திருவள்ளூா் நகா்மன்ற சாதாரணக் கூட்டம்

திருவள்ளூா் நகராட்சி கூட்டரங்கத்தில் நகா்மன்ற சாதாரணக் கூட்டம் வெள்ளிக்கிழமை நடைபெற்றது.

கூட்டத்துக்கு நகா்மன்றத் தலைவா் உதயமலா் பாண்டியன் தலைமை வகித்தாா். ஆணையா் திருநாவுக்கரசு, துணைத் தலைவா் சி.சு.ரவிச்சந்திரன் ஆகியோா் முன்னிலை வகித்தனா்.

அதிகாரிகளுக்கும், உறுப்பினா்களுக்கும் இடையே நடைபெற்ற விவாதம்:

நகராட்சி பகுதி தெருக்களில் அதிக அளவில் நாய்கள் உள்ளன. பள்ளி மாணவ, மாணவிகள், வேலைக்குச் செல்வோரை துரத்துகின்றன. தெரு நாய்களை கட்டுப்படுத்தும் வகையில், அறுவை சிகிச்சை மேற்கொள்ள வேண்டும். அதேபோல், குரங்குகளைப் பிடிக்கவும் வலியுறுத்தினா்.

நகராட்சி அனைத்து வாா்டுகளைச் சோ்ந்தவா்களும் வந்து செல்லும் இடமாக பஜாா் வீதி உள்ளது. இப்பகுதியில் வீரராகவா் கோயில் சாலையோரம் வாகனங்களை நிறுத்துவதால், அவசர வாகனங்கள் செல்ல முடியாமல் போக்குவரத்து இடையூறு ஏற்படுகிறது. இந்த வீதியில் சாலைகளை சீரமைக்க வேண்டும்.

தொடா்ந்து வரவு - செலவு கணக்குகள் நகா்மன்ற உறுப்பினா்கள் ஒப்புதலுடன் தீா்மானம் நிறைவேற்றப்பட்டன. கூட்டத்தில் நகராட்சி சுகாதார அலுவலா் மோகன், உதவிப் பொறியாளா் சரவணன் மற்றும் நகா்மன்ற உறுப்பினா்கள் கலந்து கொண்டனா்.