நெடுவரம்பாக்கத்தில் பனை விதைகள் நடும் பணி: ஆட்சியா் தொடங்கி வைத்தாா்

பனை மரம் குறித்த விழிப்புணா்வை ஏற்படுத்தும் நோக்கில் சோழவரம் ஒன்றியம், நெடுவரம்பாக்கம் கிராமத்தில் குளக்கரை பகுதியில் பனை விதைகளை ஆட்சியா் பிரதாப் நடவு செய்தாா்.

பனை மரத்தின் பயன்கள் மற்றும் அதனை வளா்ப்பதன் அவசியத்தை பொதுமக்கள் உணரும் வகையில் தமிழகம் முழுவதும் பனை விதைகளை விதைக்க அரசு நடவடிக்கை மேற்கொண்டு வருகிறது.

இதன்படி திருவள்ளூா் மாவட்டத்தில் உள்ள அனைத்து ஊராட்சிகளிலும் பனை விதைகளை விதைக்க ஆட்சியா் பிரதாப் திட்டமிட்டாா்.

இதையடுத்து திருவள்ளூா் மாவட்ட அளவில் பனை விதைப்பு குழு ஒன்றை உருவாக்கி, அதில் ஒன்றிய வட்டார வளா்ச்சி அலுவலா்கள், வனத்துறை, நீா்வளத்துறை, வேளாண்மை துறை போண்ற துறைகளை சோ்ந்த அதிகாரிகளும், தன்னாா்வ குழுக்கள் ஏற்படுத்தப்பட்டது.

தொடா்ந்து சோழவரம் ஊராட்சி ஒன்றியம், நெடுவரம்பாக்கத்தில் வேட்டைக்கார பாளையம் கிராமத்தில் புதிதாக அமைக்கப்பட்டுள்ள குளத்தை சுற்றியுள்ள பகுதியில் ஊரக வளா்ச்சி மற்றும் ஊராட்சித் துறை, வனத்துறை ஆகிய துறைகள் சாா்பாக பனை விதைகள் நடும் பணிகளை ஆட்சியா் பிரதாப் தொடங்கி வைத்தாா்.

ஊரக வளா்ச்சி முகமை திட்ட இயக்குநா்/இணை இயக்குநா் ஜெயக்குமாா், ஊரக வளா்ச்சி துறை செயற் பொறியாளா் ராஜவேல், மாவட்ட ஆட்சியரின் நோ்முக உதவியாளா் (வேளாண்மை) வேதவல்லி, நீா்வளத்துறை உதவி செயற்பொறியாளா் விஜயராகவன், வன விரிவாக்க அலுவலா் லட்சுமண குமாா் மற்றும் மக்கள் நலப்பணி இயக்க அறக்கட்டளை தலைவா் பாலகிருஷ்ணன் உள்ளிட்டோா் உடனிருந்தனா்.