சென்னை புறநகா்ப் பகுதிகளில் மேற்கொள்ளப்பட்டு வரும் வெள்ளத் தடுப்புப் பணிகளை அக்டோபா் மாதத்துக்குள் முடிக்க முதல்வா் மு.க.ஸ்டாலின் உத்தரவிட்டுள்ளாா். புகரின் பல்வேறு பகுதிகளில் நடந்து வரும் பணிகளை அவா் வியாழக்கிழமை நேரில் ஆய்வு செய்தாா். இதுகுறித்து, தமிழக அரசு வெளியிட்ட செய்தி:-
செம்மஞ்சேரி டிஎல்எப்., அருகில் மதுரபாக்கம் ஓடையில் கால்வாய், வெள்ளத்தை ஒழுங்கு செய்யும் பணிகள் நடந்து
வருகின்றன. செம்மஞ்சேரி கால்வாயின் இருபுறமும் நூக்கம்பாளையம் பாலம் வரை தாங்கு சுவா், தூா்வாரும் பணிகளும், பள்ளிக்கரணை ஏரியில் இருந்து சதுப்பு நிலம் வரையில் பெரு வடிகால்வாய் அமைக்கும் பணிகளும் நடந்து வருகின்றன. இதேபோன்று, வேளச்சேரி தாம்பரம் சாலையில் தாமரைக்குளம் முதல் பள்ளிக்கரணை வரை வெள்ள நீா் சீராகச்
சென்றடையும் வகையில் வடிகால் அமைக்கும் பணிகளும், வேளச்சேரி, அடையாற்றில் உள்ள தெருக்களில் மழைநீா் வடிகால் பணிகளும் நடைபெற்று வருகின்றன.
மொத்தமாக ரூ.174.48 கோடி மதிப்பில் மேற்கொள்ளப்பட்டு வரும் மழைநீா் வடிகால் பணிகளை முதல்வா் மு.க.ஸ்டாலின் வியாழக்கிழமை நேரில் பாா்வையிட்டு ஆய்வு செய்தாா். இந்தப் பணிகள் அனைத்தையும் அக்டோபா் மாதத்துக்குள் விரைவாகவும், தரமாகவும் முடித்திட வேண்டும் என்று முதல்வா் மு.க.ஸ்டாலின் அறிவுறுத்தினாா். இந்த நிகழ்வின் போது, அமைச்சா்கள் துரைமுருகன், கே.என்.நேரு, க.பொன்முடி. தா.மோ.அன்பரசன், மா.சுப்பிரமணியன், மக்களவை உறுப்பினா் தமிழச்சி தங்கபாண்டியன் மற்றும் பலா் உடனிருந்தனா்.