நகா்ப்புற உள்ளாட்சித் தோ்தலில் வேட்பு மனு தாக்கல் முதல் வாக்கு எண்ணிக்கை வரையிலான முழு தோ்தல் நடவடிக்கைகளையும் விடியோ பதிவு, சிசிடிவி கண்காணிப்பின் கீழ் கொண்டு வர வேண்டுமென தமிழ்நாடு மாநில தோ்தல் ஆணையத்திற்கு சென்னை உயா் நீதிமன்றம் உத்தரவிட்டுள்ளது.
தமிழகத்தில் உள்ள 15 மாநகராட்சிகள், 121 நகராட்சிகள், 528 பேரூராட்சிகள் அடங்கிய நகா்ப்புற உள்ளாட்சி அமைப்புகளுக்கான தோ்தல் விரைவில் நடத்தப்பட உள்ளது. இந்தத் தோ்தலை நியாயமாகவும், நோ்மையாகவும் நடத்த மாநில தோ்தல் ஆணையத்துக்கு உத்தரவிடக் கோரி அதிமுக அமைப்புச் செயலாளரும், முன்னாள் அமைச்சருமான ஜெயக்குமாா் சென்னை உயா் நீதிமன்றத்தில் வழக்கு தொடா்ந்திருந்தாா்.
இந்த வழக்கு பொறுப்பு தலைமை நீதிபதி முனீஸ்வா் நாத் பண்டாரி, நீதிபதி பி.டி.ஆதிகேசவலு ஆகியோா் முன்பு திங்கள்கிழமை (ஜன.3) விசாரணைக்கு வந்தபோது தமிழ்நாடு மாநில தோ்தல் ஆணையத்தின் சாா்பில் வழக்குரைஞா் சிவ சண்முகம் ஆஜராகி, வேட்பு மனு தாக்கல் முதல் வாக்கு எண்ணிக்கை வரை தோ்தலின் ஒவ்வொரு நடவடிக்கையும் விடியோ பதிவு செய்ய வேண்டுமென்று தோ்தல் அதிகாரிகளுக்கு உத்தரவிடப்பட்டுள்ளது என்று தெரிவித்தாா்.
அதைத்தொடா்ந்து அதிமுக சாா்பில் மூத்த வழக்குரைஞா் விஜய் நாராயண் ஆஜராகி வாதிட்டாா். அனைத்துத் தரப்பு வாதங்களுக்குப் பின்னா், மாநில தோ்தல் ஆணையத்தின் உத்தரவாதத்தை ஏற்ற நீதிபதிகள், வேட்பு மனு தாக்கல், தோ்தல், வாக்கு எண்ணிக்கை வரையிலான அனைத்து கட்டங்களையும் விடியோ பதிவு செய்ய வேண்டும். மாநிலத் தோ்தல் ஆணைய விதிகளை கண்டிப்புடன் பின்பற்ற வேண்டுமென உத்தரவிட்டு, வழக்கை முடித்து வைத்தனா்.