Enable Javscript for better performance
எல்லை தாண்டி மீன்பிடித்த 3 புதுக்கோட்டை மீனவர்கள் கைது- Dinamani

உடனுக்கு உடன் செய்திகள்

    எல்லை தாண்டி மீன்பிடித்த 3 புதுக்கோட்டை மீனவர்கள் கைது 

    By DIN  |   Published On : 31st March 2022 12:58 PM  |   Last Updated : 31st March 2022 01:47 PM  |  அ+அ அ-  |  

    fishermen

    சென்னை: சர்வதேச கடல் எல்லைக் கோடு (ஐஎம்பிஎல்) தாண்டி இலங்கை கடற்பரப்பில் மீன்பிடித்ததற்காக தமிழகத்தின் புதுக்கோட்டையைச் சேர்ந்த 3 மீனவர்கள் இலங்கை கடற்படையால் கைது செய்யப்பட்டனர். 

    புதுக்கோட்டை மாவட்டம் ஜெகதாப்பட்டினத்தில் இருந்து கடலுக்கு மீன்பிடிக்கச் சென்ற 3 மீனவர்களை, எல்லை தாண்டி வந்து மீன்பிடித்ததாக இலங்கைக் கடற்படையினர் வியாழக்கிழமை அதிகாலை கைது செய்துள்ளனர்.

    ஜெகதாப்பட்டினம் விசைப்படகு மீன்பிடி இறங்கு தளத்தில் இருந்து 102 விசைப்படகுகளில் 500-க்கும் மேற்பட்ட மீனவர்கள் புதன்கிழமை கடலுக்கு மீன் பிடிக்கச் சென்றனர்.

    இவர்களில் ஜெகதாப்பட்டினத்தைச் சேர்ந்த டி. விஸ்வலிங்கம் (50), ஆர். சக்திவேல் (38), எஸ். கலைமாறன் (29) ஆகியோர் நடுக்கடலில் மீன்பிடித்துக் கொண்டிருந்தனர்.

    அப்போது, அங்கு வந்த இலங்கைக் கடற்படையினர் எல்லை தாண்டி வந்து மீன்பிடித்ததாகக் கூறி 3 மீனவர்களையும் கைது செய்து காங்கேசன்துறை கடற்படைத் தளத்துக்கு அழைத்துச் சென்றனர்.

    இந்தச் சம்பவம் மீனவர்களிடையே கடும் அதிர்ச்சியை ஏற்படுத்தி உள்ளது.
    தொடரும் இத்தகைய நடவடிக்கைகளை தடுக்க வேண்டும் என மீனவர்கள் கோரிக்கை விடுத்துள்ளனர்.

    புதன்கிழமை இரவு 3 மீனவர்களை கைது செய்ததோடு, ஒரு இயந்திர மீன்பிடி படகையும் இலங்கை கடற்படை காவல்துறையினர் பறிமுதல் செய்ததாக தமிழக மீன்வளத்துறை வெளியிட்டுள்ள அறிக்கையில் தெரிவிக்கப்பட்டுள்ளது.

    இந்த சம்பவத்திற்கு மீனவர் சங்கத்தினர் வேதனையும், அதிருப்தியும் தெரிவித்துள்ளனர். 

    இலங்கை கடற்படையினர் இந்த வாரத்தில் தமிழகத்தைச் சேர்ந்த நான்கு இந்திய மீனவர்களை கைது செய்ததுடன் அவர்களது படகுகளையும் கைப்பற்றியிருந்தது குறிப்பிடத்தக்கது. ஜனவரி 2022 முதல், தமிழகத்தைச் சேர்ந்த 87 இந்திய மீனவர்கள் கைது செய்யப்பட்டனர் மற்றும் சுமார் 42 பேர் விடுவிக்கப்பட்டனர். அதாவது தமிழகத்தைச் சேர்ந்த சுமார் 45 இந்திய மீனவர்கள் இலங்கை அதிகாரிகளின் காவலில் உள்ளனர்.

    புதன்கிழமை, நாகப்பட்டினத்தில் இந்திய கடல் எல்லைக்குள் நுழைந்த இலங்கை மீனவர் ஒருவரை இந்திய கடலோர காவல்படையினர் கைது செய்தனர்.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp