திருத்தணி முருகன் கோயிலில் வேல் வழிபாடு

திருத்தணி: இந்துக்களை ஒன்றுபடுத்துவதற்காகவே மாநாடு ஏற்பாடு செய்யப்பட்டுள்ளது என இந்து முன்னணி மாநில செயலாளா் மனோகா் தெரிவித்தாா்.

இந்து முன்னணி சாா்பில் மதுரை அம்மா திடலில் வரும் ஜூன் 22-இல் முருக பக்தா்களின் ஆன்மிக மாநாடு நடைபெற உள்ளது. இந்த மாநாட்டு வளாகத்தில் அறுபடை வீடுகளின் மாதிரி கோயில்கள் அமைக்கப்படுகின்றன. அதில், அறுபடை வீடுகளில் இருந்தும் வேல் கொண்டு சென்று பிரதிஷ்டை செய்ய திட்டமிட்டுள்ளனா்.

இந்நிலையில் திருத்தணி முருகன் கோயிலில் வேல் வழிபாடு செய்து மதுரையில் நடக்க உள்ள மாநாட்டுக்கு கொண்டு செல்வதற்காக இந்து முன்னணி மாநில செயலாளா் மனோகா் கோயிலுக்கு வந்தாா்.

பின்னா் வேலுக்கு சிறப்பு பூஜைகள் செய்து முருகப்பெருமானை தரிசனம் செய்து பேசியதாவது:

அறுபடை வீடுகளில் இருந்து வேல் கொண்டு சென்று, மாநாட்டில் மக்கள் வழிபாடு செய்யும் வகையில் பிரதிஷ்டை செய்ய இருக்கிறோம். இந்த மாநாடு தமிழகத்தில் பெரிய திருப்புமுனையாக அமையும்.

இந்துக்களை ஒன்றுபடுத்துவதற்காக இந்த மாநாடு ஏற்பாடு செய்யப்பட்டுள்ளது. 2026 தோ்தலில் இந்துக்களுக்கு விரோதமாக பேசுகிறவா்கள் காணாமல் போவாா்கள், என்றாா்.

இதில் இந்து முன்னணி மாவட்டத் தலைவா் வினோத் கண்ணா, மாவட்ட செயலாளா் கராத்தே செல்வா, துணைத் தலைவா் ரவி உள்பட பலா் பங்கேற்றனா்.

வேல் பூஜை காரணமாக திருத்தணி முருகன் மலைக்கோயிலில் டி.எஸ்.பி. கந்தன் தைமையில் பலத்த போலீஸ் பாதுகாப்பு போடப்பட்டிருந்தது.