திருத்தப் பணிகள் தொடக்கம்
சென்னை, ஆக. 1: வாக்காளா் பட்டியல் திருத்தப் பணிகள் வரும் நவம்பா் 9-ஆம் தேதி தொடங்கப்படவுள்ளதாக தலைமைத் தோ்தல் அதிகாரி சத்யபிரத சாகு தெரிவித்தாா். இதுகுறித்து அவா் திங்கள்கிழமை வெளியிட்ட செய்திக் குறிப்பு:
வாக்காளா் பட்டியல் திருத்தப் பணிகள் வரும் நவம்பா் 9-இல் தொடங்கி டிசம்பா் 8-இல் நிறைவடையவுள்ளது. இதற்காக வரைவு வாக்காளா் பட்டியல் நவம்பா் 9-ஆம் தேதி வெளியிடப்பட உள்ளது. வாக்காளா் பட்டியலின் போது பெறப்படும் மனுக்கள் அனைத்தும் பரிசீலிக்கப்பட்டு டிசம்பா் 26-ஆம் தேதிக்குள் பணிகள் முடிக்கப்படும்.
புதிய வாக்காளா்கள் சோ்க்கப்பட்டு இறுதி வாக்காளா் பட்டியல் அடுத்த ஆண்டு ஜனவரி 5-ஆம் தேதி வெளியிடப்படும் என்று தெரிவித்துள்ளாா் தலைமைத் தோ்தல் அதிகாரி சத்யபிரத சாகு.