Enable Javscript for better performance
கரும்புக்கான ஆதார விலையை டன் ஒன்றுக்கு ரூ.4,000 உயர்த்தி தருக: ஓபிஎஸ் வலியுறுத்தல்- Dinamani

உடனுக்கு உடன் செய்திகள்

    கரும்புக்கான ஆதார விலையை டன் ஒன்றுக்கு ரூ.4,000 உயர்த்தி தருக: ஓபிஎஸ் வலியுறுத்தல்

    By DIN  |   Published On : 12th January 2022 11:15 AM  |   Last Updated : 12th January 2022 11:15 AM  |  அ+அ அ-  |  

    ops-urges-tamil-nadu-government-to-reduce-vat-on-petrol-and-diesel

     

    சென்னை: தேர்தல் வாக்குறுதிப்படி கரும்புக்கு ஆதார விலை டன் ஒன்றுக்கு ரூ.4,000 உயர்த்தி வழங்க வேண்டும் என அதிமுக ஒருங்கிணைப்பாளர் ஓ.பன்னீர்செல்வம் வலியுறுத்தியுள்ளார். 

    இதுகுறித்து அவர் வெளியிட்டுள்ள அறிக்கையில், தமிழக சட்டப்பேரவைத் தேர்தலை முன்னிட்டு திமுக வெளியிட்ட தேர்தல் அறிக்கையில் "கரும்புக்கு ஆதார விலை டன் ஒன்றுக்கு ரூ.4,000 உயர்த்தி வழங்கப்படும்" என்று தலைப்புச் செய்தியாக கொடுக்கப்பட்டது. ஆனால் மூன்று நாள்களுக்கு முன்பு திமுக அரசால் வெளியிடப்பட்ட செய்தியில் கரும்புக்கு டன்னுக்கு ரூ.2,900 வழங்கப்படும் என்று அறிவித்துள்ளது கரும்பு விவசாயிகளை சோகத்தில் ஆழ்த்தியுள்ளது. 

    கரும்புக்கான நியாயமான மற்றும் ஆதாரய விலையை ஒவ்வொரு ஆண்டும் மத்திய அரசு நிர்ணயித்து வருகிறது. இந்த வகையில், அதிமுக ஆட்சியில் 2016-2017 ஆம் ஆண்டு கரும்பு பருவத்திற்கு நியாயமான மற்றும் ஆதாய விலை டன் ஒன்றுக்கு ரூ.2,300 மத்திய அரசால் நிர்ணயம் செய்யப்பட்டது. அதே சமயத்தில் அண்டை மாநிலமான கர்நாடகத்தில் பெரும்பாலான சர்க்கரை ஆலைகள் டன் ஒன்றுக்கு ரூ.2,600 வழங்கியதையும், மகாராஷ்டிரத்தில் ரூ.2,475 வழங்கியதையும் கருத்தில் கொண்டு, தமிழ்நாட்டில் கரும்பு விவசாயிகளின் நலனைக் காக்கும் வகையில், மத்திய அரசின் நியாயமான மற்றும் ஆதாய விலையான கரும்புக்கு டன் ஒன்றுக்கு கூ.2,300 என்ற விலையுடன் மாநில அரசின் பரிந்துரை விலையாக போக்குவரத்துச் செலவு ரூ.100 உள்பட ரூ.550 சேர்க்கப்பட்டு, ஒரு டன் கரும்பின் விலை ரூ.2,850 என நிர்ணயம் செய்யப்பட்டது. 

    அந்த சமயத்தில் எதிர்க்கட்சித் தலைவராக இருந்த மு.க.ஸ்டாலின் விவசாயிகளுக்கு கரும்பு டன் ஒன்றுக்கு ரூ.3,500 கேட்கிறார்கள் எனச் சுட்டிக்காட்டி, விவசாயிகளின் கோரிக்கை ஏற்கப்படவில்லை என்றால், அதனை எதிர்த்து திமுக போராட்டம் நடத்தும் என்று அறிவித்ததையும், திமுக தேர்தல் அறிக்கையில் கரும்புக்கு டன் ஒன்றுக்கு ரூ.4,000 வழங்கப்படும் வாக்குறுதி கொடுக்கப்பட்டத்தையும் இந்த தருணத்தில் சுட்டிக்காட்ட விரும்புகிறேன். 

    இதையும் படிக்க | வாய்ப்பை நழுவவிடாதீர்கள்... மத்திய அரசில் 7,500க்கும் அதிகமான குரூப் 'பி', 'சி' வேலைவாய்ப்புகள்: எஸ்எஸ்சி புதிய அறிவிப்பு

    ஆனால், தற்போது விவசாயிகள் கரும்புக்கு டன் ஒன்றுக்கு ரூ.5,000 வழங்க வேண்டும் என்று கூறி வரும் நிலையில், 2020-21 ஆம் ஆண்டு அரவைப் பருவத்திற்கு மத்திய அரசு நிர்ணயித்த விலையான கரும்புக்கு டன் ஒன்றுக்கு ரூ.2,707.50 காசு என்பதுடன் உற்பத்தி ஊக்கத் தொகையாக ரூ.42.50 காசு மற்றும் சிறப்பு ஊக்கத் தொகையாக ரூ.150 என மொத்த ரூ.192.50 காசு தமிழ்நாடு அரசால் வழங்கப்படும் என்றும், இதன் மூலம் கரும்பு விவசாயிகளுக்கு டன் ஒன்றுக்கு ரூ.2,900 கிடைக்கும் என்று தமிழ்நாடு அரசு 08.01.2022 தேதி செய்தி வெளியீட்டின் மூலம் அறிவித்துள்ளது. ஐந்து ஆண்டுகளுக்கு முன்பு அதிர்க்கட்சி தலைவராக இருந்தபோது கரும்புக்கு டன் ஒன்றுக்கு ரூ.3,500 அளிக்கப்பட வேண்டும் என்று குரல் கொடுத்தவர், திமுக ஆட்சிக்கு வந்தால் கரும்புக்கு டன் ஒன்றுக்கு ரூ.4,900 வழங்கப்படும் என்று 8 மாதங்களுக்கு முன்பு தேர்தல் அறிக்கை மூலம் வாக்குறுதி அளித்தவர், இப்போது ஆட்சிக்கு வந்தபிறகு ரூ.2,900 என்று   அறிவிப்பது என்பது கரும்பு விவசாயிகளை வஞ்சிக்கும் செயல் ஆகும். 

    சொல்வது ஒன்று, செய்வது ஒன்று என்ற அளவில் திமுகவின் செயல்பாடு இருக்கிறது. இதற்கு அதிமுக சார்பில் கடும் கண்டணத்தை தெரிவித்துக் கொள்கிறேன். 

    எதிர்க்கட்சித் தலைவராக இருந்தபோது சொன்னதையும். முதல்வராகப் பொறுப்பேற்ற பிறகு செய்வதையும் ஒப்பிட்டு, அதனை அரசுக்குச் சுட்டிக்காட்டி நினைவுப்படுத்துவதும், அதனை நிறைவேற்ற வலியுறுத்துவதும் எதிர்க்கட்சியின் கடமை என்ற அடிப்படையில் முதல்வர் ஸ்டாலின் கவனத்திற்கு இதைக் கொண்டு வருகிறேன். 

    முதல்வர் ஸ்டாலின் இதில் உடனடியாக தலையிட்டு, குறைந்தபட்சம் தேர்தல் வாக்குறுதியான கரும்புக்கு ஆதார விலையாக டன் ஒன்றுக்கு ரூ.4,000 வழங்கப்படும் என்பதையாவது நிறைவேற்ற வழிவகை செய்ய வேண்டும் என்று கரும்பு விவசாயிகளின் சார்பாகவும், அதிமுக சார்பாகவும் வலியுறுத்திக் கேட்டுக் கொள்கிறேன் என ஒ.பன்னீர்செல்வம் கூறியுள்ளார்.

    இதையும் படிக்க | கரோனா பாதிப்பில் 2-வது இடத்தில் இந்தியா: அபாயத்தை எட்டுகிறதா?


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp