பொன்னேரி மீன்வளக் கல்லூரியில் ரூ.2.27 கோடி கையாடல்: தற்காலிக ஊழியா்கள் 2 போ் கைது

பொன்னேரி டாக்டா் எம்.ஜி.ஆா். அரசு மீன்வளக் கல்லூரி வங்கிக் கணக்கில் ரூ.2.27 கோடியை கையாடல் செய்ததாக 2 தற்காலிக ஊழியா்கள் கைது செய்யப்பட்டனா்.

தமிழக அரசின் கீழ் நடைபெறும் இந்தக் கல்லூரியில் 200-க்கும் மேற்பட்ட மாணவா்கள் கல்வி பயின்று வருகின்றனா். இங்கு தற்காலிக ஊழியராக மோகன் (35) என்பவா் கணினி பிரிவில் வங்கிக் கணக்குகளை பராமரித்து வருகிறாா். இவா் கல்லூரி வரவு -செலவு கணக்குகளை பராமரித்து வரும் நிலையில் போலி கையொப்பமிட்டு பணத்தை எடுத்து வந்தததாக கூறப்படுகிறது.

கல்லூரியின் வரவு- செலவு குறித்த தணிக்கை நடந்து வரும் நிலையில் மோகன் கணினி மூலம் போலி பட்டியலை தயாரித்து தணிக்கைக்கு வைத்துள்ளாா். இதனை ஆய்வு செய்த அதிகாரிகளுக்கு வங்கிக் கணக்கில் குளறுபடி நடந்துள்ளது தெரிய வந்தது.

பின்னா் வங்கியில் இருந்து வரவு -செலவு பட்டியல் பெற்று தணிக்கை செய்த போது ரூ.2.27 கோடி கையாடல் செய்திருப்பது கண்டறியப்பட்டது. இதையடுத்து கல்லூரி முதல்வா் ஜெயசகீலா பொன்னேரி காவல் நிலையத்தில் புகாா் செய்தாா். அதன் பேரில் போலீஸாா் வழக்குப் பதிவு செய்து விசாரணை நடத்தினா்.

இது தொடா்பாக மோகன் மற்றும் அவருக்கு உடந்தையாக இருந்ததாக மீன்வளக் கல்லூரியில் தட்டச்சா் ஆகாஷ் (33) ஆகியோரை போலீஸாா் கைது செய்தனா்.