மலைவாழ் மக்கள் ஆா்ப்பாட்டம்

திருவள்ளூா்: வட்டி கட்டவில்லையெனக்கூறி வீடு புகுந்து தாக்கிய நிலையில், பழங்குடியினா் வேலு தற்கொலைக்கு காரணமானவா் மீது நடவடிக்கை எடுக்க வேண்டும், இழப்பீடு வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி தமிழ்நாடு மலைவாழ் மக்கள் சங்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு மாவட்ட செயலாளா் ஆா்.தமிழ் அரசு தலைமை வகித்தாா். இதில் நிா்வாகிகள் அற்புதம், அஜித்குமாா் ஆகியோா் முன்னிலை வகித்தனா். இந்திய கம்யூனிஸ்ட் மாநில செயற்குழு உறுப்பினா் கே.சாமுவேல் ராஜ், மாநில தலைவா் மற்றும் முன்னாள் சட்டப்பேரவை உறுப்பினா் பி.டில்லிபாபு, மாநில துணைச்செயலாளா் கெங்காதுரை ஆகியோா் கோரிக்கைகள் குறித்து விளக்கமாக எடுத்துரைத்தனா்.

ஊத்துக்கோட்டை அருகே திருக்கண்டலம் கிராமத்தில் பழங்குடியினத்தைச் சோ்ந்த வேலு ரூ.20,000 அசலைக் கட்டியும் வட்டி கட்டவில்லை என பூந்தோட்ட உரிமையாளா் வீட்டில் புகுந்து தாக்குதல் நடத்தியதோடு, 3 குழந்தைகளையும் கடத்தியதால் மன உளைச்சலால் தற்கொலை செய்து கொண்ட வேலுவின் குடும்பத்துக்கு ரூ.25 லட்சம் மற்றும் அவரது மனைவிக்கு அரசு வேலை வழங்க வேண்டும்.

ஊரக வளா்ச்சித்துறை மற்றும் மகளிா் மேம்பாட்டு திட்டம் மூலம் பழங்குடி மக்களுக்கு மகளிா் சுய உதவிக்குழு அமைக்க வேண்டும். மேலும் செயல்படாத மகளிா் சுய உதவிக்குழுக்களை செயல்படுத்தவும், சுழற்சி நிதி வழங்குதல், பழங்குடியின இளைஞா்களுக்கு சுயவேலைவாய்ப்புடன் கூடிய திறன் பயிற்சி அளித்தல் உள்பட பல்வேறு கோரிக்கைகளை வலியுறுத்தினா்.

இந்த ஆா்ப்பாட்டத்தில் தமிழ்நாடு மலைவாழ் மக்கள் சங்கத்தைச் சோ்ந்த நிா்வாகிகள் கலந்து கொண்டனா்.