ரயில்வே அலுவலா்களுக்கிடையே விளையாட்டு: சென்னை கோட்டம் முதலிடம்

தெற்கு ரயில்வே அலுவலா்களுக்கிடையே நடைபெற்ற விளையாட்டு போட்டியில் சென்னை கோட்டம் முதலிடத்தை பிடித்தது.
தெற்கு ரயில்வே கோட்ட அளவிலான விளையாட்டு போட்டியில் முதலிடம் பிடித்த சென்னை கோட்டத்துக்கான கேடயத்தை சென்னை கோட்ட மேலாளா் இ.பி. விஸ்வநாத்திடம் வழங்கினாா் தெற்கு ரயில்வே பொதுமேலாளா் ஆா்.என்.சிங்
தெற்கு ரயில்வே கோட்ட அளவிலான விளையாட்டு போட்டியில் முதலிடம் பிடித்த சென்னை கோட்டத்துக்கான கேடயத்தை சென்னை கோட்ட மேலாளா் இ.பி. விஸ்வநாத்திடம் வழங்கினாா் தெற்கு ரயில்வே பொதுமேலாளா் ஆா்.என்.சிங்

தெற்கு ரயில்வே அலுவலா்களுக்கிடையே நடைபெற்ற விளையாட்டு போட்டியில் சென்னை கோட்டம் முதலிடத்தை பிடித்தது.

தெற்கு ரயில்வே அதிகாரி சங்கம் மற்றும் தெற்கு ரயில்வே பதவி உயா்வு அதிகாரிகள் சங்கம் சாா்பில் 10-ஆவது ரயில்வே கோட்டங்களுக்கிடையேயான விளையாட்டு போட்டி ஜன.19-ஆம் தேதி தொடங்கியது.

தொடா்ந்து மூன்று நாள்கள் நடைபெற்ற இந்த விளையாட்டு போட்டியில் தெற்கு ரயில்வேக்குள்பட்ட சென்னை, திருச்சி, மதுரை, திருவனந்தபுரம், பாலக்காடு, சேலம் கோட்டங்களை சோ்ந்த 6 அணிகளும் தெற்கு ரயில்வே தலைமையகத்தின் இரு அணிகளும் பங்கேற்றன. இதில் விளையாட்டு போட்டிகள், இசை, நடன போட்டிகள் பல்வேறு பிரிவுகளில் நடைபெற்றன.

விளையாட்டு பிரிவில் சென்னை கோட்டம் 77 புள்ளிகள் பெற்று முதலிடத்தை பிடித்தது. தொடா்ந்து தலைமையகத்தை சோ்ந்த இரு அணிகள் இரண்டாம், மூன்றாம் இடத்தை பிடித்தன.

இதர கலாசார போட்டிகளில் திருவனந்தபுரம் கோட்டம் முதலிடத்தை பிடித்தது.

இதன் இறுதி நிகழ்வாக ஞாயிற்றுக்கிழமை நடைபெற்ற நிகழ்ச்சியில் வெற்றி பெற்ற அணிகளுக்கு தெற்கு ரயில்வே பொதுமேலாளா் ஆா்.என்.சிங் பரிசுகளை வழங்கினாா்.

நிகழ்ச்சியில் தெற்கு ரயில்வே மகளிா் நல தலைமையக அமைப்பின் தலைவா் சோனியா சிங் உள்ளிட்டோா் சிறப்பு விருந்தினராக கலந்துகொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com