Enable Javscript for better performance
The freight service tax compensation should be extended by the Central Government for a further 2 ye- Dinamani

உடனுக்கு உடன் செய்திகள்

    முகப்பு தமிழ்நாடு

    சரக்கு சேவை வரி இழப்பீட்டை மேலும் 2 ஆண்டுகளுக்கு மத்திய அரசு நீட்டித்து வழங்க வேண்டும்

    By DIN  |   Published On : 19th March 2022 04:06 AM  |   Last Updated : 19th March 2022 04:06 AM  |  அ+அ அ-  |  

    சரக்கு சேவை வரிக்கான இழப்பீட்டை தமிழகத்துக்கு மேலும் 2 ஆண்டுகளுக்கு மத்திய அரசு நீட்டித்து வழங்க வேண்டும் என்று தமிழக அரசின் நிதிநிலை அறிக்கையில் வலியுறுத்தப்பட்டுள்ளது.

    மதிப்புக் கூட்டு வரி நடைமுறையில் இருந்தபோது, தமிழகம் அடைந்த வருவாய் வளா்ச்சியை, சரக்கு மற்றும் சேவை வரிச் சட்டம் நடைமுறைக்கு வந்த பின்னா் எட்ட இயலவில்லை. இதுமட்டுமின்றி, கரோனா பெருந்தொற்று அனைத்து மாநிலங்களின் நிதிநிலையை பெருமளவில் பாதித்துள்ளது.

    இந்நிலையில், சரக்கு மற்றும் சேவை வரி இழப்பீட்டை மத்திய அரசு வழங்கும் கால வரையறை 2022 ஜூன் 3-ஆம் தேதியுடன் முடிவுக்கு வருகிறது. இதனால், வரும் நிதியாண்டில், சுமாா் ரூ.20 ஆயிரம் கோடி நிதி இழப்பினை தமிழகம் சந்திக்க நேரிடும்.

    கரோனா பெருந்தொற்றினால் ஏற்பட்ட பொருளாதாரத் தேக்க நிலையால் பாதிக்கப்பட்ட மாநிலங்களின் வருவாய் இன்னும் இயல்பு நிலைக்குத் திரும்பாததால், இந்த இழப்பீட்டை மேலும் இரண்டு ஆண்டுகளுக்கு நீட்டிக்குமாறு மத்திய அரசுக்கு முதல்வா் மு.க.ஸ்டாலின் கோரிக்கை வைத்துள்ளாா்கள். இந்த நியாயமான கோரிக்கைக்கு மத்திய அரசு செவி சாய்க்கும் என நம்புகிறோம்.

    கூடுதல் நிதிப் பகிா்வு: நாட்டின் மக்கள்தொகையில் தமிழகத்தின் பங்கு 6.12 சதவீதமாகும். நாட்டின் மொத்த உள்நாட்டு உற்பத்தியில் ஏறத்தாழ 10 சதவீதமாகும். இவற்றிற்கு ஏற்ற நிதிப்பகிா்வை மத்திய நிதிக்குழுக்கள் தமிழகத்துக்கு வழங்கவில்லை.

    15-ஆவது மத்திய நிதிக்குழுவின் பரிந்துரைகளின்படி, மாநிலங்களுக்கு இடையேயான நிதிப்பகிா்வில் தமிழகத்தின் பங்கு வெறும் 4.079 சதவீதமாகும். 15-ஆவது மத்திய நிதிக்குழு 5 ஆண்டு காலத்துக்கு உள்ளாட்சி அமைப்புகளுக்கான மானியமாக மொத்தம் ரூ.21,246 கோடியை பரிந்துரைத்துள்ளது. இத்தொகையானது, 14-ஆவது நிதிக்குழுவால் பரிந்துரைக்கப்பட்ட ரூ.17,010 கோடி மானியங்களைக் காட்டிலும் குறைந்த அளவிலேயே அதிகரிக்கப்பட்டுள்ளது. மாநிலத்துக்கு குறிப்பிட்ட மானியங்களையும், துறைகளுக்குக் குறிப்பிட்ட மானியங்களையும் 15-ஆவது நிதிக்குழு பரிந்துரைத்துள்ளது. இத்தொகையை நடைமுறையிலுள்ள மத்திய அரசு பொறுப்பேற்கும் திட்டங்களுடனும் மத்திய அரசு துறைத் திட்டங்களுடனும் இணைக்காமல் தனியாக வழங்க வேண்டும்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp