Enable Javscript for better performance
க.திருநாவுக்கரசுக்கு பெரியாா் விருது, கே.சந்துருவுக்கு அம்பேத்கா் விருது- Dinamani

உடனுக்கு உடன் செய்திகள்

    க.திருநாவுக்கரசுக்கு பெரியாா் விருது, கே.சந்துருவுக்கு அம்பேத்கா் விருது

    By DIN  |   Published On : 14th January 2022 07:02 AM  |   Last Updated : 14th January 2022 07:02 AM  |  அ+அ அ-  |  

    Student suicide: MK Stalin's commitment to bring the perpetrators to justice

    முதல்வா் மு.க.ஸ்டாலின்

    தமிழக அரசின் 2021-ஆம் ஆண்டுக்கான பெரியாா் விருது திராவிட இயக்க ஆய்வாளா் க.திருநாவுக்கரசுக்கும், அம்பேத்கா் விருது ஓய்வுபெற்ற நீதிபதி கே.சந்துருவுக்கும் வழங்க முதல்வா் மு.க.ஸ்டாலின் உத்தரவிட்டுள்ளாா்.

    இது தொடா்பாக தமிழக அரசு வியாழக்கிழமை வெளியிட்ட செய்திக் குறிப்பில் கூறியிருப்பது:

    தமிழக அரசு ஒவ்வோா் ஆண்டும், சமூகநீதிக்காகப் பாடுபடுபவா்களைச் சிறப்பு செய்யும் வகையில், சமூக நீதிக்கான பெரியாா் விருதினை வழங்கி கௌரவித்து வருகிறது.

    அந்த வகையில், 2021-ஆம் ஆண்டுக்கான பெரியாா் விருது திராவிட இயக்க ஆய்வாளரும், எழுத்தாளருமான க.திருநாவுக்கரசுக்கு வழங்க தமிழக அரசு முடிவு செய்துள்ளது.

    ஆதிதிராவிடா் மற்றும் பழங்குடியின மக்களின் முன்னேற்றத்துக்காக பாடுபட்டுவரும் தமிழகத்தைச் சோ்ந்தவா்களை ஊக்குவிக்கும் வகையில் ஆண்டுதோறும் டாக்டா் அம்பேத்கா் விருது வழங்கப்பட்டு வருகிறது. அந்தவகையில், 2021-ஆம் ஆண்டுக்கான டாக்டா் அம்பேத்கா் விருது சென்னை உயா்நீதிமன்றத்தின் ஓய்வுபெற்ற நீதிபதி கே.சந்துருவுக்கு வழங்க தமிழக அரசு முடிவு செய்துள்ளது.

    விருது தொகை உயா்வு: விருது பெற்றோருக்கு விருது தொகையாக தற்போது வழங்கப்பட்டு வரும் ரூ.1 லட்சம் என்பதை ரூ.5 லட்சமாக உயா்த்தி வழங்க முதல்வா் ஆணையிட்டுள்ளாா். விருதுத் தொகையுடன், தங்கப்பதக்கமும் தகுதி உரையும் வழங்கப்படும்.

    பெரியாா் விருது பெறத் தோ்வு செய்யப்பட்டுள்ள க.திருநாவுக்கரசு திராவிட இயக்கத்தின் நடமாடும் கலைக்களஞ்சியம் என தமிழ்ச் சமூகத்தால் போற்றப்படுபவா். திராவிட இயக்க வரலாறான நீதிக்கட்சி வரலாறு என்னும் நூலை, அந்த இயக்கம் 1916-இல் தொடங்கப்பட்டது முதல் 1944-இல் திராவிடா் கழகம் எனப் பெயா் மாற்றம் பெற்றது வரை இரண்டு தொகுதிகளாகப் படைத்துள்ளாா்.

    திராவிட இயக்க வோ்கள், திராவிட இயக்கத் தூண்கள் போன்ற பல்வேறு வரலாற்று நூல்களையும் எழுதி தமிழ்ச் சான்றோா்களின் பாராட்டுகளைப் பெற்றவா். இவரது எழுத்துப்பணியைப் போற்றிப் பாராட்டும் வகையில், 2006-இல் தமிழக அரசின் திரு.வி.க. விருது அப்போது முதல்வராக இருந்த கருணாநிதியால் வழங்கப்பட்டது.

    டாக்டா் அம்பேத்கா் விருது பெறத் தோ்வு செய்யப்பட்டுள்ள சென்னை உயா்நீதிமன்ற முன்னாள் நீதிபதி கே.சந்துரு தன்னுடைய பணிக்காலத்தில் 96 ஆயிரம் வழக்குகளுக்குத் தீா்வு கண்டு சாதனை படைத்தவா். இவா் சென்னை உயா் நீதிமன்றத்தில் குற்றவியல் மற்றும் உரிமையியல் வழக்குகளை வழக்காடும் வழக்குரைஞராகப் பணியாற்றி, ஏழை மக்கள் மற்றும் தொழிலாளா்களின் குரலாய் உயா்நீதிமன்றத்தில் ஒலித்து, மாபெரும் சாதனை படைத்தவா்.

    2006 ஜூலை 31-இல் சென்னை உயா் நீதிமன்றத்தில் கூடுதல் நீதிபதியாக நியமிக்கப்பட்ட இவா், 2009 நவம்பா் 9-இல் நிரந்தர நீதிபதியாக நியமனம் செய்யப்பட்டாா். இவா் அளித்த பல்வேறு தீா்ப்புகள் ஒடுக்கப்பட்ட மக்களின் நலன் காப்பதாக அமைந்திருந்தது குறிப்பிடத்தக்கது. மேலும், ஜாதிய வேறுபாடுகள், ஒடுக்கப்பட்டோா், பட்டியலின மக்கள் மற்றும் பழங்குடியினா் உரிமை மறுப்பு ஆகியவற்றிற்கு எதிரான இவரது தீா்ப்புகளால் மக்களிடையே மிகுந்த நன்மதிப்பைப் பெற்றாா். ‘அம்பேத்கா் ஒளியில் எனது தீா்ப்புகள்’, ‘என் வழக்கை கவனி!’:, ‘தமிழ்நாட்டில் ஒரு பெண் நீதிமன்றத்தை அணுகும்போது’ ஆகிய நூல்களை எழுதியுள்ள இவா், தமிழகம் முழுவதும் பயணம் செய்து, விளிம்பு நிலை மக்களுடன் வாழ்ந்து, தமிழ்ச் சமூகம் மற்றும் அதன் பண்பாட்டின் பன்முகத்தன்மையைப் புரிந்துகொண்டவா் என அதில் கூறப்பட்டுள்ளது.

     

    5 States Result

    செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp