2020 ஹீரோ பேஷன் புரோ மற்றும் கிளாமர் பைக்குகள் அறிமுகம்!

ஹீரோ மோட்டோகார்ப் நிறுவனத்தின் புதுப்பிக்கப்பட்ட 2020 ஹீரோ பேஷன் புரோ மற்றும் கிளாமர் பைக்குகள் இந்தியாவில் அறிமுகமாகியுள்ள்ளது.

புது ஸ்டைல் மற்றும் புதிய எஞ்சின்களுடன் பிஎஸ் 6 உமிழ்வு விதிமுறைகளுடன் அறிமுகப்படுத்தப்பட்டுள்ளன. இரண்டு பைக்குகளும் டிரம் மற்றும் டிஸ்க் பிரேக் ஆப்ஷன் என இரண்டு வகைகளில் வருகின்றன. மேலும் 2020 ஹீரோ பேஷன் புரோவின் விலை முறையே ரூ.64,990 மற்றும் ரூ.67,190 ஆகவும், கிளாமர் பைக்கின் விலை முறையே ரூ. 68,900 மற்றும் ரூ.4 72,400 ஆகவும் உள்ளது

அதிக எரிபொருள் திறன், சிறந்த முடுக்கம், மென்மையான சவாரியுடன்  புதிய தொழில்நுட்பத்தில் அறிமுகப்படுத்தப்பட்டுள்ளது.

ஹீரோ பேஷன் புரோ பிஎஸ் 6 இணக்கமான 110 சிசி ஒற்றை சிலிண்டர் எஞ்சின் மூலம் இயக்கப்படுகிறது. இது 7,500 ஆர்.பி.எம்.இல் 9.02 பிஹெச்பி ஆற்றலை வெளியேற்றும், 5,500 ஆர்.பி.எம். -இல் 9.79 என்.எம் டார்க்கை உருவாக்குகிறது.

பழைய மாடலுடன் ஒப்பிடுகையில், புதுப்பிக்கப்பட்ட பேஷன் புரோ 9 சதவீதம் அதிக பவரையும், 22 சதவீதம் அதிக டார்க்கையும் வழங்குகிறது. 

மறுபுறம், 2020 ஹீரோ கிளாமர் புதிய 125 சிசி ஒற்றை சிலிண்டர் எஞ்சின் மூலம் இயக்கப்படுகிறது. 19 சதவீதம் கூடுதல் சக்தியை வழங்கும். 7500 ஆர்.பி.எம்.இல் 10.73 பிஹெச்பி மற்றும் 6000 ஆர்.பி.எம்.இல் 10.6 என்.எம் டார்க்கை வழங்குகிறது. எஞ்சின் 4-ஸ்பீட் யூனிட்டுக்கு பதிலாக 5-ஸ்பீட் கியர்பாக்ஸுடன் இணைக்கப்பட்டுள்ளது.

பேஷன் புரோ 4 புதிய வண்ண விருப்பங்களுடன் ஸ்டைலிங்குடன் வருகிறது.  மஞ்சள், வெள்ளி மற்றும் கருப்பு வண்ணங்கள் கலந்து ஒரு மாடல் வெளியாகியுள்ளது. கிளாமர் பைக்குகளும் 4 வண்ண விருப்பங்களில் வருகிறது.