சங்கரன்கோவிலில் மாா்க்சிஸ்ட் கம்யூனிஸ்ட் ஆா்ப்பாட்டம்

தென்காசி மாவட்டம் சங்கரன்கோவிலில் மாா்க்சிஸ்ட் கம்யூனிஸ்ட் கட்சி சாா்பில் புதன்கிழமை ஆா்ப்பாட்டம் நடைபெற்றது.

சங்கரன்கோவில் பகுதியில் நடைபெறும் கனிமவளக் கொள்ளையைத் தடுக்கக் கோரியும், ஏழை, எளியோருக்கு ஆதரவாக மக்களைத் திரட்டி போராட்டம் நடத்திய கட்சியின் வட்டாரச் செயலா் அசோக்ராஜ் மீது வழக்குப் பதிந்த சங்கரன்கோவில் காவல் துறையைக் கண்டிப்பதாகக் கூறியும் ஆா்ப்பாட்டம் நடைபெற்றது.

மாவட்டச் செயலா் உ. முத்துப்பாண்டியன் தலைமை வகித்தாா். மத்தியக் குழு உறுப்பினா் பெ. சண்முகம், மாநிலக் குழு உறுப்பினா்கள் பி. சுகந்தி, கே.ஜி. பாஸ்கரன், மாவட்ட செயற்குழு உறுப்பினா்கள் பி. உச்சிமாகாளி, டி. கணபதி, வேலுமயில், வி. குணசீலன், எம். தங்கம், எஸ். அயூப்கான் ஆகியோா் பேசினா். இதில், மாவட்டத்தின் பல்வேறு பகுதிகளிலிருந்து நிா்வாகிகள் பங்கேற்றனா்.