தமிழக அமைச்சரவைக் கூட்டம் வரும் 14-ஆம் தேதி நடைபெறவுள்ளது. முதல்வா் மு.க.ஸ்டாலின் தலைமையில் அன்றைய தினம் மாலை 6 மணிக்குக் கூட்டம் நடக்கவுள்ளது. சட்டப் பேரவைக் கூட்டத் தொடா் வரும் 17-ஆம் தேதி துவங்கவுள்ளது. இந்தக் கூட்டத் தொடருக்கு முன்பாக, அமைச்சரவைக் கூட்டம் நடைபெறுகிறது.
சட்டப் பேரவையில் விவாதிக்கப்பட வேண்டிய முக்கிய அம்சங்கள், முக்கிய திட்டங்கள், தொழில் துறைக்கான புதிய திட்டங்களுக்கு ஒப்புதல் அளிப்பது போன்றவை குறித்து அமைச்சரவைக் கூட்டத்தில் விவாதிக்கப்படும் என எதிா்பாா்க்கப்படுகிறது.
முன்னதாக, தமிழக அமைச்சரவைக் கூட்டம் கடந்த செப்டம்பா் இறுதி வாரத்தில் நடைபெற்றது. அப்போது, முன்னாள் முதல்வா் ஜெயலலிதா மரணம் தொடா்பான நீதிபதி ஆறுமுகசாமி ஆணைய விசாரணை அறிக்கை போன்ற அம்சங்கள் குறித்து விவாதிக்கப்பட்டது குறிப்பிடத்தக்கது.