Enable Javscript for better performance
தில்லை கங்கா நகா் பகுதியில் நாளை முதல் போக்குவரத்து மாற்றம்- Dinamani

உடனுக்கு உடன் செய்திகள்

    தில்லை கங்கா நகா் பகுதியில் நாளை முதல் போக்குவரத்து மாற்றம்

    By DIN  |   Published On : 14th October 2022 12:40 AM  |   Last Updated : 14th October 2022 12:40 AM  |  அ+அ அ-  |  

    kerala_traffic_vehicles

    கோப்புப் படம்

     சென்னையில் பறக்கும் ரயில் பணியையொட்டி, தில்லை கங்கா நகா் பகுதியில் அக்டோபா் 15-ஆம் தேதி (சனிக்கிழமை) முதல் போக்குவரத்து மாற்றம் செய்யப்படுகிறது.

    இது குறித்து சென்னை பெருநகர காவல்துறையின் போக்குவரத்துப் பிரிவு வியாழக்கிழமை விடுத்த செய்திக்குறிப்பு:வேளச்சேரி முதல் பரங்கி மலை வரை பறக்கும் ரயில் துறையினரால் கான்கீரிட் இணைப்பு தூண் அமைக்கும் பணி நடைபெற உள்ளது.

    இதனால் எம்ஆா்டிஎஸ் சாலையில் தில்லை கங்கா நகா் வெளிச் செல்லும் பகுதியில் போக்குவரத்து மாற்றம் அக்டோபா் 15-ஆம் தேதி முதல் 4 மாதங்கள் செய்யப்படுகிறது.

    இதன்படி எம்ஆா்டிஎஸ் சாலை இரண்டாக பிரிக்கப்பட்டு, தூண் எண்கள் 157, 158 இடையே 90 மீட்டா் நீளத்துக்கு வெளிசெல்லும் சாலையில் வாகனங்கள் செல்ல தடை செய்யப்படும்.

    மாநகரப் பேருந்துகள், வணிக வாகனங்கள் வலது புறம் திரும்பி உள்வரும் சாலையில் பயணித்து தூண் எண் 156-இல் அருகே இடதுபுறமாக திரும்பி வழக்கமான சாலையில் செல்லலாம்.

    இலகு ரக வாகனங்கள் இடதுபுறம் திரும்பி ஜீவன்நகா் 3-ஆவது தெரு, 23-ஆவது தெரு விரிவாக்கம் சென்று இடது பக்கம் திரும்பி வழக்கமான எம்ஆா்டிஎஸ் சாலையை சென்றடையலாம் .

    வேளச்சேரியில் இருந்து எம்ஆா்டிஎஸ் சாலை வழியாக வரும் மாநகரப் பேருந்துக்கள், வணிக வாகனங்கள் நேராக மாற்றம் ஏதுமின்றி சாலையில் இடப்பக்கமாக செல்ல வேண்டும்.

    இரு சக்கர வாகனங்கள், ஆட்டோக்கள்,காா்கள் தில்லை கங்கா நகா் 23-ஆவது தெருவில் இடதுபுறமாக திரும்பி 3-ஆவது பிரதான சாலை, 32-ஆவது தெரு வழியாக சென்று எம்ஆா்டிஎஸ் சாலை வழியாக தில்லை கங்கா நகா் சுரங்கபாதையை அடையலாம்.

    அவசர கால வாகனங்கள்,ஆம்புலன்ஸ் அனைத்தும் மாற்றம் ஏதுமின்றி வழக்கமான பாதையில் செல்லலாம் எனத் தெரிவிக்கப்பட்டுள்ளது.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp