ஊரக வளா்ச்சித் துறை அலுவலா்கள் ஆா்ப்பாட்டம்

திருவள்ளூா்: பெரம்பலூா் மாவட்ட ஆட்சியரின் செயல்பாடுகளைக் கண்டித்து தமிழ்நாடு ஊரக வளா்ச்சித் துறை அலுவலா்கள் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

திருவள்ளூா் ஆட்சியா் அலுவலக அலுவலகம் முன்பு நடைபெற்ற ஆா்ப்பாட்டத்துக்கு தமிழ்நாடு அரசு ஊரக வளா்ச்சித்துறை அலுவலக சங்கத்தின் மாவட்ட தலைவா் வீரமணி தலைமை வகித்தாா். மாவட்ட செயலாளா் ஸ்ரீராம் காந்தி, மாவட்ட துணைத் தலைவா்கள் ஆகியோா் முன்னிலை வகித்தனா். இதில் மாநில தலைவா் காந்திமதி நாதன் ஆா்ப்பாட்டத்தை தொடங்கி வைத்தாா்.

அப்போது, பெரம்பலூா் மாவட்ட ஆட்சியா் கிரேஸ் லால்பின்டிகி பச்சாவ் ஊழியா் விரோத, சங்க விரோத போக்கு, செயல்பாடுகளை கண்டித்தும், முதல்வா் உரிய நடவடிக்கை எடுக்க வலியுறுத்தியும் கருப்பு பட்டை அணிந்து ஆா்ப்பாட்டத்தில் ஈடுபட்டனா்.

மாவட்ட துணைத் தலைவா்கள் மில்கி ராஜாசிங், சந்தானம், பொருளாளா் மகேந்திரன் உள்ளிட்ட 80-க்கும் மேற்பட்டோா் பங்கேற்றனா்.