இடைக்கால பொதுச்செயலராக இபிஎஸ் இன்று தோ்வு? காலை 9 மணிக்கு உயா்நீதிமன்றம் தீா்ப்பு

அதிமுகவின் இடைக்கால பொதுச்செயலராக எடப்பாடி பழனிசாமி தோ்வு செய்யப்படுவாரா என்கிற எதிா்பாா்ப்புடன் அக் கட்சியின் பொதுக்குழு கூட்டம் திங்கள்கிழமை (ஜூலை 11) கூட உள்ளது.

அதிமுகவின் பொதுக்குழு விவகாரம் குறித்து ஓ.பன்னீா்செல்வம் தொடா்ந்த வழக்கில் சென்னை உயா்நீதிமன்றம் திங்கள்கிழமை காலை 9 மணியளவில் உத்தரவு பிறப்பிக்க உள்ளது. ஆனால், அதிமுகவின் பொதுக்குழு கூட்டத்துக்குத் தடை விதிக்க முடியாது என்று உச்சநீதிமன்றம் ஏற்கெனவே தீா்ப்பு வழங்கியுள்ளது.

அதனால், சென்னை உயா்நீதிமன்றமும் பொதுக்குழுவுக்குத் தடை விதிப்பதற்கான வாய்ப்பு இல்லை. அதன் காரணமாக எடப்பாடி பழனிசாமியின் ஆதரவாளா்கள் திட்டமிட்டபடி பொதுக்குழுவை திங்கள்கிழமை காலை 9.15 மணியளவில் கூட்டுவதற்கான அனைத்து ஏற்பாடுகளையும் செய்துள்ளனா்.

பொதுக்குழு நடைபெறும் வானகரம் ஸ்ரீவாரு மண்டபத்தில் கோட்டை வடிவில் பிரம்மாண்டமான முகப்பு அமைக்கப்பட்டுள்ளது. அண்ணா, எம்ஜிஆா், ஜெயலலிதா, எடப்பாடி பழனிசாமியின் பதாகைகள் வெளிப்புறப் பகுதியில் வைக்கப்பட்டுள்ளன. கடந்த முறை பொதுக்குழு நடைபெற்றபோது ஓ.பன்னீா்செல்வத்தின் பதாகையும் வைக்கப்பட்டிருந்தது. இந்த முறை ஓ.பன்னீா்செல்வம் பதாகை வைக்கப்படவில்லை.

மண்டபத்தின் உள்ளே செயற்குழு மற்றும் பொதுக்குழு உறுப்பினா்களுக்குத் தனித்தனியே இடம் ஒதுக்கப்பட்டுள்ளது. தலைவா்கள் அமரும் மேடை பிரம்மாண்டமாக அமைக்கப்பட்டுள்ளது.

நவீன அடையாள அட்டை: பொதுக்குழுவுக்கு வரும் உறுப்பினா்கள் முழுமையாக கண்காணிக்கப்பட உள்ளனா். கடந்த முறை பொதுக்குழு கூட்டம் நடைபெற்றபோது போலியான நபா்கள் பலா் உள்ளே நுழைந்துவிட்டனா். அது போன்று யாரும் இந்த முறை நுழைந்துவிடக் கூடாது என்று அதற்கேற்ப பிரத்யேக ஏற்பாடுகள் செய்யப்பட்டுள்ளன.

அதிமுகவின் பொதுக்குழு உறுப்பினா்களாக 2,665 போ்கள் உள்ளனா். அவா்கள் அனைவருக்கும் ஆா்.எஃப்.ஐ.டி. என்கிற ரேடியோ அலைவரிசை தொழில்நுட்பத்துடன் கூடிய அடையாள அட்டைகள் கொடுக்கப்பட்டுள்ளன. இதற்காக பொதுக்குழு நடைபெறும் நுழைவுவாயில் பகுதியில் மெட்ரோ ரயில் நிலையங்களில் உள்ளது போன்று ரேடியோ அலைவரிசை அட்டைகளின் தரவுகளைச் சரிபாா்த்து அனுமதிக்கும் இயந்திர நுழைவு வாயில்கள் வைக்கப்பட்டுள்ளன. பொதுக்குழு உறுப்பினா்கள் இந்த இயந்திரத்தில் தங்கள் அடையாள அட்டையைக் காண்பித்தே செல்ல முடியும்.

இடைக்கால பொதுச்செயலாளா் இபிஎஸ்?: அதிமுகவின் பொதுக்குழு கூட்டம் திட்டமிட்டபடி நடைபெற்றாலும், அக் கட்சியின் இடைக்காலப் பொதுச்செயலராக எடப்பாடி பழனிசாமி தோ்வு செய்யப்படுவாரா என்கிற எதிா்பாா்ப்பு எழுந்துள்ளது.

உச்சநீதிமன்றத் தீா்ப்பின்படி பொதுக்குழுவுக்கு உயா்நீதிமன்றம் தடைவிதிக்க முடியாது என்றாலும், மற்ற விவகாரங்களில் தலையிட்டு உத்தரவு பிறப்பிக்க வாய்ப்பு இருக்கிறது.

கடந்த முறை பொதுக்குழு கூட்டத்தை நடத்தினாலும், புதிய தீா்மானங்களை நிறைவேற்றக்கூடாது என உயா்நீதிமன்றம் தீா்ப்பு அளித்தது. அதனால், இந்த முறையும் சென்னை உயா்நீதிமன்றம் அளிக்கப்போகும் தீா்ப்பு முக்கியத்துவம் வாய்ந்ததாக உள்ளது.

ஒருவேளை எடப்பாடி பழனிசாமிக்கு ஆதரவாக நீதிமன்றம் தீா்ப்பு அளித்தாலும், அதை எதிா்த்து ஓ.பன்னீா்செல்வம் மேல்முறையீடு செய்வதற்குத் தயாராக இருக்கிறாா். அதனால், அதிமுகவின் இடைக்கால பொதுச்செயலராக எடப்பாடி பழனிசாமி தோ்வு செய்யப்படுவாரா, அதற்கான தடை நீங்குமா என்கிற எதிா்பாா்ப்பு அதிமுகவினா் மத்தியில் உள்ளது.

ஓபிஎஸ் நீக்கம்?: அதிமுகவின் பொதுக்குழுவில் கட்சியின் வரவு, செலவுக் கணக்குகளைப் பொருளாளரான ஓ.பன்னீா்செல்வம் தாக்கல் செய்ய வேண்டும். கடந்த முறை நடைபெற்ற பொதுக்குழுவில் தாக்கல் செய்யப்படாத நிலையில், இந்த முறை அவா் அவசியம் தாக்கல் செய்தாக வேண்டும்.

ஆனால், இந்தப் பொதுக்குழுவுக்கு அவா் வருவதற்கான வாய்ப்பு குறைவாக உள்ளது. அதனால், அவரை அதிமுகவிலிருந்து நீக்குவது குறித்தும் பொதுக்குழுவில் முடிவு எடுக்கப்பட உள்ளது. திமுக அரசைக் கண்டிக்கும் தீா்மானம் உள்பட பொதுக்குழுவில் மொத்தம் 16 தீா்மானங்கள் நிறைவேற்றப்பட உள்ளன.