இயக்குநர்கள், துணைத் தலைவர்கள் உள்ளிட்டோரும் தாமாக முன்வந்து பதவி விலகும் திட்டத்தை முதல்முறையாக இந்தியா மற்றும் அமெரிக்காவில் காக்னிஸன்ட் நிறுவனம் அறிவித்துள்ளது.
இதுகுறித்து அந்த நிறுவனம் தெரிவித்துள்ளதாவது:
தாமாக முன்வந்து பதவி விலகும் திட்டத்தின் கீழ் உயர் பொறுப்புகளில் உள்ள இயக்குநர்கள், இணை துணைத் தலைவர்கள், மூத்த துணைத் தலைவர்கள் உள்ளிட்டோருக்கும் விருப்ப ஓய்வுத் திட்டத்தை காக்னிஸன்ட் அறிமுகப்படுத்தியுள்ளது.
இளையோருக்கு வழிவிட்டு இந்த திட்டத்தின் கீழ் பணியிலிருந்து விலகுவோருக்கு 6 மாதம் முதல் 9 மாதம் வரையிலான மாத சம்பளம் ஈடாக வழங்கப்படும். இந்தியா மற்றும் அமெரிக்காவில் இந்த திட்டம் நடைமுறைப்படுத்தப்பட்டுள்ளது என்று காக்னிஸன்ட் தெரிவித்துள்ளது.
காக்னிஸன்ட் நிறுவனம் சட்டத்துக்குப் புறம்பான வகையில் ஊழியர்களைப் பணிநீக்கம் செய்து வருவதாக கூறி தகவல் தொழில்நுட்ப பணியாளர்கள் கூட்டமைப்பு (எப்.ஐ.டி.இ) சென்னை, ஹைதராபாத் மற்றும் புணேயில் உள்ள தொழிலாளர் ஆணையத்தை ஏற்கெனவே அணுகியுள்ளது என்பது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.