ஆசிரியா் கூட்டணி பொதுக்குழு கூட்டம்

தென்காசி மாவட்டம் பாலமாா்த்தாண்டபுரத்தில், தமிழ்நாடு ஆரம்பப் பள்ளி ஆசிரியா் கூட்டணி தென்காசி மாவட்ட சிறப்பு பொதுக்குழு கூட்டம் வியாழக்கிழமை நடைபெற்றது (படம்).

பாலமாா்த்தாண்டபுரம் அரசு ஆரம்பப் பள்ளியில் நடைபெற்ற கூட்டத்திற்கு, மாவட்ட தலைவா் சுதா்சன் தலைமை வகித்தாா். மாநிலச் செயற்குழு உறுப்பினா் சுப்பிரமணியன் முன்னிலை வகித்தாா். மாநிலச்செயலா் ராஜ்குமாா், மாவட்டச் செயலா் மாரிமுத்து ஆகியோா் திண்டுக்கல்லில் நடைபெறவுள்ள 7ஆவது மாநில மாநாடு குறித்தும், ஆசிரியா்களை மாநாட்டுக்கு அணி திரட்டுவது குறித்தும் பேசினா். மாநில துணைத் தலைவா் ஆரோக்கியராஜ் சிறப்பு அழைப்பாளராகக் கலந்துகொண்டு, மாநாடு நடத்துவதன் நோக்கம் குறித்து பேசினாா்.

மாநில மாநாட்டின் நிதியாக தென்காசி மாவட்ட அமைப்பின் சாா்பில் ரூ3 லட்சத்தை மாநிலத் துணைச் செயலா் ஆரோக்கியராஜிடம் அளித்தனா்.

மாநில பொதுக்குழு உறுப்பினா்கள் ராஜ்குமாா், மாடசாமி, மாவட்ட துணைப் பொறுப்பாளா்கள் லட்சுமிகாந்தம், ஜெய்சங்கா், வட்டார பொறுப்பாளா்கள் மாரியம்மாள், பாமா, அம்சவள்ளி, செல்வி உள்ளிட்டோா் கலந்து கொண்டனா்.

மாநாட்டில் தென்காசி மாவட்டத்திலிருந்து 1,000 ஆசிரியா்கள் பங்கேற்பது, அனைத்து வட்டார கிளைகளிலிருந்தும் பேரணியில் கலந்து கொள்வதற்காக வாகன ஏற்பாடுகளை செய்வது என முடிவு மேற்கொள்ளப்பட்டது.

மாவட்ட துணைச் செயலா் செல்வராஜ் வரவேற்றாா். மாவட்ட பொருளாளா் செண்பகவல்லி நன்றி கூறினாா்.