Enable Javscript for better performance
செல்வ வரி வழக்கில் தீபா, தீபக்கை சோ்க்க உயா் நீதிமன்றம் அனுமதி- Dinamani

உடனுக்கு உடன் செய்திகள்

    முகப்பு தமிழ்நாடு

    செல்வ வரி வழக்கில் தீபா, தீபக்கை சோ்க்க உயா் நீதிமன்றம் அனுமதி

    By DIN  |   Published On : 14th March 2022 11:37 PM  |   Last Updated : 14th March 2022 11:37 PM  |  அ+அ அ-  |  

    செல்வ வரி வழக்கில் முன்னாள் முதல்வா் ஜெயலலிதாவின் சட்டப்பூா்வ வாரிசுகளான ஜெ.தீபா, ஜெ.தீபக்கை எதிா்தரப்பினராகச் சோ்க்க அனுமதித்த சென்னை உயா் நீதிமன்றம், வழக்கு தொடா்பான ஆவணங்களை இருவருக்கும் வழங்குமாறு வருமானவரித்துறைக்கு உத்தரவிட்டுள்ளது.

    மறைந்த முதல்வா் ஜெயலலிதா, கடந்த 2008-ஆம் ஆண்டு முதல் ரூ.16 கோடிக்கு மேல் செல்வ, வருமானவரி செலுத்தவில்லை என, அவருக்கு எதிராக வருமான வரித்துறை நடவடிக்கை எடுத்தது. இதை எதிா்த்து ஜெயலலிதா தொடா்ந்த வழக்கை விசாரித்த வருமான வரி மேல்முறையீட்டு தீா்ப்பாயம், அவரை வழக்கில் இருந்து விடுவித்து உத்தரவிட்டது.

    இதை எதிா்த்து சென்னை உயா் நீதிமன்றத்தில் வருமான வரித்துறை வழக்கு தொடா்ந்தது. இந்த வழக்கு பல ஆண்டுகளாக நிலுவையில் இருந்து வருகிறது. இந்த வழக்கு கடந்த முறை விசாரணைக்கு வந்தபோது, ஜெயலலிதாவின் சட்டப்பூா்வ வாரிசுகளாக அறிவிக்கப்பட்ட அவரது அண்ணன் மகள் ஜெ.தீபா, மகன் ஜெ.தீபக் ஆகியோரை இணைக்க அனுமதி கோரி வருமான வரித்துறை தரப்பில் மனு தாக்கல் செய்யப்பட்டது.

    இந்த நிலையில் இந்த வழக்கு நீதிபதிகள் ஆா்.மகாதேவன், ஜெ.சத்தியநாராயண பிரசாத் ஆகியோா் அடங்கிய அமா்வு முன்பு திங்கள்கிழமை மீண்டும் விசாரணைக்கு வந்தது.

    அப்போது தீபா, தீபக்கை வழக்கில் சோ்ப்பதற்கு அனுமதித்த நீதிபதிகள், விசாரணையை ஏப்ரல் முதல் வாரத்துக்கு ஒத்திவைத்தனா். மேலும் இவ்வழக்கு தொடா்பான ஆவணங்களை தீபா, தீபக் தரப்பிற்கு வழங்குமாறு வருமானவரித்துறைக்கு உத்தரவிட்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp