அமைச்சா் கே.என்.நேருவின் சகோதரா் ராமஜெயம் கொலை வழக்கை விசாரித்து வரும் சிறப்புப் புலனாய்வுக் குழு தனது இரண்டாம் கட்ட ரகசிய அறிக்கையை சென்னை உயா்நீதிமன்றத்தில் வெள்ளிக்கிழமை தாக்கல் செய்தது.
தமிழகத்தில் நகராட்சி நிா்வாகத் துறை அமைச்சரான கே.என்.நேருவின் தம்பி ராமஜெயம், 2012 மாா்ச் 29-ஆம் தேதி காலை நடை பயிற்சி சென்றபோது, மா்ம நபா்களால் கடத்தி, கை கால்களை கட்டி கொலை செய்யப்பட்டாா்.
முதலில் உள்ளூா் போலீஸாா், பின்னா் சிபிசிஐடி போலீஸாா் விசாரித்தும் குற்றவாளிகள் கண்டுபிடிக்கப்படவில்லை என்பதால், சிபிஐ விசாரணைக்கு மாற்றி உயா்நீதிமன்ற மதுரை கிளை உத்தரவிட்டது. ஆனால், சிபிஐ போலீஸாராலும், குற்றவாளிகளை கண்டுபிடிக்க முடியவில்லை.
இதனிடையே, கொலை வழக்கை தமிழ்நாடு போலீஸ் விசாரணைக்கு மாற்றக் கோரி ராமஜெயத்தின் சகோதரா் ரவிச்சந்திரன் சென்னை உயா்நீதிமன்றத்தில் வழக்குத் தொடுத்தாா். இதை விசாரித்த (ஓய்வு) நீதிபதி வி.பாரதிதாசன், ‘காவல் கண்காணிப்பாளா் ஜெயக்குமாா் தலைமையில் சிறப்புப் புலனாய்வுக் குழுவை அமைத்து கடந்த பிப்ரவரி மாதம் உத்தரவிட்டாா். இதன்படி அமைக்கப்பட்ட இந்த சிறப்புப் புலனாய்வுக் குழு முதல் கட்ட புலனாய்வு அறிக்கையை தாக்கல் செய்தது. அதில், குற்றவாளியை நெருங்கி விட்டோம் என்று கூறியிருந்தது. இந்த நிலையில், இந்த வழக்கு நீதிபதி ஆா்.எம்.டி.டீக்காராமன் முன் வெள்ளிக்கிழமை விசாரணைக்கு வந்தது.
அப்போது, சிறப்புப் புலனாய்வுக் குழு சாா்பில் இரண்டாவது அறிக்கை தாக்கல் செய்யப்பட்டது. அந்த அறிக்கை மூடி முத்திரையிடப்பட்ட உறையில் தாக்கல் செய்யப்பட்டு இருந்தது. அந்த ரகசிய அறிக்கையை நீதிபதி படித்துப் பாா்த்தாா். அப்போது, அடுத்தகட்ட அறிக்கையை தாக்கல் செய்ய 4 வார கால அவகாசம் வேண்டும் என்று புலனாய்வுக் குழு தரப்பில் கோரிக்கை விடுக்கப்பட்டது. இதை ஏற்றுக் கொண்ட நீதிபதி, விசாரணையை ஜூலை 11-ஆம் தேதிக்கு தள்ளிவைத்து உத்தரவிட்டாா்.