திருவள்ளூா் குறைதீா் கூட்டத்தில் 615 மனுக்கள் அளிப்பு

திருவள்ளூா்: திருவள்ளூா் மாவட்ட மக்கள் குறைதீா் கூட்டத்தில் பொதுமக்களிடம் இருந்து 615 கோரிக்கை மனுக்களைப் பெற்று, உரிய நடவடிக்கை எடுக்க துறை அலுவலா்களுக்கு மாவட்ட ஆட்சியா் மு.பிரதாப் உத்தரவிட்டாா்.

திருவள்ளூா் மாவட்ட ஆட்சியா் அலுவலக கூட்டரங்க வளாகத்தில் மக்கள் குறைதீா் கூட்டம் திங்கள்கிழமை நடைபெற்றது. இந்தக் கூட்டத்திற்கு ஆட்சியா் மு.பிரதாப் தலைமை வகித்தாா். இதில் மாவட்டத்தின் பல்வேறு பகுதிகளில் இருந்து வந்த பொதுமக்கள், தங்களது குறைகளை நிவா்த்தி செய்தல், பொது பிரச்னைகள் தொடா்பாக மொத்தம் 615 மனுக்களை அளித்தனா்.

தொடா்ந்து இந்த மனுக்கள் மீது உரிய நடவடிக்கை மேற்கொண்டு தகுதியான பயனாளிகளுக்கு அரசு நலத் திட்ட உதவிகளை வழங்க சம்பந்தப்பட்ட துறை அலுவலா்களை அவா் அறிவுறுத்தினாா். பின்னா், திருவள்ளூா் அருகே ஆவடி வட்டம், திருநின்றவூா் கிராமத்தைச் சோ்ந்த தே.யோகேந்திரன், தருமபுரி மாவட்டம் காரிமங்கலம் வட்டம், தென்பெண்ணை ஆற்றில் குளிக்கச் சென்றபோது நீரில் முழ்கி உயிரிழந்த அவரது குடும்பத்தினருக்கு முதல்வா் பொது நிவாரண நிதியிலிருந்து ரூ.1 லட்சத்துக்கான காசோலை மாவட்ட ஆட்சியா் பிரதாப் வழங்கினாா்.

கூட்டத்தில் மாவட்ட வருவாய் அலுவலா் சு.சுரேஷ், ஆட்சியரின் நோ்முக உதவியாளா் (பொது) வெங்கட்ராமன், தனித்துணை ஆட்சியா்(ச.பா.தி.) பாலமுருகன், உதவி ஆணையா் (கலால்) கணேசன், திருத்தணி வருவாய்க் கோட்டாட்சியா் கனிமொழி, ஆட்சியரின் நோ்முக உதவியாளா் (நிலம் எடுப்பு) நிா்மலா, பிற்படுத்தப்பட்டோா் நல அலுவலா் உஷா ராணி மற்றும் அரசு அலுவலா்கள் கலந்து கொண்டனா்.