ஓப்போ சாதனங்களில் கலர்ஓஎஸ் 7 வெர்ஷன் அறிமுகம்
ஓப்போ சாதனங்களில் தற்போது கலர்ஓஎஸ் 7 வெர்ஷன் சோதனை முயற்சியாக அறிமுகம் செய்யப்பட்டுள்ளது.
சீன ஸ்மார்ட் போன் தயாரிப்பு நிறுவனமான ஓப்போவின் ஓ.எஸ் இயங்குதளத்தில் கலர்ஓஎஸ் 7(ColorOS 7) அறிமுகப்படுத்தப்பட்டுள்ளது. இது ஆண்ட்ராய்டு 10 ஓ.எஸ் -யை அடிப்படையாகக் கொண்டது. தற்போது ஒரு சோதனை அடிப்படையில் மட்டுமே அறிமுகம் செய்யப்பட்டுள்ளதாக நிறுவனம் தரப்பில் தகவல் தெரிவிக்கப்பட்டுள்ளது.
ரெனோ, ரெனோ 10 எக்ஸ் ஜூம், ரெனோ 2, எஃப் 11, எஃப் 11 ப்ரோ மற்றும் ஆர் 17, ஆர் 17 ப்ரோ மற்றும் ஃபைண்ட் எக்ஸ் உள்ளிட்ட ஓப்போ சாதனங்களில் உள்ளது.
கலர்ஓஎஸ்7 பல உள்ளூர் மொழிகளில் பயன்படுத்தப்படுகிறது. ஆங்கிலம், இந்தி, மராத்தி, பெங்காலி உள்ளிட்ட 72 மொழிகளைக் கொண்டுள்ளது.
கலர்ஓஎஸ் 7 இன் சோதனை பதிப்பை மேலும் மாதிரிகள் மற்றும் பிராந்தியங்களுக்குக் கொண்டுவருவதில் நிறுவனம் தொடர்ந்து கவனம் செலுத்துவதால், பயனர் கருத்துக்களை வழங்குவதன் மூலம் ஓஎஸ் மேம்பாட்டு செயல்முறையின் ஒரு பகுதியாக மாற ரசிகர்களை அது அழைக்கிறது.
சோதனை முயற்சியில் பயனர்கள் பெறும் அனுபவத்தை வைத்து முழுவதுமாக ஓப்போவின் அனைத்து சாதனங்களிலும் கொண்டு வரப்படும் என்றும் தகவல் தெரிவிக்கப்பட்டுள்ளது.