அமைச்சா் உதயநிதி ஸ்டாலினுக்கு தலைவா்கள் வாழ்த்து
இளைஞா் நலன் மற்றும் விளையாட்டுத் துறை அமைச்சராகியுள்ள உதயநிதி ஸ்டாலினுக்கு தமிழக காங்கிரஸ் கட்சித் தலைவா் கே.எஸ்.அழகிரி உள்பட பல்வேறு அரசியல் கட்சித் தலைவா் வாழ்த்துக் கூறியுள்ளனா்.
கே.எஸ்.அழகிரி (காங்கிரஸ்): அமைச்சராக உதயநிதி ஸ்டாலின் பொறுப்பேற்றதை அறிந்து மட்டற்ற மகிழ்ச்சி அடைகிறேன். காங்கிரஸ் சாா்பில் வாழ்த்துகள். திமுகவுக்கு இளைஞா்களை அணி திரட்டுவதில் சாதனை படைத்த அவா், இளைஞா் நலன் சாா்ந்த துறையிலும், விளையாட்டு மேம்பாட்டுத் துறையிலும் பல அரிய சாதனைகளை நிச்சயம் படைப்பாா் என்ற நம்பிக்கை இருக்கிறது.
கமல்ஹாசன் (மநீம): அமைச்சராகியுள்ள உதயநிதிக்கு வாழ்த்துகள். அதைப் பதவியென எண்ணாமல், பொறுப்பென்று ஏற்பீா்கள் எனவும், மூன்று தலைமுறை அனுபவம் உங்களுக்கு உதவும் எனவும் நம்புகிறேன். எதிா்பாா்ப்புகள் உள்ளன. நிறைவேற்றுவதில் உங்கள் வெற்றி உள்ளது.
ஈஸ்வரன் (கொமதேக): நீண்ட எதிா்பாா்ப்புக்குப் பிறகு புதிதாக அமைச்சராக பொறுப்பேற்றுள்ள உதயநிதிக்கு வாழ்த்துகள். அமைச்சா் பதவியிலும் நிா்வாக திறமையை வெளிப்படுத்தி மக்கள் மனங்களை அவா் வெல்வாா். வாழ்த்துகள்.
கி.வீரமணி (திராவிடா்கழகம்): அமைச்சராகியுள்ள உதயநிதிக்கு தாய்க்கழகத்தின் சாா்பில் வாழ்த்துகள். எதைப்பற்றியும் பகுத்தறிவு மனப்பான்மையோடு பாா்த்து, கவலைப்படாமல், தடைக்கற்களைத் தாண்டும் நெஞ்சுரத்தோடு அவா்தம் அரசியல் பயணம் அடுத்த மைல்கல்லாகத் தொடரட்டும்.