மத்திய அரசுத்துறையின் பல்வேறு நிறுவனங்களில் புதிதாக சேரவுள்ள 86 பேருக்கு பணி நியமன ஆணைகளை மத்திய நிதித்துறை இணையமைச்சா் பங்கஜ் சௌத்ரி சென்னையில் வெள்ளிக்கிழமை வழங்கினாா்.
மத்திய அரசுத் துறையில் பல்வேறு நிறுவனங்களில் புதிதாத சேரவுள்ள 71 ஆயிரம் பேருக்கும் பணி நியமன ஆணைகள் வழங்கும் நிகழ்ச்சி வெள்ளிக்கிழமை நடைபெற்றது. நாட்டின் பல்வேறு பகுதிகளில் நடைபெற்ற இந்நிகழ்ச்சியை பிரதமா் நரேந்திர மோடி காணொலி மூலம் தொடக்கிவைத்து, வேலைவாய்ப்பு பெற்ற இளைஞா்களுடன் கலந்துரையாடினாா்.
இதன் ஒரு பகுதியாக சென்னை ராஜா அண்ணாமலைபுரத்தில் நடைபெற்ற நிகழ்ச்சியில் மத்திய இணையமைச்சா் பங்கஜ் சௌத்ரி கலந்துக்கொண்டு மத்திய அரசின் இளநிலைப் பொறியாளா்கள், ரயில் ஓட்டுநா்கள், தொழில்நுட்பக் கலைஞா்கள், ஆய்வாளா், காவலா், கிராமப்புற தபால் ஊழியா், வருமான வரி ஆய்வாளா், ஆசிரியா், செவிலியா், மருத்துவா் மற்றும் பல்வேறு துறைகளில் பணியாற்றத் தோ்ச்சி பெற்ற 86 பேருக்கு பணி நியமன ஆணைகளை வழங்கிப் பாராட்டினாா்.
இந்நிகழ்ச்சியில் சென்னை வருமான வரித் துறை தலைமை முதன்மை ஆணையா் ஆா்.ரவிச்சந்திரன், மத்திய கலால் மற்றும் சரக்கு சேவை வரித்துறை முதன்மை ஆணையா் மாண்டலிகா சீனிவாசன் உள்ளிட்டோா் பங்கேற்றனா்.