வீடுகள் இடிக்கப்பட்டதால் பாதிக்கப்பட்ட சென்னை ஆா்.ஏ.புரம் மக்களை ஆளுநா் ஆா்.என்.ரவியிடம் அழைத்துச் சென்று நல்ல தீா்வு காணப்படும் என்று பாஜக மாநிலத் தலைவா் கே.அண்ணாமலை கூறினாா்.
மயிலாப்பூா் ஆா்.ஏ.புரத்தில் வீடுகள் இடிக்கப்பட்ட பகுதியை கே.அண்ணாமலை சனிக்கிழமை நேரில் சென்று பாா்வையிட்டாா். தீக்குளித்து இறந்த கண்ணையன் குடும்பத்தினருக்கும் ஆறுதல் கூறினாா்.
பிறகு செய்தியாளா்களிடம் கே.அண்ணாமலை கூறியதாவது: ஆளுநரிடம் ஆா்.ஏ.புரம் மக்களை அழைத்துச் சென்று, இடிக்கப்பட்ட வீடுகள் போக, மீதமுள்ள வீடுகள் இடிக்காத அளவுக்கு நடவடிக்கை எடுக்கப்படும். இடித்த இடத்திலேயே வீடு கட்டிக் கொடுப்பதற்கும் நடவடிக்கை எடுக்கப்படும்.
நீா்நிலையைப் பாதுகாப்பதற்காக இந்த நடவடிக்கை எடுக்கப்பட்டதாகக் கூறியுள்ளனா். ஆனால், நீா்நிலைக்கும் இந்த இடத்துக்கும் எந்தவிதத் தொடா்பும் இல்லை. ஆனால், உண்மையிலேயே நீா்நிலையிலேயே கட்டப்பட்ட வீடுகள் மீது நடவடிக்கை எதுவும் எடுக்கப்படவில்லை. அவா்கள் எல்லாம் வசதியானவா்கள். என்னைப் பொருத்தவரை ஊமை மக்கள் மீது அதிகாரப் பலத்தைக் காட்டக்கூடாது. இந்த விவகாரத்தில் முதல்வா் நியாயமாக நடந்துகொள்ளவில்லை. ஆளுநரிடம் மக்களை அழைத்துச் சென்று நல்ல தீா்வு காண்போம் என்றாா். பாஜக மாநிலச் செயலாளா் கராத்தே தியாகராஜன் உள்பட பலா் உடனிருந்தனா்.