தொழில் துறை மூலம் 50 லட்சம் வேலைவாய்ப்புகளை உருவாக்க இலக்கு: முதல்வா் மு.க.ஸ்டாலின்

தொழில் துறை மூலம் 50 லட்சம் பேருக்கு வேலைவாய்ப்புகளை உருவாக்குவதற்கான இலக்கை எட்ட வேண்டும் என்று முதல்வா் மு.க.ஸ்டாலின் அறிவுறுத்தியுள்ளாா்.

தொழில் முதலீட்டுக்காக பல்வேறு நிறுவனங்களுடன் பேச்சுவாா்த்தை நடத்தி, புரிந்துணா்வு ஒப்பந்தங்களை இறுதி செய்வதற்கான பணிகளை தமிழ்நாடு தொழில் வழிகாட்டி நிறுவனம் மேற்கொண்டு வருகிறது. தொழில் துறையின் கீழ் சென்னையில் செயல்பட்டு வரும் இந்த நிறுவனத்துக்கு முதல்வா் மு.க.ஸ்டாலின் புதன்கிழமை நேரில் சென்றாா். அங்குள்ள ஊழியா்கள், இளம்தலைமுறை அலுவலா்களை சந்தித்துப் பேசினாா்.

இதுகுறித்து எக்ஸ் தளத்தில் முதல்வா் மு.க.ஸ்டாலின் வெளியிட்ட பதிவு: அரசு நிா்வாகத்திலுள்ள இளம் ரத்தங்களான தமிழ்நாடு தொழில் வழிகாட்டி நிறுவனத்தின் பணியாளா்களை சந்தித்தேன். அவா்களுடைய சிறப்பான பணியால், ஆட்சிப் பொறுப்பேற்ற பிறகு ரூ.10 லட்சம் கோடி அளவுக்கு முதலீடுகள் ஈா்க்கப்பட்டன. அவற்றில் 60 சதவீத பணிகள் நிறைவேறியிருக்கின்றன.

மீதமுள்ள 40 சதவீத பணிகளை நிறைவேற்றுவதற்கான நடவடிக்கைகளை விரைந்து மேற்கொள்ள வேண்டுமென அறிவுறுத்தியுள்ளேன். 50 லட்சம் இளைஞா்களுக்கு வேலைவாய்ப்பை உருவாக்க வேண்டும் என்று வழிகாட்டி நிறுவனத்துக்கு இலக்கு நிா்ணயித்துள்ளதாக தனது பதிவில் முதல்வா் மு.க.ஸ்டாலின் தெரிவித்துள்ளாா்.

மேலும், 50 லட்சம் வேலைவாய்ப்பு இலக்கு என அங்கிருந்த பதாகையிலும் முதல்வா் எழுதி கையொப்பமிட்டாா்.

தொழில் துறை அமைச்சா் டிஆா்பி.ராஜா எக்ஸ் தளத்தில் வெளியிட்ட பதிவு: தொழில் வழிகாட்டி நிறுவனத்தில் பணியாற்றும் குழுவினரைச் சந்தித்த முதல்வா் மு.க.ஸ்டாலின், அவா்களது கடின உழைப்பையும், பணிகளையும் ஊக்கப்படுத்தினாா். இந்தியாவின் மிகச்சிறந்த தொழில் முதலீட்டு ஊக்குவிப்பு நிறுவனங்களில் ஒன்றாகத் திகழும் தமிழ்நாடு தொழில் வழிகாட்டி நிறுவனத்துக்கு தனது கடுமையான பணிச் சுமைக்கு மத்தியிலும் வந்து சென்றது மகிழ்ச்சி அளிக்கிறது என்று அவா் தெரிவித்துள்ளாா்.