44ஆவது செஸ் ஒலிம்பியாட் போட்டிக்கான டீசர் விடியோவை இன்று இரவு 7.30 மணிக்கு ரஜினிகாந்த் வெளியிடுகிறார்.
இந்தியாவில் முதல் முறையாக செஸ் ஒலிம்பியாட் போட்டி நடத்தப்படவுள்ளது. பெருமைமிகு மாமல்லபுரத்தில் வரும் ஜூலை 28 முதல் ஆகஸ்ட் 10 வரை செஸ் ஒலிம்பியாட் போட்டிகள் நடைபெறவுள்ளன. செஸ் போட்டிகளுக்கான ஏற்பாடுகள் மாமல்லபுரத்தில் ஒருபுறம் நடைபெற்றுவரும் வேளையில், தொடக்க விழா மற்றும் நிறைவு நிகழ்ச்சிகளை பிரம்மாண்ட முறையில் நடத்த தமிழக அரசு திட்டமிட்டுள்ளது.
இதையும் படிக்க- அதிமுக அலுவலகத்திற்கு சீல்: வழக்கு ஒத்திவைப்பு
இதற்கென சென்னை நேரு உள்விளையாட்டரங்கில் ஏற்பாடுகள் தீவிரமாக நடைபெற்று வருகின்றன. அரங்கிலுள்ள அனைத்து கட்டுமானங்களையும் புதுப்பிக்கும் பணிகளில் விளையாட்டு மேம்பாட்டு ஆணையம் ஈடுபட்டு வருகிறது. தொடக்க விழாவில், பிரதமா் நரேந்திர மோடி, முதல்வா் மு.க.ஸ்டாலின் உள்ளிட்டோா் பங்கேற்கவிருப்பதாகத் தகவல்கள் வெளியாகியுள்ளன.
இந்த நிலையில் 44ஆவது செஸ் ஒலிம்பியாட் போட்டிக்கான டீசர் விடியோவை இன்று இரவு 7.30 மணிக்கு நடிகர் ரஜினிகாந்த் வெளியிடுவார் என்று முதல்வர் ஸ்டாலின் தெரிவித்துள்ளார்.