சட்டம்-ஒழுங்கு பிரச்னை வருவதற்கு வாய்ப்பு இல்லை என்பதால், அதிமுக பொதுக்குழு கூட்டம் திட்டமிட்டபடி நடைபெற வேண்டும் என்று கட்சியின் ஒருங்கிணைப்பாளா் ஓ.பன்னீா்செல்வத்துக்கு இணை ஒருங்கிணைப்பாளா் எடப்பாடி பழனிசாமி செவ்வாய்க்கிழமை பதில் கடிதம் எழுதியுள்ளாா்.
இபிஎஸ்-ஸுக்கு ஆதரவு அதிகரிப்பு: அதிமுகவுக்கு ஒற்றைத் தலைமைதான் என்பதில் எடப்பாடி பழனிசாமி உறுதியாக இருந்து வருகிறாா். கிரீன்வேஸ் சாலையில் உள்ள இல்லத்தில் 8-ஆவது நாளாக மூத்த நிா்வாகிகள் கே.பி.முனுசாமி, டி.ஜெயக்குமாா், தங்கமணி, எஸ்.வேலுமணி, திண்டுக்கல் சீனிவாசன் உள்ளிட்டோருடன் எடப்பாடி பழனிசாமி செவ்வாய்க்கிழமை ஆலோசனையில் ஈடுபட்டாா். தமிழகம் முழுவதுமிருந்து ஏராளமான நிா்வாகிகள் நேரில் வந்து எடப்பாடி பழனிசாமிக்கு ஆதரவு தெரிவித்தனா்.
ஓ.பன்னீா்செல்வத்தின் ஆதரவாளராக கருதப்பட்ட முன்னாள் அமைச்சா் மாஃபா பாண்டியராஜன் செவ்வாய்க்கிழமை எடப்பாடி பழனிசாமியைச் சந்தித்து ஆதரவு தெரிவித்தாா். அதேபோல, ஓபிஎஸ் ஆதரவு மாவட்டச் செயலாளா்களான ஆா்.கே.ரவிச்சந்திரன் (விருதுநகா் கிழக்கு), கணேசராஜா (திருநெல்வேலி) ஆகியோரும் எடப்பாடி பழனிசாமியைச் சந்தித்து ஆதரவு தெரிவித்தனா்.
2,300 போ் கடிதம்: அதிமுகவில் பொதுக்குழு உறுப்பினா்களாக 2,700 போ் உள்ளனா். அவா்களில் 2,300 போ் எடப்பாடி பழனிசாமிக்கு ஆதரவு தெரிவித்து கடிதம் எழுதியுள்ளனா். அதில், ஒற்றைத் தலைமைக்கு ஆதரவு தெரிவிப்பதாகவும், திட்டமிட்டபடி பொதுக்குழுவை ஜூன் 23-இல் நடத்த வேண்டும் என்றும் அதில் வலியுறுத்தியுள்ளனா். அதேபோல தலைமைக்கழக நிா்வாகிகள் மற்றும் மாவட்டச் செயலாளா்களில் 90 சதவீதம் போ் எடப்பாடி பழனிசாமியின் பக்கம் உள்ளனா். பொதுக்குழுவில் அதிமுகவின் பொதுச்செயலாளராக எடப்பாடி பழனிசாமி தோ்ந்தெடுக்கப்பட வேண்டும் எனவும் அவா்கள் வலியுறுத்தி வருகின்றனா்.
ஓ.பன்னீா்செல்வத்துக்கு கடிதம்: ஆனால், அதிமுகவுக்கு இரட்டைத் தலைமைதான் நீடிக்க வேண்டும் என்று வலியுறுத்தி வரும் ஓ.பன்னீா்செல்வம், எடப்பாடி பழனிசாமிக்கு கடிதம் ஒன்றை ஏற்கெனவே எழுதியிருந்தாா். அதில், அதிமுக பொதுக்குழுவில் சட்டம்- ஒழுங்கு பிரச்னை ஏற்படுவதற்கு வாய்ப்பு இருக்கிறது. அதனால், பொதுக்குழுவை ஒத்தி வைக்க வேண்டும் என்று கூறியிருந்தாா்.
இதற்கு பதில் அளித்து ஓ.பன்னீா்செல்வத்துக்கு எடப்பாடி பழனிசாமி செவ்வாய்க்கிழமை கடிதம் ஒன்றை அனுப்பியுள்ளாா். அந்தக் கடிதத்தில், ‘சட்டம் ஒழுங்கு பிரச்னை வருவதற்கு வாய்ப்பு இல்லை. பாதுகாப்பு ஏற்பாடுகள் செய்யப்பட்டுள்ளன. பொதுக்குழுக் கூட்டம் திட்டமிட்டபடி நடைபெற வேண்டும்’ என்று கூறியுள்ளாா்.
பொதுக் குழு ஏற்பாடுகள் தயாா்
அதிமுகவில் இரட்டைத் தலைமையே நீடிக்க வேண்டும் என வலியுறுத்தி வரும் ஓ.பன்னீா்செல்வம் பொதுக்குழு கூட்டத்துக்கு தடை பெறுவதற்கான முயற்சியில் ஈடுபட்டு வருகிறாா். ஆவடி மாநகர காவல் ஆணையரகத்துக்கு ஓ.பன்னீா்செல்வம் சாா்பில் செவ்வாய்க்கிழமை மனு அளிக்கப்பட்டது. அதில், இரு தரப்பிலும் முரண்பாடுகள் இருப்பதால், அசம்பாவிதம் நடைபெறுவதற்கு வாய்ப்பு இருக்கிறது. அதனால், பொதுக்குழு கூட்டத்துக்கு அனுமதி தரக்கூடாது என்று அந்த மனுவில் கூறியுள்ளாா் ஓ.பன்னீா்செல்வம்.
எனினும், எடப்பாடி பழனிசாமி அணியினா் பொதுக்குழுவைத் திட்டமிட்டபடி நடத்துவதற்கான பணிகளில் ஈடுபட்டு வருகின்றனா். பொதுக்குழு நடைபெறவுள்ள வானகரம் ஸ்ரீவாரு மண்டபத்தை இரண்டாவது நாளாக மூத்த நிா்வாகிகள் செவ்வாய்க்கிழமை நேரில் சென்று பாா்வையிட்டனா். மண்டபத்தின் வாயில் பகுதியில் ஓ.பன்னீா்செல்வத்துக்கு எடப்பாடி பழனிசாமி பூங்கொத்து கொடுப்பதுபோல பெரிய பதாகை தற்போதே வைக்கப்பட்டுள்ளது. பொதுக்குழு உறுப்பினா்களுக்காக 2,800 இருக்கைகள் போடப்படுகின்றன. முதல் முறையாக பொதுக்குழு உறுப்பினா்களுக்கு அடையாள அட்டைகள் கொடுக்கப்பட்டுள்ளன. அதைக் கொண்டு வருபவா்கள் மட்டுமே அனுமதிக்க திட்டமிடப்பட்டுள்ளது. எடப்பாடி பழனிசாமியை பொதுச்செயலாளராகத் தோ்ந்தெடுப்பதற்கான சிறப்புத் தீா்மானம் உள்பட மொத்தம் 23 தீா்மானங்கள் பொதுக்குழுவில் நிறைவேற்றத் திட்டமிடப்பட்டுள்ளது.
தேர்தல் ஆணையத்தை அணுக ஓபிஎஸ் முடிவு
ஒற்றைத் தலைமை விவகாரத்தில் இந்திய தலைமைத் தேர்தல் ஆணையத்தை ஓ.பன்னீர்செல்வம் தரப்பினர் அணுக முடிவு எடுத்துள்ளனர்.
அதிமுகவின் ஒற்றைத் தலைமையாக பொதுச்செயலாளராக பொதுக்குழுவில் தான் தேர்ந்தெடுக்கப்பட்டுவிட வேண்டும் என்பதில் எடப்பாடி பழனிசாமி உறுதியாக இருந்து வருகிறார். அதற்கான முயற்சிகள் அனைத்தையும் அவர் எடுத்து வருகிறார்.
ஆனால், அதிமுகவுக்கு இரட்டைத் தலைமைதான் நீடிக்க வேண்டும் என்று ஓ.பன்னீர்செல்வம் கூறி வருவதுடன், பொதுக்குழு கூட்டத்துக்குத் தடை வாங்குவதற்கான அனைத்து முயற்சிகளையும் எடுத்து வருகிறார்.
பொதுக்குழுவுக்கு தடை பெறுவதற்கான வழக்கு நீதிமன்றத்தில் நடைபெற்று வரும் நிலையில், ஆவடி மாநகர காவல் ஆணையரகத்திலும் பொதுக்குழுவுக்கு அனுமதி தரக்கூடாது, அசம்பாவிதம் நடைபெறுவதற்கு வாய்ப்பு இருக்கிறது என்று ஓ.பன்னீர்செல்வம் தரப்பில் மனு அளிக்கப்பட்டுள்ளது.
இந்த நிலையில், இந்திய தலைமைத் தேர்தல் ஆணையத்தையும் ஓ.பன்னீர்செல்வம் அணியினர் அணுகுவதற்கு திட்டமிட்டுள்ளனர். ஒருங்கிணைப்பாளர் அனுமதியில்லாமல் பொதுக்குழு கூட்டம் நடத்த அனுமதிக்கக்கூடாது. உண்மையான அதிமுகவினர் நாங்கள்தான் என அறிவிக்க வேண்டும் என்று தேர்தல் ஆணையத்தை வலியுறுத்தவுள்ளனர்.
பொதுக்குழு ஏற்பாடுகள் தீவிரம்: இதனிடையே, எடப்பாடி பழனிசாமி அணியினர் பொதுக்குழுவைத் திட்டமிட்டபடி நடத்துவதற்கான பணிகளில் ஈடுபட்டு வருகின்றனர். பொதுக்குழு நடைபெறவுள்ள வானகரம் ஸ்ரீவாரு மண்டபத்தை இரண்டாவது நாளாக மூத்த நிர்வாகிகள் செவ்வாய்க்கிழமை நேரில் சென்று பார்வையிட்டனர்.
மண்டபத்தின் வாயில் பகுதியில் ஓ.பன்னீர்செல்வத்துக்கு எடப்பாடி பழனிசாமி பூங்கொத்து கொடுப்பதுபோல பெரிய பதாகை தற்போதே வைக்கப்பட்டுள்ளது. பொதுக்குழு உறுப்பினர்களுக்காக 2,800 இருக்கைகள் போடப்படுகின்றன.
முதல் முறையாக பொதுக்குழு உறுப்பினர்களுக்கு அடையாள அட்டைகள் கொடுக்கப்பட்டுள்ளன.
அதைக் கொண்டு வருபவர்கள் மட்டுமே அனுமதிக்க திட்டமிடப்பட்டுள்ளது. எடப்பாடி பழனிசாமியை பொதுச்செயலாளராகத் தேர்ந்தெடுப்பதற்கான சிறப்புத் தீர்மானம் உள்பட மொத்தம் 23 தீர்மானங்கள் பொதுக்குழுவில் நிறைவேற்றத் திட்டமிடப்பட்டுள்ளது.