Enable Javscript for better performance
Mettur Dam Water to be released from June 12- Dinamani

உடனுக்கு உடன் செய்திகள்

    முகப்பு தமிழ்நாடு

    ஜூன் 12-ல் மேட்டூர் அணை திறப்பு

    By கு. இராசசேகரன்  |   Published On : 08th May 2022 10:03 AM  |   Last Updated : 08th May 2022 11:54 AM  |  அ+அ அ-  |  

    Mettur_Dam_1


    மேட்டூர் அணை பாசனம் மூலம் சேலம், நாமக்கல், ஈரோடு, கரூர், அரியலூர், திருச்சி, தஞ்சை, திருவாரூர், நாகப்பட்டினம் உட்பட12 காவிரி டெல்டா மாவட்டங்களில் 16.05 லட்சம் ஏக்கர் நிலம் பாசன வசதி பெறுகிறது. குறுவை, சம்பா, தாளடி பயிர்களுக்கு ஜூன் 12-ம் தேதி முதல் ஜனவரி 28-ம் தேதி வரை தண்ணீர் திறக்கப்படும்.

    முப்போக சாகுபடிக்கு 230 நாட்களுக்கு 330 டிஎம்சி தண்ணீர் தேவைப்படும். பாசன பகுதிகளில் மழை பெய்தால் பாசன தேவை குறையும். கடந்த ஆண்டு ஜூன் 12ஆம் தேதி தமிழக முதல்வர் மேட்டூர் அணையிலிருந்து காவிரி டெல்டா பாசனத்திற்கு தண்ணீர் திறந்து விட்டார்.

    மேட்டூர் அணையின் நீர்மட்டம் 90 அடியாக இருந்தால் பருவமழையை எதிர்நோக்கி காவிரி டெல்டா பாசனத்திற்கு தண்ணீர்  திறக்கப்படும். மேட்டூர் அணையின் வரலாற்றில் 89வது ஆண்டாக நடப்பு ஆண்டில் காவிரி டெல்டா பாசனத்திற்கு தண்ணீர் திறக்கப்படுகிறது.

    மேட்டூர் அணையின் நீர் இருப்பு திருப்திகரமாக இருப்பதால் குறிப்பிட்ட நாளான ஜூன் 12ஆம் தேதி மேட்டூர் அணையிலிருந்து காவிரி டெல்டா பாசனத்திற்கு தண்ணீர் திறக்கப்பட உள்ளது. மேட்டூர் அணையின் வரலாற்றில் குறிப்பிட்ட நாளில் தண்ணீர் திறப்பது 19-வது ஆண்டு என்பது குறிப்பிடத்தக்கது.

    கடந்த ஆண்டு அக்டோபர் மாதம் 24-ம் தேதி மேட்டூர் அணை நீர்மட்டம் 100அடியாக உயர்ந்தது. அதன் பிறகு முழு கொள்ளளவை எட்டியது. 

    இன்றுவரை மேட்டூர் அணை நீர்மட்டம் 100 அடிக்கு குறையாமல் உள்ளது விவசாயிகளுக்கு மகிழ்ச்சியை ஏற்படுத்தியுள்ளது. கடந்த 188 நாள்களாக மேட்டூர் அணை நீர்மட்டம் 100 அடிக்கு கீழே குறையாமல் உள்ளதால் மேட்டூர் அணையில் மீன் வளம் பெருகும் என்று மேட்டூர் அணை மீனவர்களும் டெல்டா பாசனத்திற்கு உரிய காலத்தில் தண்ணீர் கிடைக்கும் என்று டெல்டா பாசன விவசாயிகள் மகிழ்ச்சி அடைந்துள்ளனர்.

    கடந்த ஒரு வார காலமாக காவிரி நீர்பிடிப்பு பகுதிகளில் தொடர்ந்து மழை பெய்து வருகிறது. இதனால் மேட்டூர் அணைக்கு வரும் நீரின் அளவும் வெகுவாக அதிகரித்து வருகிறது. சில தினங்களுக்கு முன்பு 1,724 கனஅடி வீதம் வந்து கொண்டிருந்த நீர்வரத்து படிப்படியாக அதிகரித்து இன்று (ஞாயிற்றுக்கிழமை) காலை வினாடிக்கு 6,318 கன அடியாக அதிகரித்துள்ளது.


     நீர்வரத்து அதிகரித்து வருவதால் கடந்த 01.05.2022 அன்று 105.50 அடியாக இருந்த மேட்டூர் அணை நீர்மட்டம் இன்று காலை 106.66 அடியாக உயர்ந்துள்ளது. கடந்த ஒரு வார காலத்தில் மேட்டூர் அணை நீர்மட்டம் 1 அடி உயர்ந்துள்ளது.

    இன்று காலை மேட்டூர் அணை நீர்மட்டம் 106.66 அடியாக இருந்தது அணைக்கு வினாடிக்கு 6,318 கன அடி வீதம் தண்ணீர் வந்து கொண்டிருந்தது. அணையிலிருந்து குடிநீர் தேவைக்காக வினாடிக்கு 1500 கன அடி வீதம் தண்ணீர் திறக்கப்பட்டு வருகிறது. அணையின் நீர் இருப்பு 73.74 டி.எம்.சி.யாக உள்ளது.


    TAGS
    mettur

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp