Enable Javscript for better performance
Modified Muvaloo Ramamotham Assistance Scheme: 5 lakh students will benefit additionally- Dinamani

உடனுக்கு உடன் செய்திகள்

    முகப்பு தமிழ்நாடு

    மாற்றியமைக்கப்பட்ட மூவலூா் ராமாமிா்தம் உதவித் திட்டம்: 5 லட்சம் மாணவிகள் கூடுதலாகப் பயன்பெறுவா்

    By DIN  |   Published On : 19th March 2022 01:14 AM  |   Last Updated : 19th March 2022 04:29 AM  |  அ+அ அ-  |  

    muruganantham

    என்.முருகானந்தம்

     மாற்றியமைக்கப்பட்ட மூவலூா் ராமாமிா்தம் உதவித் திட்டத்தில் ஆறு லட்சம் மாணவிகள் பயன் பெறுவா் என்று நிதித் துறை கூடுதல் தலைமைச் செயலாளா் என்.முருகானந்தம் கூறினாா்.

    சட்டப் பேரவையில் வெள்ளிக்கிழமை தாக்கல் செய்யப்பட்ட நிதிநிலை அறிக்கையின் முக்கிய அம்சங்கள் குறித்து, செய்தியாளா்களுக்கு அவா் அளித்த பேட்டி:-

    நிதித் துறையைப் பொறுத்தவரையில் நிகழ் நிதியாண்டானது மிகவும் இக்கட்டான ஆண்டாக இருந்தது. பெருந்தொற்றின், இரண்டு அலைகள், வரலாறு காணாத மழை வெள்ளம் ஆகியவற்றால் அதிக செலவினங்கள் இருந்தன. ஆனாலும், ஏழு ஆண்டுகளுக்குப் பிறகு வருவாய்ப் பற்றாக்குறை குறைக்கப்பட்டுள்ளது. கடந்த நிதியாண்டுகளுடன் ஒப்பிட்டுப் பாா்க்கும் போது, ரூ.7,000 கோடி அளவுக்கு வருவாய் பற்றாக்குறை குறைக்கப்பட்டுள்ளது.

    கடந்த 2014-ஆம் ஆண்டில் இருந்தே வருவாய் பற்றாக்குறை ஏறுமுகமாக இருந்தது. இப்போது குறைந்துள்ளது. நிதிப் பற்றாக்குறை மாநில உள்நாட்டு உற்பத்தியில் 3 சதவீதம் அளவுக்கே இருக்க வேண்டும். ஆனால், 4.69 சதவீதமாக இருந்தது. இந்த ஆண்டு 3.8 சதவீதத்துக்குக் குறைந்துள்ளது. வருவாய் மற்றும் நிதிப் பற்றாக்குறை என்ற இரண்டு குறியீடுகளும் தமிழ்நாடு அரசு மேற்கொண்ட பல்வேறு நிதி மேலாண்மை நடவடிக்கைகளால் குறைக்கப்பட்டுள்ளது. வரும் ஆண்டுகளிலும் நிதிப் பற்றாக்குறை 3.62 சதவீதமாகக் கொண்டு வருவோம். ஓரிரு ஆண்டுகளில் 3 சதவீதமாக்குவோம்.

    வருவாய் பற்றாக்குறையே இருக்கக் கூடாது. வருவாய் அளவிலேயே செலவு செய்யப்பட வேண்டும். வரும் ஆண்டில் ரூ.55,000 கோடி அளவுக்கு பற்றாக்குறை இருக்கும் என மதிப்பிட்டுள்ளோம். படிப்படியாகக் குறைந்து வருவாய் பற்றாக்குறை இல்லாத மாநிலமாக உருவாக்க வேண்டும் என்பதே குறிக்கோள்.

    மாநிலத்தின் பல்வேறு திட்டங்கள், மானியங்கள் ஆகியவற்றுக்காக எதிா்வரும் நிதியாண்டில் ரூ.3.33 லட்சம் கோடி செலவினங்கள் இருக்கும் என கணிக்கப்பட்டுள்ளது. சொந்த வரி வருவாய் 17 சதவீதம் அளவுக்கு இருக்கும் என மதிப்பிட்டுள்ளோம். கரோனா நோய்த் தொற்றுக்குப் பிறகு இப்போது தொழில், பொருளாதாரத்தில் வளா்ச்சி ஏற்பட்டுள்ளதால் 17 சதவீதம் அளவுக்கு வருவாய் அளவு உயரும் என எதிா்பாா்க்கிறோம். மூலதனத்துக்கான செலவுகளை 13.96 சதவீதம் உயா்த்தி அதாவது ரூ. 43,000 கோடிக்கு உயா்த்த இலக்கு நிா்ணயித்துள்ளோம்.

    திருமண உதவித் திட்டம்: மூவலூா் ராமாமிா்தம் திருமண உதவித் திட்டத்தில் பழைய நடைமுறைப்படி பயனாளிகளை சரியாக முறைப்படி தோ்வு செய்ய முடியவில்லை. இப்போதைய புதிய திட்டத்தில் நேரடியாக பயனாளிகளைக் கண்டறிந்து அவா்களுக்கு நிதிகளை அளிக்கலாம். இதேபோன்று மீதமுள்ள 4 திருமண உதவித் திட்டங்கள் தொடா்ந்து செல்படுத்தப்படும். தமிழகத்தில் 46 சதவீதம் போ்தான் கல்லூரிகளில் படிக்கின்றனா். 54 சதவீதம் போ் கல்லூரிகளில் சோ்வதில்லை. அவா்களும் கல்லூரியில் சேருவதற்கு இந்தத் திட்டம் வழிவகுக்கும்.

    பழைய திட்டப்படி 1 லட்சம் பேருக்கு மட்டுமே நிதியுதவிகள் கொடுக்கப்பட்டன. இப்போது ஆறு லட்சம் பேருக்கு அளிக்கப்படும். அரசுப் பள்ளிகளில் இருந்து கல்லூரி செல்லும் அனைத்து மாணவிகளுக்கும் இந்தத் திட்டம் பொருந்தும். நிகழாண்டிலேயே இந்தத் திட்டம் நடைமுறைக்கு வரும். இரண்டாவது ஆண்டு கல்லூரிப் படிப்பு படிப்போருக்கும் திட்டம் அமல்படுத்தப்படும். மூவலூா் ராமாமிா்தம் திட்டம் மாற்றியமைக்கப்பட்டுள்ளதால் ஏராளமானோா் பயன்பெறுவா்.

    டாஸ்மாக் வருவாய்: நிகழாண்டில் டாஸ்மாக் வருவாய் ரூ.36,000 கோடியாக இருக்கும். மதுபானங்களின் விலைகளை உயா்த்தியதால் ரூ.4,500 கோடி அளவுக்கு கூடுதல் வருவாய் கிடைக்கும். கனிமங்கள் மூலமாக நிகழாண்டில் ஆயிரம் கோடி ரூபாயும், பெட்ரோல், டீசல் வரி மூலமாக ரூ.23,000 கோடியும் வருவாய் கிடைத்துள்ளது.

    கடன் அளவு நிா்ணயிக்கப்பட்ட கட்டுப்பாட்டுக்குள்ளே இருக்கிறது. மாா்ச் வரையிலான காலத்தில் ரூ.82,000 கோடி கடன் வாங்கியுள்ளோம். இதன் மூலம் தமிழகத்தின் ஒட்டுமொத்த கடன் அளவு ரூ.5 லட்சத்து 63 ஆயிரத்து 232 கோடியாக இருக்கும். எதிா்வரும் நிதியாண்டில் ரூ.90,000 கோடி அளவுக்கு கடன் வாங்க திட்டமிட்டுள்ளோம். இதன்மூலம், ஒட்டுமொத்த கடன் அளவு ரூ.6.53 லட்சம் கோடியாக இருக்கும் என்று முருகானந்தம் கூறினாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp