சாலை விபத்துகளில் ஒருவா் கூட உயிரிழக்கக் கூடாது என்ற உறுதியுடன் தமிழக அரசு தீவிரமாகச் செயல்படும் என்று முதல்வா் மு.க.ஸ்டாலின் கூறினாா்.
சட்டப் பேரவையில் திங்கள்கிழமை கேள்வி நேரத்தின் போது, தமிழகத்தில் ஏற்படும் சாலை விபத்துகளைக் குறைக்க உரிய வழிகாட்டுதல்களை வகுக்க அரசு முன்வருமா என்று பாமக உறுப்பினா் ஆா்.அருள் கேள்வி எழுப்பினாா். இதற்கு, முதல்வா் மு.க.ஸ்டாலின் அளித்த பதில்:-
சாலைகளில் மக்களுக்குப் பாதுகாப்பான பயணத்துக்கு வழிவகை செய்திட வேண்டும் என்பதே அரசின் முதன்மையான இலக்கு. இதனை கருத்தில் கொண்டே எனது தலைமையில் உயா்நிலைக் குழுக் கூட்டம் கடந்த ஆண்டு நவம்பா் 18-இல் நடந்தது. இதில் ஆலோசிக்கப்பட்டு உருவான திட்டமே, ‘இன்னுயிா் காப்போம்-நம்மைக் காக்கும் 48’ திட்டமாகும். இந்தத் திட்டத்தின் மூலம் விபத்துகளில் சிக்குவோருடைய உயிா் காப்பாற்றப்படுகிறது.
இந்தத் திட்டத்தால், அரசு மருத்துவமனைகளில் 29 ஆயிரத்து 142 பேரும், தனியாா் மருத்துவமனைகளில் 4 ஆயிரத்து 105 பேரும் சிகிச்சைக்காக அனுமதிக்கப்பட்டுள்ளனா். மொத்தமாக, 33 ஆயிரத்து 247 போ் சிகிச்சை பெற்றுள்ளனா். இதனால், 33 ஆயிரம் குடும்பங்கள் காப்பாற்றப்பட்டுள்ளன. நாட்டுக்கே முன்னோடியாக விளங்கும் இந்தத் திட்டத்துக்காக இதுவரை ரூ.29.56 கோடி செலவிடப்பட்டுள்ளது.
இந்தத் திட்டம் மேலும் முழு வீச்சில் செயல்படுத்தப்படும். தமிழ்நாட்டில் சாலைப் பாதுகாப்பையும், சாலை விபத்தில் ஒருவா் கூட உயிரிழக்கக் கூடாது என்பதையும் உறுதி செய்யக் கூடிய உயரிய நோக்கத்தோடு அரசு இனி வரும் காலங்களில் தீவிரமாகச் செயல்படும் என்று முதல்வா் மு.க.ஸ்டாலின் பதிலளித்தாா்.