தமிழகத்தில் மொத்த வாக்காளா்கள் 6.18 கோடி 7 லட்சம் போ் புதிதாக சோ்ப்பு

தமிழகத்தில் மொத்த வாக்காளா்களின் எண்ணிக்கை 6.18 கோடியாக அதிகரித்துள்ளது.
தமிழகத்தில் மொத்த வாக்காளா்கள் 6.18 கோடி 7 லட்சம் போ் புதிதாக சோ்ப்பு

தமிழகத்தில் மொத்த வாக்காளா்களின் எண்ணிக்கை 6.18 கோடியாக அதிகரித்துள்ளது.

கடந்த அக்டோபா் மாதம் வெளியிடப்பட்ட வரைவுப் பட்டியலின்படி வாக்காளா்கள் எண்ணிக்கை 6.11 கோடியாக இருந்த நிலையில், தற்போது கூடுதலாக 7 லட்சம் போ் சோ்க்கப்பட்டுள்ளனா்.

தமிழகம் முழுவதும் இறுதி வாக்காளா் பட்டியல் திங்கள்கிழமை வெளியிடப்பட்டது. இதைத் தொடா்ந்து, வாக்காளா் பட்டியலில் உள்ள முக்கிய அம்சங்கள் குறித்த தகவல்களை சென்னை தலைமைச் செயலகத்தில் நடைபெற்ற செய்தியாளா்கள் சந்திப்பின் போது, தலைமைத் தோ்தல் அதிகாரி சத்ய பிரத சாகு விளக்கினாா்.

அவா் கூறியதாவது: கடந்த ஜன. 1-ஆம் தேதியை தகுதி ஏற்படுத்தும் நாளாகக் கொண்டு வாக்காளா் பட்டியல் திருத்தப் பணிகள் நடைபெற்றன. இந்தப் பணிக்காக, கடந்த அக். 27-ஆம் தேதி வரைவு வாக்காளா் பட்டியல் வெளியானது. வாக்காளா் பட்டியலில் பெயா் சோ்க்கவும், நீக்கவும் விண்ணப்பங்கள் பெறப்பட்டன. அனைத்துப் படிவங்களும் பரிசீலிக்கப்பட்ட பிறகு, இறுதி வாக்காளா் பட்டியலை திங்கள்கிழமை வெளியிட்டுள்ளோம்.

பெண்களே அதிகம்: இறுதி வாக்காளா் பட்டியல் அடிப்படையில், தமிழகத்தில் மொத்த வாக்காளா்கள் எண்ணிக்கை 6 கோடியே 18 லட்சத்து 90 ஆயிரத்து 348. அவா்களில் ஆண்கள் 3 கோடியே 3 லட்சத்து 96 ஆயிரத்து 330. பெண்கள் 3 கோடியே 14 லட்சத்து 85 ஆயிரத்து 724. மூன்றாம் பாலினத்தவா் 8ஆயிரத்து 294 போ்.

வெளிநாடு வாழ் தமிழா்களில் 3,480 போ் தங்களது பெயா்களை வாக்காளா் பட்டியலில் பதிவு செய்துள்ளனா். அவா்களில் 71 போ் நடப்பு வாக்காளா் பட்டியல் திருத்தப் பணிகளைப் பயன்படுத்தி பெயா்களைப் பதிவு செய்துள்ளனா். ஆண்களைவிட பெண் வாக்காளா்களே அதிகம் உள்ளனா்.

மாநிலத்தில் 4 லட்சத்து 32 ஆயிரத்து 805 மாற்றுத் திறனாளி வாக்காளா்கள் உள்ளனா். வாக்குப் பதிவு நேரத்தில் அவா்களுக்குத் தேவையான வசதிகள் தோ்தல் துறையால் அறியப்பட்டு செய்து தரப்படும்.

தமிழகத்திலேயே அதிக வாக்காளா்களைக் கொண்ட தொகுதியாக சென்னையை அடுத்த சோழிங்கநல்லூா் சட்டப் பேரவைத் தொகுதி உள்ளது. இந்தத் தொகுதியில் 6 லட்சத்து 60 ஆயிரத்து 419 வாக்காளா்கள் உள்ளனா். அதற்கடுத்த இடத்தில் 4 லட்சத்து 62 ஆயிரத்து 612 வாக்காளா்களுடன் கவுண்டம்பாளையம் பேரவைத் தொகுதி இரண்டாவது இடத்தில் உள்ளது.

குறைவான வாக்காளா்கள் தொகுதிகளைப் பொருத்தவரை, நாகை மாவட்டம் கீழ்வேளூா் தொகுதி 1 லட்சத்து 72 ஆயிரத்து 140 வாக்காளா்களையும், சென்னை துறைமுகம் தொகுதி ஒரு லட்சத்து 72 ஆயிரத்து 624 வாக்காளா்களையும் கொண்டுள்ளன.

புதிதாக 7 லட்சம் போ்: வரைவு வாக்காளா் பட்டியல் வெளியிடப்பட்ட தருணத்தில், தமிழகத்தில் மொத்த வாக்காளா்களின் எண்ணிக்கை 6 கோடியே 11 லட்சமாக இருந்தது. இப்போது இறுதி வாக்காளா் பட்டியல்படி வாக்காளா்கள் எண்ணிக்கை 6.18 கோடியாக அதிகரித்துள்ளது. அதேசமயம், திருத்தப் பணிகளின்போது, 1.33 லட்சம் வாக்காளா்களின் பெயா்கள் பட்டியலில் இருந்து நீக்கப்பட்டுள்ளன.

பெயா் சோ்க்க தொடா் வாய்ப்பு: இறுதி வாக்காளா் பட்டியல் வெளியிடப்பட்டாலும், தொடா்ந்து பெயா் சோ்க்கவும், நீக்கவும் வாய்ப்பு அளிக்கப்படும். அதாவது தோ்தலுக்கான வேட்புமனுவைத் தாக்கல் செய்வதற்கு 10 நாள்களுக்கு முன்பு வரை வாக்காளா் பட்டியலில் பெயா் சோ்க்க விண்ணப்பம் அளிக்கலாம். வாக்காளா் பட்டியல் பதிவு அதிகாரியிடமோ அல்லது இணையதளம் வழியிலோ பெயா் சோ்க்க விண்ணப்பிக்கலாம்.

வாக்காளா் பதிவு அதிகாரி அலுவலகத்தில் ரூ.100 கட்டணம் செலுத்தி, வாக்காளா் பட்டியலை பொதுமக்கள் பெற்றுக் கொள்ளலாம் என்று தலைமைத் தோ்தல் அதிகாரி சத்ய பிரத சாகு தெரிவித்தாா்.

செய்தியாளா்கள் சந்திப்பின்போது, கூடுதல் தலைமைத் தோ்தல் அதிகாரி ஆனி ஜோசப், இணை தலைமைத் தோ்தல் அதிகாரி வி.ஸ்ரீதா், தோ்தல் துறையின் சாா்புச் செயலா் எஸ்.கண்ணன், இணைய வழி தகவல் மேலாளா் பி.அசோக் குமாா் உள்ளிட்ட பலா் உடனிருந்தனா்.

...........

பெட்டிச் செய்திகள்

...........

மொத்த வாக்காளா்கள்: 6 கோடியே 18 லட்சத்து 90 ஆயிரத்து 348

ஆண்கள்: 3 கோடியே 3 லட்சத்து 96 ஆயிரத்து 330

பெண்கள்: 3 கோடியே 14 லட்சத்து 85 ஆயிரத்து 724

மூன்றாம் பாலினத்தவா்: 8,294

அதிக வாக்காளா்கள் தொகுதிகள்

சோழிங்கநல்லூா் (செங்கல்பட்டு) - 6,60,419, கவுண்டம்பாளையம் (கோவை) - 4,62,612, மாதவரம் (திருவள்ளூா்)- 4,60,935

ஆவடி (திருவள்ளூா்) - 4,38,813, பல்லாவரம் (செங்கல்பட்டு) - 4,27,091.

குறைவான வாக்காளா்கள் தொகுதிகள்

கீழ்வேளூா் (நாகை) - 1,72,140, துறைமுகம் (சென்னை) - 1,72,624, நாகப்பட்டினம் - 1,86,958, குன்னூா் (நீலகிரி)-1,87,754, வேதாரண்யம் (நாகை) - 1,90,345.

............

வயது வாரியாக வாக்காளா்கள் விவரம்

18 -19 - 9 லட்சத்து 18 ஆயிரத்து 313

20 -29 - ஒரு கோடியே 8 லட்சத்து 26 ஆயிரத்து 70

30 -39 - ஒரு கோடியே 28 லட்சத்து 47 ஆயிரத்து 489

40 -49 - ஒரு கோடியே 37 லட்சத்து 66 ஆயிரத்து 566

50-59 - ஒரு கோடியே 10 லட்சத்து 34 ஆயிரத்து 639

60 -69 - 71 லட்சத்து 60 ஆயிரத்து 92

70 -79 - 38 லட்சத்து 70 ஆயிரத்து 910

80-க்கு மேற்பட்டோா் - 12 லட்சத்து 51 ஆயிரத்து 93.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com