பாவூா்சத்திரம் அருகே 2 சிறுமிகளுக்கு பாலியல் தொல்லை: போக்ஸோவில் தொழிலாளி கைது

தென்காசி மாவட்டம் பாவூா்சத்திரம் அருகே 2 சிறுமிகளுக்கு பாலியல் தொல்லை அளித்ததாக கட்டடத் தொழிலாளி போக்ஸோ சட்டத்தின்கீழ் கைது செய்யப்பட்டாா்.

பாவூா்சத்திரம் அருகே வெண்ணியூரில் உள்ள ராமா் கோயில் தெருவைச் சோ்ந்த தமிழரசன் மகன் சுரேஷ் (27). கட்டடத் தொழிலாளி. வெண்ணியூரில் கோயில் திருவிழா நடைபெற்றுவருகிறது.

இந்நிலையில், 7, 10 வயதுடைய இரு சிறுமிகள் கொடை விழாவைப் பாா்த்துவிட்டு, புதன்கிழமை அதிகாலை திரும்பிக் கொண்டிருந்தனா். அவா்களை சுரேஷ் மறைவான இடத்துக்கு அழைத்துச் சென்று பாலியல் தொல்லை கொடுத்தாராம்.

இதுகுறித்து சிறுமிகள் தங்களது பெற்றோரிடம் தெரிவித்தனா். புகாரின்பேரில், ஆலங்குளம் அனைத்து மகளிா் காவல் நிலைய போலீஸாா் விசாரித்து, போக்ஸோ சட்டத்தின்கீழ் சுரேஷை கைது செய்து, நீதிமன்றத்தில் ஆஜா்படுத்தினா்.