Enable Javscript for better performance
முகக்கவசம் அணியாவிட்டால் ரூ.500 அபராதம்சென்னையில் இன்று முதல் அமல்- Dinamani

உடனுக்கு உடன் செய்திகள்

    முகக்கவசம் அணியாவிட்டால் ரூ.500 அபராதம்: சென்னையில் இன்று முதல் அமல்

    By DIN  |   Published On : 06th July 2022 01:47 AM  |   Last Updated : 06th July 2022 01:47 AM  |  அ+அ அ-  |  

    mask

    கோப்புப்படம்

    சென்னையில் பேருந்து, ரயில் நிலையங்கள் உள்ளிட்ட பொது இடங்களில் முகக்கவசம் அணியாவிட்டால் புதன்கிழமை (ஜூலை 6) முதல் ரூ.500 அபராதம் விதிக்கப்படும் என்று மாநகராட்சி ஆணையா் ககன்தீப்சிங் பேடி தெரிவித்தாா்.

    சென்னையில் கடந்த 2 வாரங்களாக கரோனா பாதிப்பு அதிகரித்து வருகிறது. இதைத் தடுக்கும் வகையில் முகக்கவசம் அணிவது, தனிநபா் இடைவெளியைக் கடைப்பிடிப்பது ஆகியவை குறித்து விழிப்புணா்வு ஏற்படுத்தப்பட்டு வருகிறது.

    பொதுமக்கள் முகக்கவசம் அணிவதை கட்டாயமாக்கும் வகையில், பேருந்து, ரயில் நிலையங்கள், அங்காடிகள், வணிக வளாகங்கள், திரையரங்குகள், அரசு மற்றும் தனியாா் அலுவலகங்கள், மருத்துவமனைகள் போன்ற பொதுமக்கள் அதிகம் கூடும் இடங்களில் முகக்கவசம் அணிவது ஏற்கெனவே கட்டாயமாக்கப்பட்டுள்ளது.

    இதை மீறுவோா் மீது தமிழ்நாடு பொதுசுகாதாரச் சட்டம் 1939-இன்படி அபராதம் விதிக்க நடவடிக்கை எடுக்கப்பட்டுள்ளது. இதற்கென சுகாதார ஆய்வாளா்கள் தலைமையில் குழு அமைக்கப்பட்டுள்ளது. இக்குழுவினரால் முகக்கவசம் அணியாதவா்களுக்கு புதன்கிழமை(ஜூலை 6) முதல் ரூ.500 அபராதம் விதிக்கப்படும்.

    ஓட்டுநா், நடத்துநா்களுக்கு...: இதுதொடா்பாக சென்னை மாநகரப் போக்குவரத்துக் கழக மேலாண்மை இயக்குநா், வணிக வளாகங்கள், திருமண மண்டபங்கள், திரையரங்க உரிமையாளா்கள் ஆகியோருக்கு ஆணையா் ககன்தீப்சிங் பேடி அனுப்பியுள்ள அறிவுரை கடிதத்தில் கூறியிருப்பதாவது:-

    திருமண மண்டபங்கள், திரையரங்கங்கள், வணிக வளாகங்கள், கோயில்களில் மக்கள் தனிநபா் இடைவெளியைக் கடைப்பிடிப்பதுடன், முகக்கவசம் அணிவதை உறுதி செய்ய வேண்டும். அனைத்து இடங்களையும் கிருமி நாசினி மூலம் தூய்மைப்படுத்த வேண்டும். அதிக அளவு மக்கள் கூடுவதைத் தவிா்க்க வேண்டும். இதைக் கண்காணிக்க அலுவலரை நியமிக்க வேண்டும். பேருந்து ஓட்டுநா், நடத்துநா்கள் கட்டாயம் முகக்கவசம் அணிவதுடன், பயணிகள் முகக்கவசம் அணிவதை நடத்துநா் உறுதி செய்யவும் அறிவுறுத்த வேண்டும். பேருந்து பணிமனைகளில் பணியாளா்கள் முகக்கவசம் அணிவதையும், தனிநபா் இடைவெளியை பின்பற்றுவதையும் அதிகாரிகள் உறுதி செய்யவேண்டும். தடுப்பூசி முகாமுக்காக பணிமனையின் மேலாளா் சம்பந்தப்பட்ட மண்டல நல அலுவலரை அணுகினால் பணிமனையிலேயே சிறப்பு முகாம் ஏற்படுத்தப்படும் என்று தெரிவிக்கப்பட்டுள்ளது.


    TAGS
    face mask

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp