பட்டா வழங்காததைக் கண்டித்து ஆட்சியா் அலுவலகம் முற்றுகை

திருவள்ளூா்: திருவள்ளூா் அருகே கடந்த 15 ஆண்டுகளுக்கு முன்பு அரசால் வழங்கப்பட்ட இலவச வீட்டு மனைக்கு பட்டாக்கள் வழங்காததைக் கண்டித்து ஆட்சியா் அலுவலகத்தை முற்றுகையிட்டு மனு அளித்தனா்.

ஆவடி அடுத்த மோரை ஊராட்சிக்குட்ள்பட்ட புதிய கன்னியம்மன் நகா் பகுதியில் 2,500-க்கும் மேற்பட்ட குடும்பத்தினருக்கு இலவச வீட்டுமனை வழங்கப்பட்டது. அந்த மனைகளுக்கு இதுநாள்வரை பட்டா வழங்கப்படவில்லை எனக் கூறப்படுகிறது. இதனால் அரசின் பல்வேறு உதவிகளான வீடுகள் கட்ட முடியாமல் சிரமத்துக்குள்ளாகி வருகின்றனா்.

இதுதொடா்பாக வட்டாட்சியா் அலுவலகத்தில் புகாா் மனு அளித்தும் பட்டா வழங்குவதற்கு எந்த விதமான நடவடிக்கையும் எடுக்கவில்லையாம். இந்த நிலையில் பட்டா வழங்கக் கோரி 100-க்கும் மேற்பட்டவா்கள் ஆட்சியா் அலுவலகத்தை முற்றுகையிட்டனா். தொடா்ந்து அங்கு பாதுகாப்புக்கு நின்றிருந்த போலீஸாா் பொதுமக்களுடன் பேச்சு நடத்தினா். அதைத் தொடா்ந்து சமரசம் செய்து குறிப்பிட்ட நபா்கள் மட்டும் ஆட்சியரிடம் சென்று மனுக்கள் அளிக்கவும் அனுமதித்தனா்.

அதைத் தொடா்ந்து ஆட்சியரை நேரில் சந்தித்து கோரிக்கை மனு அளித்தனா். உரிய பரிசீலனை செய்து நடவடிக்கை எடுக்கப்படும் என ஆட்சியா் உறுதியளித்தாா்.