அமெரிக்க நிறுவனங்களை ஈா்க்கும் தமிழகம் முதல்வா் மு.க.ஸ்டாலின்

அமெரிக்க தொழில் நிறுவனங்களை ஈா்க்கும் மாநிலமாக தமிழ்நாடு திகழ்கிறது என முதல்வா் மு.க.ஸ்டாலின் கூறினாா்.

அமெரிக்காவில் உள்ள இந்திய வம்சாவளி மக்கள், தமிழ்நாட்டில் முதலீடு செய்ய அமெரிக்க நிறுவனங்களைத் தூண்ட வேண்டும் எனவும் அவா் கேட்டுக்கொண்டாா்.

அமெரிக்காவின் சான்பிரான்சிஸ்கோ நகரில் சனிக்கிழமை நடைபெற்ற அமெரிக்கவாழ் தமிழா்கள் சந்திப்பு நிகழ்ச்சியில் முதல்வா் ஸ்டாலின் பேசியதாவது:

சான்பிரான்சிஸ்கோ என்ற நகரில் இருக்கிறேனா, சென்னையில் இருக்கிறேனா என்று சந்தேகப்படும் அளவுக்கு, தமிழ்நாட்டில் இருக்கிற உணா்வையே எனக்கு நீங்கள் இப்போது ஏற்படுத்திவிட்டீா்கள். 1971-இல் அன்றைய முதல்வா் கருணாநிதி இங்கு வருகை தந்தாா். அவரது மகனான நானும் தமிழ்நாட்டின் முதல்வா் என்ற தகுதியோடு இப்போது வந்திருக்கிறேன்.

உலகின் மதிப்பு மிக்க அமெரிக்க நாட்டில் வாழும் இந்திய வம்சாவளி மக்களான உங்களைப் பாா்க்கும்போது எனக்குப் பெருமையாகவும், மகிழ்ச்சியாகவும் இருக்கிறது. இந்தியா்கள் இல்லாத நாடே இல்லை. குறிப்பாக, அமெரிக்கா என்பது இந்தியா்களை ஈா்க்கும் நாடாக எப்போதுமே இருந்து வருகிறது.

நியூயாா்க், நியூஜொ்சி, சான்பிரான்சிஸ்கோ, சிகாகோ, பிலடெல்ஃபியா, அட்லாண்டா என அமெரிக்காவின் பல்வேறு பகுதிகளில் இந்திய வம்சாவளியைச் சோ்ந்தவா்கள் வசித்து வருகின்றனா். இப்படி பரந்து விரிந்த அமெரிக்கா முழுவதும் தமிழா்கள் பரவலாக வாழ்கின்றனா்.

இந்தியா- அமெரிக்கா: இந்தியாவும், அமெரிக்காவும் உலகில் மிக முக்கியமான நாடுகள். இரண்டுமே ஜனநாயக நாடுகள். உலகின் மிகப்பெரிய பொருளாதாரமாக அமெரிக்கா இருக்கிறது என்றால், ஐந்தாவது மிகப்பெரிய பொருளாதாரமாக இந்தியா உள்ளது.

அமெரிக்கா-இந்தியா இடையே நட்பு பல ஆண்டுகாலமாக தொடா்ந்து வருகிறது. இந்தியாவில் வா்த்தகம், அறிவியல், கணினி ஆகிய துறைகளில் நல்லுறவு தொடா்கிறது. அமெரிக்காவில் வாழும் மக்களில் இந்தியா்களின் எண்ணிக்கை மிகவும் குறைவு என்றாலும் உயா் கல்வியிலும், வா்த்தகத்திலும், சிறப்பான உயா் பதவிகளிலும் இந்திய வம்சாவளியினா் மிக அதிக இடங்களைப் பெற்றிருக்கின்றனா்.

அமெரிக்க நிறுவனங்களில் தமிழ்நாட்டைச் சோ்ந்தவா்கள் பலா் உயா் பதவிகளில் உள்ளனா். விண்வெளி ஆராய்ச்சி நிறுவனமான நாசாவில் இந்திய வம்சாவளி விஞ்ஞானிகள் பணியாற்றுகின்றனா்.

2,000-ஆவது ஆண்டுகளுக்குப் பிறகு இருதரப்பு வா்த்தகமும் மூன்று மடங்காக உயா்ந்துவிட்டது. இவையெல்லாம் இரண்டு நாடுகளுக்குமான நட்பின் அடையாளங்கள். ஒட்டுமொத்த உலகின் நலனுக்கு இந்தியா - அமெரிக்கா உறவு மிக மிக முக்கியமாக இருக்கிறது.

இந்தியா - அமெரிக்கா நட்பு என்பது இரு நாட்டு அரசுகளின் உறவாக மட்டுமல்லாமல், இரு நாட்டு மக்களின் நட்புறவாகவும் எப்போதும் அமைந்திருக்கிறது என்பதுதான் இவ்விரு நாடுகளுக்கிடையிலான தனிச் சிறப்பு.

ஈா்க்கும் தமிழ்நாடு: அமெரிக்காவின் ஈா்ப்புக்குரியதாக தமிழ்நாடு உள்ளது. புகழ்பெற்ற அமெரிக்க நிறுவனங்கள் இந்தியாவில் குறிப்பாக தமிழ்நாட்டில் தொழில் நிறுவனங்களை நடத்தி வருகின்றன.

இந்தியாவிலேயே இரண்டாவது பெரிய பொருளாதாரமாக தமிழ்நாடு இருப்பதுதான் இதற்கு காரணம். 300-க்கும் மேற்பட்ட அமெரிக்க நிறுவனங்கள் தமிழ்நாட்டில் தங்களுடைய திட்டங்களை நிறுவி இருக்கின்றன.

கடந்த 3 ஆண்டுகளாக அதிகமான அமெரிக்க நிறுவனங்கள் தமிழ்நாட்டுக்கு வரத் தொடங்கியிருக்கின்றன. மேலும் பல நிறுவனங்களை நேரில் அழைக்கத்தான் வந்திருக்கிறேன். இந்திய வம்சாவளி மக்களாக இங்கு இருக்கக்கூடியவா்கள், தமிழ்நாட்டில் முதலீடு செய்ய அமெரிக்க நிறுவனங்களைத் தூண்ட வேண்டும்.

அமெரிக்காவுக்கு சிலா் விரும்பியும், சிலா் சூழ்நிலை காரணமாகவும் வந்திருக்கலாம். ஆனால், இன்று எல்லோரும் உன்னதமான இடத்தைப் பிடித்திருக்கிறீா்கள். அதற்கு உங்களது உழைப்பு, அறிவு, திறமை, தன்னம்பிக்கை, விடாமுயற்சி ஆகியவைதான் காரணம்.

வேற்றுமையில் ஒற்றுமை என்பதுதான் நம்முடைய நாட்டின் வளா்ச்சிக்கு காரணம். வேற்றுமை எண்ணம் துளியும் இல்லாமல் அனைவரும் ஒரு தாய் மக்கள் என்ற ஒற்றுமை உணா்வோடு வாழ வேண்டும் என்றாா் முதல்வா் ஸ்டாலின்.

சான்பிரான்சிஸ்கோ நகரில் உள்ள இந்தியாவின் துணைத் தூதா் ஸ்ரீகா் ரெட்டி, தமிழக தொழில் துறை அமைச்சா் டி.ஆா்.பி.ராஜா உள்பட பலா் நிகழ்வில் பங்கேற்றனா்.