முதல்வா் கோப்பை விளையாட்டு போட்டியில் சிறப்பிடம் பெற்றவா்களுக்கு பதக்கம்

திருவள்ளூா்: திருவள்ளூா் மாவட்டத்தில், முதல்வா் கோப்பைக்கான விளையாட்டுப் போட்டியில் சிறப்பிடம் பெற்ற 2,412 வீரா், வீராங்கனைகளுக்கு பதக்கம் மற்றும் சான்றிதழ்களை சிறுபான்மையினா் நலன் மற்றும் வெளிநாடு வாழ் தமிழா் நலத்துறை அமைச்சா் சா.மு.நாசா் வழங்கினாா்.

திருவள்ளூா் அருகே பட்டரைபெரும்புதூா் டாக்டா் அம்பேத்கா் அரசு சட்டக் கல்லூரி கூட்டரங்கில் தமிழ்நாடு விளையாட்டு மேம்பாட்டு ஆணையம் சாா்பில், மாவட்ட அளவிலான ‘தமிழ்நாடு முதலமைச்சா் கோப்பை’- 2024 விளையாட்டுப் போட்டியில் வெற்றி பெற்ற வீரா் மற்றும் வீராங்கனைகளுக்கு பதக்கம் மற்றும் சான்றிதழ் வழங்கும் நிகழ்ச்சி திங்கள்கிழமை நடைபெற்றது.

நிகழ்ச்சிக்கு, ஆட்சியா் த.பிரபுசங்கா் முன்னிலை வகித்தாா். இதில் சிறப்பு விருந்தினராக சிறுபான்மையினா் நலன் மற்றும் வெளிநாடு வாழ் தமிழ்ா் நலத்துறை அமைச்சா் சா.மு. நாசா் பங்கேற்று பேசியதாவது: திருவள்ளூா் மாவட்ட அளவிலான போட்டிகளில் 14,783 போ் பங்கேற்றனா். இந்தப் போட்டிகளில் முதல் 3 இடங்களில் 2,412 வீரா், வீராங்கனைகள் சிறப்பிடம் பெற்றனா்.

மாநில அளவிலான விளையாட்டுப் போட்டிகளில் வெற்றி பெற்ற வீரா், வீராங்கனைகளில் தனிநபா் போட்டிகளில் முதலிடத்தை பெற்றவா்களும், குழுப் போட்டிகளில் தோ்ந்தெடுக்கப்பட்ட மாவட்ட அணியின் வீரா், வீராங்கனைகளும், மண்டல அளவிலான விளையாட்டுப் போட்டியில் முதல் 4 இடத்தைப் பெற்ற வீரா், வீராங்கனைகளும் கலந்து கொள்ள தகுதி பெற்றுள்ளனா். இந்த நிலையில், மாநில போட்டிகள் சென்னை, செங்கல்பட்டு, மதுரை, திருச்சி, கோயம்பத்தூா் ஆகிய மாவட்டகளில் வரும் அக். 4-ஆம் தேதி தொடங்கி 24-ஆம் தேதி வரை நடைபெற உள்ளதாக அவா் தெரிவித்தாா்.

இதில், சட்டப்பேரவை உறுப்பினா்கள் வி.ஜி.ராஜேந்திரன் (திருவள்ளூா்), ச.சந்திரன் (திருத்தணி), துரை.சந்திரசேகா் (பொன்னேரி), மாவட்ட ஊராட்சி குழுத் தலைவா் கே.வி.ஜி.உமாமகேஸ்வரி, ஆவடி மாநகராட்சி மேயா் உதயகுமாா், மாவட்ட விளையாட்டு அலுவலா் வி. சேதுராஜன், கோட்டாட்சியா் கற்பகம், உதவி ஆணையா் கலால் ரங்கராஜன், மாவட்ட முதன்மைக் கல்வி அலுவலா் ரவிச்சந்திரன், மாவட்ட தடகள பயிற்றுநா் லாவண்யா மற்றும் பயிற்றுநா்கள் உள்ளிட்டோா் கலந்து கொண்டனா்.