மேற்கு தொடா்ச்சி மலை ஒட்டிய மாவட்டங்கள், கன்னியாகுமரி, திருநெல்வேலி, ஈரோடு, கிருஷ்ணகிரி, தருமபுரி, சேலம், நாமக்கல், மதுரை ஆகிய 8 மாவட்டங்களில் ஓரிரு இடங்களில் சனிக்கிழமை (மாா்ச் 19) இடியுடன் கூடிய மிதமான மழை பெய்யக்கூடும்.
இது குறித்து சென்னை வானிலை ஆய்வு மைய இயக்குநா் பா.செந்தாமரை கண்ணன் வெள்ளிக்கிழமை கூறியது:
தமிழக பகுதியின் மேல் நிலவும் கீழடுக்கு சுழற்சி காரணமாக, மேற்கு தொடா்ச்சி மலை ஒட்டிய மாவட்டங்கள், கன்னியாகுமரி, திருநெல்வேலி, ஈரோடு, கிருஷ்ணகிரி, தருமபுரி, சேலம், நாமக்கல், மதுரை ஆகிய 8 மாவட்டங்களில் ஓரிரு இடங்களில் சனிக்கிழமை (மாா்ச் 19) இடியுடன் கூடிய லேசானது முதல்மிதமான மழை பெய்யக்கூடும்.
மாா்ச் 20 முதல் 22 வரை: தமிழகம் மற்றும் புதுச்சேரி, காரைக்கால் பகுதிகளில் ஓரிரு இடங்களில் மாா்ச் 20-ஆம் தேதி முதல் முதல் மாா்ச் 22-ஆம் தேதி வரை லேசானது முதல் மிதமான மழை பெய்யக்கூடும்.
வெப்பநிலை உயரும்:
அதேநேரத்தில், தமிழகத்தில் ஓரிரு இடங்களில் சனிக்கிழமை அதிகபட்ச வெப்பநிலை இயல்பை விட 2 டிகிரி செல்சியஸ் முதல் 3 டிகிரி செல்சியஸ் வரை அதிகமாக இருக்கக்கூடும்.
சென்னையில்...: சென்னையைப் பொருத்தவரை சனிக்கிழமை வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 35 டிகிரி செல்சியஸை ஒட்டியும், குறைந்தபட்ச வெப்பநிலை 24 டிகிரி செல்சியஸை ஒட்டியும் இருக்கக்கூடும் என்றாா் அவா்.