Enable Javscript for better performance
தமிழக வேளாண் பட்ஜெட் 2022-23: சிறப்பு அம்சங்கள்- Dinamani

உடனுக்கு உடன் செய்திகள்

    முகப்பு தமிழ்நாடு

    தமிழக வேளாண் பட்ஜெட் 2022-23: சிறப்பு அம்சங்கள்

    By DIN  |   Published On : 19th March 2022 10:21 AM  |   Last Updated : 19th March 2022 12:19 PM  |  அ+அ அ-  |  

    mrkp


    தமிழ்நாடு வேளாண்மைத் துறை அமைச்சர் எம்.ஆர்.கே. பன்னீர்செல்வம் இரண்டாவது முறையாக 2022-23 ஆம் ஆண்டுக்கான வேளாண் நிதிநிலை அறிக்கையை பேரவையில் தாக்கல் செய்து உரையாற்றி வருகிறார்.

    அதன் சிறப்பு அம்சங்கள் வருமாறு: 

    * வேளாண்மையை உச்சத்திற்கு அழைத்துச் செல்ல இந்த வேளாண் நிதிநிலை அறிக்கையின் திட்டங்கள் உதவும். 

    * வேளாண் நிதிநிலை அறிக்கை கடந்த ஆண்டு குழந்தை இந்த ஆண்டு நடந்து அடுத்த ஆண்டுகளில் ஓடும். 

    * கடந்த ஆண்டு 86 அறிவிப்புகளில் 80 அறிவிப்புகளுக்கு அரசாணை வெளியிடப்பட்டது. 

    * கால நிலை மாற்றத்தால் வேளாண் உற்பத்தி பாதிக்கும். 

    * உலகளாவிய காலநிலை மாற்றத்தின் தாக்கம் உணரப்படுகிறது.
    தமிழகத்தில் வேளாண் பாதிப்புகளை குறைக்க நடவடிக்கை எடுக்கப்பட்டு வருகிறது. 

    * சிறுதானியங்கள், எண்ணெய் வித்துகள் சாகுபடியை அதிகரிக்க நடவடிக்கை எடுக்கப்பட்டு வருகிறது. 

    * ஐக்கிய நாடுகள் பொதுச்சபை 2023 ஆம் ஆண்டினை சர்வதேச சிறுதானிய ஆண்டாக அறிவித்துள்ளது.

    * கால நிலை மாற்றத்தால் பாதிப்பு பருவநிலை மாற்றத்தால் விவசாயம் பாதிக்கும் அபாயம் உள்ளதால் காலநிலை மாற்றத்தை தாங்கி வளரக்கூடிய விவசாயத்தை ஊக்குவிக்க நடவடிக்கை எடுக்கப்பட்டு வருகிறது. 

    * வேளாண் இடுபொருள்கள் மானிய விளையில் வழங்கப்படும்.


    * பயிர்காப்பீடு இழப்பீடு தொகை ரூ.2029 கோடியே 9 லட்சம் வழங்கப்பட்டுள்ளது. 


    * இயற்கை வேளாண்மையை ஊக்குவிக்க நடவடிக்கை எடுக்கப்படும்.

    * நம்மாழ்வார் இயற்கை வேளாண் ஆராய்ச்சி நிலையம் ஏற்படுத்தப்பட்டுள்ளது. 

    * பசுந்தாள், மண்புழு உரம் தயாரிப்போருக்கு நிதியுதவி வழங்கப்படும். 

    * 60 ஆயிரம் விவசாயிகளுக்கு தார்பாய்கள் வழங்க ரூ.5 கோடி ஒதுக்கீடு.

    * பயிர்காப்பீடு திட்டத்திற்கு நிதிநிலை அறிக்கையில் மாநில அரசின் பங்காக ரூ.2339 கோடி ஒதுக்கீடு. 

    * 66 ஆயிரம் ஏக்கரப் மாற்றுப்பயிருக்காக ரூ.10 கோடி ஒதுக்கீடு.

    * 7500 ஏக்கரில் இளைஞர்களுக்கு இயற்கை விவசாயம் செய்ய பயிற்சி அளிக்கப்படும். 

    * மாநில வேளாண் வளர்ச்சித்திட்டம் புதிதாக செயல்படுத்த ரூ.71 கோடி ஒதுக்கீடு. 

    * 46 ஆண்டுகளில் இல்லாத அளவுக்கு நெல் சாகுபடி செய்யப்பட்டுள்ளது. 

     * கடந்த ஆண்டில் 25 லட்சம் மெட்ரிக் டன் நெல் கொள்முதல் செய்யப்பட்டது சாதனையாகும்.

    *  நெல் ஜெயராமன் பெயரில் 200 ஏக்கரில் பாரம்பரிய நெல் விதைகள் உற்பத்தி மையம் ஏற்படுத்தப்படும். 

    * ரூ.12 கோடி மதிப்பீட்டில் செம்மரம், சந்தனம் போன்ற மதிப்புமிக்க மரங்கள் விவசாயிகளுக்கு மானிய விலையில் வழங்கப்படும்

    * அனைத்து கிராம அண்ணா மறுமலர்ச்சி திட்டத்திற்கு 300 கோடி நிதி ஒதுக்கீடு.

    * தூத்துக்குடி, விருதுநகர் தென்காசி, கரூர், அரியலூர் மாவட்டங்களில் கடலை, சூரியகாந்தி, ஆமணக்கு பயிரிடலை அதிகரிக்க ரூ.28.50 கோடி ஒதுக்கீடு.

    * துல்லிய பண்ணை திட்டத்தில் ரூ.5 கோடி மானிய விலையில் விதைகள், இடுபொருள்கள் விநியோகிக்கப்படும்.

    * பூண்டு சாகுபடி வாய்ப்புள்ள பகுதிகளுக்கு விரிவுப்படுத்த ரூ.1 கோடி ஒதுக்கீடு

    * பனை மதிப்புக்கூட்டு பொருள்களுக்கு முக்கியத்துவம் தரப்படும்.

    * 10 லட்சம் பனை விதைகள் விநியோகிக்கப்படும்.

    *  சென்னை, திருச்சியில் நச்சு பகுப்பாய்வு ஆய்வகம் அமைக்க ரூ.15 கோடி ஒதுக்கீடு.

     * காவிரி டெல்டாவில் 4,964 கி.மீ கால்வாய்களை தூர்வார ரூ.80 கோடி ஒதுக்கீடு.

    * முதல்வர் சூரியசக்தி பம்ப்செட் திட்டத்தில் 3,000 பம்ப் செட்டுகள் வாங்க ரூ.65.3 கோடி ஒதுக்கீடு.

    * சுய உதவிக்குழுவினர் ஆடு, மாடு, கோழி பண்ணைத் தொழில் தொடங்க மானியம் வழங்கப்படும். 

    * இளைஞர்கள் வேளாண் தொழில் தொடங்க முதற்கட்டமாக 200 பேருக்கு தலா 1 லட்சம் நிதி உதவி  அளிக்கப்படும். 

    * பயிர் உற்பத்தியை அதிகரிக்க துவரை சாகுபடி சிறப்பு மண்டலம் அமைக்கப்படும். 

    * மாவட்ட அளவிலும், மாநி அளவிலும் சிறுதானிய திருவிழா நடத்தப்படும். 

    * கிருஷ்ணகிரி, தருமபுரி, திருவண்ணாமலையில் துவரை உற்பத்தி மண்டலம் அமைக்கப்படும்.

    * சூரியகாந்தி உற்பத்தியை அதிகரிக்க நடவடிக்கை எடுக்கப்படும்.

    * தமிழன் தளம் என்கிற புதிய இணையதளம் மூலம் விவசாயிகளுக்கு தகவல் பரிமாற்றம்  அமைக்கப்படும்.

    * கடந்த ஆண்டு 3.35 லட்சம் விவசாயிகளுக்கு இடுபொருள்கள் வழங்கப்பட்டுள்ளன. 

    * வேளாண் மற்றும் விவசாயிகள் பிரச்னைகளுக்கு தீர்வு காண தலைமைச் செயலாளர் தலைமையில் சிறப்பு குழு அமைக்கப்படும். 

    * விவசாயிகளுக்கு பயிற்சி அளிக்க 7 உழவர் பயிற்சி நிலையங்கள் அமைக்கப்படும். 

    * வேளாண் துறையில் சிறந்த உற்பத்தியை தரும் விவசாயிகளுக்கு அரசு சார்பில் பரிசு அளிக்கப்படும். 

    * சோயபீன்ஸ் பயிரை அதிகரிக்க ரூ.1,20 கோடி செலவில் மத்திய அரசுடன் இணைந்து திட்டம் செயல்படுத்தப்படும். 

    * ரூ.300 கோடியில் கிராமங்களில் வீடுகளுக்கு இலவச தென்னங்கன்று வழங்கும் திட்டம். 

    * கரும்பு விவசாயிகளுக்கு ஊக்கத்தொகை வழங்க திட்டம். தகுதி வாய்ந்த கரும்பு விவசாயிகளுக்கு டன் ஒன்றுக்கு ரூ.195 ஊக்கத்தொகை வழங்கப்படும். இதன் மூலம் 1 லட்சம் விவசாயிகள் பயன் பெறுவார்கள்.

    * வேளாண் விரிவாக்க மையங்களில் பணமில்லா பரிவர்த்தனை மேற்கொள்ளப்படும். 

    * ஆதிதிராவிடர், பழங்குடியின விவசாயிகளுக்கு 20 சதவிகிதம் கூடுதல் மானியம் வழங்கப்படும்.

    * மயிலாடுதுறையில் ரூ.75 லட்சம் செலவில் புதிய மண் பரிசோதனைக்கூடம் அமைக்கப்படும். 

    * கரும்பு விவசாயத்தை ஊக்குவிக்கும் வகையில், திசு கரும்பு நாற்று வளர்ப்பு உள்ளிட்டவை ரூ.10 கோடியில் செயல்படுத்தப்படும். 

    * வெல்லம் தயாரிப்பை ஊக்கப்படுத்த ரூ.1 கோடி ஒதுக்கீடு.

    * தமிழக விவசாயிகள் தங்கள் பகுதிகளில் உள்ள மண்ணின் வளம் தன்மை குறித்த அறிந்து கொள்ள கோவை வேளாண் பல்கலையுடன் இணைந்து தமிழ் மண் வளம் என்ற புதிய இணைய முகப்பு உருவாக்கப்படும். 

    * தென்னை, மா, கொய்யா இடையே ஊடுபயிர் சாகுபடியை ஊக்குவிக்க நிதி ஒதுக்கீடு.

    * தோட்டக்கலை பயிர்களில் இயற்கை விவசாயத்தை ஊக்குவிக்க ரூ.30 கோடி ஒதுக்கீடு.

    * தக்காளி விலை உயர்வை கட்டுப்படுத்த நடவடிக்கை எடுக்கப்படும். 

    * தக்காளி சாகுபடிக்கு ரூ.4 கோடி ஒதுக்கீடு.

    * தேனி வளர்ப்பு தொகுப்புகளுக்கு ரூ.10 கோடி ஒதுக்கீடு செய்யப்படும்.

    * உழவர் சந்தையில் காய்கறி வரத்தை அதிகரிக்கும் சிறப்புத் திட்டத்திற்கு ரூ.5 கோடி ஒதுக்கீடு செய்யப்படும். 

    * இலவச மின்சார திட்டத்திற்கு ரூ.5157 கோடி டான்ஜெட்கோவிற்கு மானியம் வழங்கப்படும். 

    * பாரம்பரிய காய்கறிகள், மூலிகை பயிர்களை மீட்டெடுத்து ஊக்குவிக்க நடவடிக்கை எடுக்கப்படும். 

    * கண்ணாடி கத்தரி, வாசுதேவநல்லூர் கத்தரியை வளர்க்க நடவடிக்கை எடுக்கப்படும். 

    * உள்ளூர் ரக காய்கறிகளை பயிரிடும் விவசாயிகளுக்கு மானியம் வழங்கப்படும். 

    * 2022-23 நிதியாண்டில் வேளாண் நிதிநிலை அறிக்கைக்கு ரூ.33007 கோடி நிதி ஒதுக்கீடு. 

    * விதை முதல் விளை பொருள்கள் வரை வாங்க ரூ.8 கோடியில் டிஜிட்டல் விவசாயம் அறிமுகம் செய்யப்படும். 

    * ரூ.30 கோடியில் அங்கக வேளாண்மை இயக்கம் செயல்படுத்தப்படும். 

    * மாவட்டத்துக்கு 50 ஹெக்டேர் நிலம் தேர்ந்தெடுக்கப்பட்டு அங்கக வேளாண்மை இயக்கம் செயல்படுத்தப்படும். 

    * விளைபொருள்களில் ரசாயனங்களை கண்டறிய சோதனை சாலைகள் அமைக்கப்படும். 

    * தமிழ்நாடு முழுவதும் மூலிகைத் தோட்டங்கள் வளர்க்க நடவடிக்கை எடுக்கப்படும். 

    * தோட்டக்கலைத்துறை மூலம் மூலிகை தோட்டங்கள் வளர்க்க செடிகள் வழங்க நடவடிக்கை  எடுக்கப்படும்.

    * தமிழ்நாடு அரசின் மாணவ, மாணவியருக்கான 10 ஆயிரம் விடுதிகளில் மூலிகைத் தோட்டம் அமைக்க நடவடிக்கை எடுக்கப்படும். 

    * சமையல் எண்ணெய் விலை உயர்வை கட்டுப்படுத்தும் வகையில், சூரியகாந்தி சாகுபடி பரப்பு அதிகரிக்கப்படும். 

    * சூரியகாந்தி சாகுபடி பரப்பை அதிகரிக்க ரூ.28 கோடி ஒதுக்கீடு. 

    * வேளாண் ஒழுங்குமுறை விரிவாக்க மையங்களில் கிரெடிட்டி கார்டுகள் மூலம் பணப்பரிவர்த்தனைக்கு ஏற்பாடு செய்யப்படும். 
     
    * பனை மரம் ஏறும் சிறந்த கருவிகளை கண்டுபிடிப்பவர்களுக்கு சிறப்பு விருதுகள் வழங்கப்படும். 

    * கடந்த வேளாண் நிதிநிலை அறிக்கையை விட இந்த ஆண்டு கூடுதலாக ரூ.251 கோடி ஒதுக்கீடு. 

    * 50 உழவர் சந்தைகளை சீரமைக்க நிதி ஒதுக்கீடு. 

    * மதிப்புக்கூட்டு பொருள்களை தயாரிக்கும் இயந்திரங்களை வாங்க மானியமாக ரூ.4 கோடி ஒதுக்கீடு செய்யப்படும். 

    * தமிழகத்தில் 10 உழவர் சந்தைகள் ரூ.10 கோடியில் அமைக்கப்படும். 

    * கிராமங்களில் வீடுகளில் இலவச தென்னங்கன்று வழங்க ரூ.300 கோடி ஒதுக்கீடு செய்யப்படும். 

    * வேளாண் இடுபொருள், விதைகளை ஆன்லைனில் பதிவு செய்து விற்பனை செய்யப்படும். 

    * மாலை நேரத்திலும் உழவர் சந்தைகள் செயல்பட நடவடிக்கை எடுக்கப்படும். 

    * உழவர் சந்தைகளில் சிறுதானியங்கள் விற்பனை செய்ய நடவடிக்கை எடுக்கப்படும். 

    * பூச்சித்தாக்குதல் மற்றும் நோய் மேலாண்மைக்கு ரூ.5 கோடி ஒதுக்கீடு. 

    * விவசாய இலவச மின்சாரத்துக்கு ரூ.5,157 கோடிய ஒதுக்கீடு. 

    * மூலிகைத் தோட்டங்கள் வளர்க்க நடவடிக்கை எடுக்கப்படும்.

    * தோட்டக்கலைத்துறை மூலம் தமிழ்நாடு முழுவதும் மூலிகைத் தோட்டங்கள் வளர்க்க செடிகள் வழங்கப்படும்.  

    * கிராமப்புற வேளாண் தொழில்முனைவோரை ஊக்குவிக்க நடவடிக்கை எடுக்கப்படும். இதற்காக 50 பயனாளிகளுக்கு ரூ.5 லட்சம் நிதியுதவி வழங்கப்படும். 

    * விலை நிலங்களில் ட்ரோன் மூலம் பூச்சிமருந்துகள் தெளிக்க நடவடிக்கை எடுக்கப்படும். 

    * வேளாண் அமைச்சர் திட்டங்களில் வெளிப்படைத் தன்மையயை அதிரிக்க படிப்படியாக கணினி வழியே பதிவேற்றம் செய்யப்படும். 

    * செல்போன் மூலம் வேளாண் மோட்டார்களை இயக்கும் நுட்பத்தை விவசாயிகள் பெறும் வகையில் ரூ.1.5 கோடி நிதி ஒதுக்கீடு. 

    * வேளாண் பம்புசெட்டுகளை தொலைவில் இருந்து இயக்கும் கருவிகளை வாங்க ரூ.5000 மானியம் வழங்கப்படும். இதன் மூலம் விவசாயிகள் இரவு நேரங்களில் பாம்புக்கடியில் இருந்து தப்பிக்க இந்த திட்டம் உதவும்.

    * திருவாரூர் மாவட்டத்தில் விவசாயிகள் தொழிற்பேட்டை ஏற்படுத்தப்படும். 

    * தடுப்பணைகள், ஏரிகள் புணரமைக்கப்படும். 


    * தூர்வாரும் பணிக்காக ரூ.80 கோடி நிதி ஒதுக்கீடு செய்யப்படும். 

    * அயிரை, செல் கெண்டை, கால்பாசு போன்ற உள்நாட்டு மீன்கள் உற்பத்தியை அதிகரிக்க நிதி ஒதுக்கீடு செய்யப்படும்.

    * உள்நாட்டு மீன் வளர்ப்பு பாதுகாப்புக்கு ரூ.5 கோடி ஒதுக்கீடு. 

    * 10 அணைகளில் மீன் வளர்க்க நடவடிக்கை எடுக்கப்படும்.

    * நாகை மாவட்டத்தில் மீன் குஞ்சு வளர்ப்பு பண்ணை ஏற்படுத்தப்படும். 

    * 38 கிராமங்கலில் மதிப்புக்கூட்டம் சந்தைப்படுத்துதல் மையங்கள் அமைப்பதற்காக ரூ.95 கோடி ஒதுக்கீடு. 

    * கருப்பட்டி மதிப்பு சார்ந்த பனை பொருள்கள் உற்பத்திக்கு 75 சதவிகிதம் மானிய உதவி வழங்கப்படும். 

    * கேரளம் தோட்டக்கலை தமிழகத்தில் நேரடி கொள்முதல் செய்ய நடவடிக்கை எடுக்கப்படும்.

    * கோவை, தேனியில் மொத்த காய்கனி மையம் அமைக்கப்படும். 

    * தஞ்சை, சேலம், திருவள்ளூர், நெல்லை ஆகிய மாவட்டங்களில் சோயா பீன்ஸ் சாகுபடியை அதிகரிக்க நடவடிக்கை எடுக்கப்படும். 

    * திண்டிவனம், தேனி மற்றும் மணப்பாறையில் ரூ.381 கோடியில் மூன்று மிகப்பெரிய அளிவிலான உணவுப் பூங்காக்கள் அமைக்கப்படும். 

    * பசுமைக்குடில் நிழல்வலைக்கூடம், நிலப்போர்வை, ஹைட்ரோபோனிக்ஸ், செங்குத்து தோட்டம் போன்ற உயர் தொழில்நுட்பங்களுக்கு ரூ.25.9 கோடி ஒதுக்கீடு. 

    * தமிழகத்தில் ரூ.8 கோடி செலவில் டிஜிட்டல் விவசாயம் அறிமுகப்படுத்தப்படும். 

    * மலர் சாகுபடியை அதிகரித்தத் திட்டம்.

    * மல்லிகை சாகுபடியில் தமிழ்நாடு முதலிடம் பெற்றுள்ளது. 

    * தமிழ்நாட்டில்  மலர் சாகுபடியை 4,250 ஏக்கராக அதிகரிக்கத் திட்டம். 

    * மல்லிகை, சம்பங்கி, செவ்வந்தி, ரோஜா ஆகிய மலர்கள் சாகுபடியை ஊக்குவிக்க ரூ.5.37 கோடி ஒதுக்கீடு. 

    * வாழ்ந்துகாட்டுவோம் திட்டத்திற்கு ரூ.30.56 கோடி ஒதுக்கீடு.

    * வாழ்ந்துகாட்டுவோம் திட்டத்தில் உற்பத்தியாளர் குழு, சமுதாய பண்ணை பள்ளிகளை உருவாக்க  ரூ.30,56 கோடி ஒதுக்கீடு.

    * ஆறு வேளாண் கருவிகள் அடங்கிய வேளாண் கருவிகள் தொகுப்பு வழங்கப்படும். 

    * நெல் அறுவடைக்குப்பின் பயறுவகைகள் சாகுபடியை ஊக்கப்படுத்த ரூ.5 கோடி ஒதுக்கீடு மூலம் கூடுதலாக 13 ஆயிரம் மெட்ரிக் டன் பயறு உற்பத்தி செய்யப்படும். 

    * புறநானூற்றில் பருத்தியை வேலியாக உடைய ஊர்களைப் புலவர்கள் பாராட்டியுள்ளனர்.

    * பருத்தியின் உற்பத்தியை உயர்த்திட நீடித்த நிலையான பருத்தி இயக்கம் ரூ.15.32 கோடி செலவில் மத்திய, மாநில அரசு நிதி ஒதுக்கீட்டில் செயல்படுத்தப்படும். 

    * இயற்கை முறை பருத்தி சாகுபடியும் ஊக்குவிக்கப்படும். 

    * விளைபொருள்களுக்கு ஏற்ற விலை தொலையுணர்வு தொழில்நுட்பம் மூலம் நில உடைமை பருவம் வாரியாக பயிர்கள் சாகுபடிப் பரப்பு, வேளாண் சந்தை நுண்ணறிவுப் பிரிவின் மூலம் விலை கணிக்கப்பட்டு விவசாயிகளுக்கு தெரிவிக்கப்படும். 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp