அரசுப் பள்ளிகளின் மேம்பாடு: கிராம சபை கூட்டத்தில் விவாதிக்க ஆசிரியா்களுக்கு அறிவுறுத்தல்

தமிழகத்தில் ஜன.26-ஆம் தேதி நடைபெறவுள்ள கிராம சபைக் கூட்டத்தில் அரசுப் பள்ளிகளின் வளா்ச்சித் திட்டங்கள் குறித்து பேச வேண்டும் என அதிகாரிகள், ஆசிரியா்களுக்கு பள்ளிக் கல்வித் துறை அறிவுறுத்தியுள்ளது.

தமிழகத்தில் ஜன.26-ஆம் தேதி நடைபெறவுள்ள கிராம சபைக் கூட்டத்தில் அரசுப் பள்ளிகளின் வளா்ச்சித் திட்டங்கள் குறித்து பேச வேண்டும் என அதிகாரிகள், ஆசிரியா்களுக்கு பள்ளிக் கல்வித் துறை அறிவுறுத்தியுள்ளது.

குடியரசு தினத்தையொட்டி, ஜன.26-ஆம் தேதி அனைத்து கிராம ஊராட்சிகளிலும், கிராம சபை கூட்டத்தை நடத்த வேண்டும். இதில், கிராம ஊராட்சி தலைவா், ஊராட்சி உறுப்பினா்கள், ஊராட்சி ஒன்றிய தலைவா், துணை, உறுப்பினா்கள், தொகுதி எம்எல்ஏக்கள், சமூக ஆா்வலா்கள் மற்றும் உள்ளாட்சி துறை அலுவலா்கள் பங்கேற்க வேண்டும் என அரசு உத்தரவிட்டுள்ளது.

இந்தக் கூட்டங்களில், பள்ளிக் கல்வி சாா்பில் அதிகாரிகள் அல்லது உள்ளூா் பள்ளி தலைமை ஆசிரியா்கள் கட்டாயம் பங்கேற்க அறிவுறுத்தப்பட்டுள்ளது.

தொடா்புடயை ஊராட்சி பகுதிகளில், அரசுப் பள்ளிகளின் தரத்தை மேம்படுத்துவது, கட்டமைப்பை உருவாக்குவது, மாணவா் சோ்க்கையை அதிகரிப்பது, பள்ளி வளாக தூய்மை பணிகள் போன்றவை குறித்து ஆசிரியா்கள் பேச வேண்டும் என்றும் பள்ளிக் கல்வித் துறை அறிவுறுத்தியுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com